Yaykoob 1:25 - Kuumeet Sinɔ Tɔɔnuk Ad Majaŋeeroŋk

²⁵ Mayakana iɗit sinɔ mermen higi sinɔ daktank sinɔ boŋɗiik yaakataak, nɛ ɓaŋkaawur sɛɛnek, iɗit sinɔ tiyɛ nɛ koorɛ a moko monɗiiɗŋɔŋk sɛɛn geetitan ijaag nɛɛkɛk baŋɛ.

Yaykoob 1:25 Iomraidhean Croise

Lukaas 11:28

Yakanaɓa Yeese tonu kɛ, "Geetitaanak joop sigɛ tiyɛr pɛɛni Waakoyotoŋk nɛ ijaagirŋɔŋk."

Yowanis 13:17

Ɔkɔn ɗegerari any sini ɛ ijaagiiriŋ, nɛ iinak geetitaanak.

Yowanis 8:36

Agut sini ɔkɔnkɔɔ kɔnu Tɔn nɛɛkɛ boŋku yaakataaŋ, nɛkɔɔ ɓɛɛlɛɛr yaakat eekeerɛ.

Ijaag Wosɛytaanakoŋk 13:43

Saaɓa kɛɛtiɗiiɗ joop sigɛɓa tolɗik baŋiya, nɛɓa joop Ayuuduk a ŋaadtaanak sigɔɓa guugunyar ŋaadiyɛɛka joop Ayuuduk a ɓɔɔkaaŋ nomɛrɗi Paawuloos a Barnabaas. Nɛɓa Paawuloos a Barnabaas waasɛr joopa gɛɛnaak nɛ kalɛyir sɛɛg jɛt kɛnɔ beeɗir a ɓaŋkaawurar wookan Waakoyotoŋk ɔɗɔɔka.

Ijaag Wosɛytaanakoŋk 2:42

Tiitiyarɓa sɛɛk rɔɔriyɔn wosɛytaanakoŋk, nɛɓa arir omaayikeen, nɛɓa nyɔɔkiɗi ɛ ɗami agut omoŋ ɓɛɛnyɔwɛ gɛɛŋk baŋɛ.

Ijaag Wosɛytaanakoŋk 26:22

Kɔnyɛkanti Waakoyot nɔ mɛlɛɛɗa sisɔwa. Agut sini waasa joopa baŋɛ, a joopa sigaaga boobɛrk a sigaaga balaatuk, tona any sinɛɓa tonur joop pɛrkaakoŋk a Muusee kɛ dusanɛɛkoyŋɔŋk dakɛɗa.

Roome 11:22

Mermen mentanka a kalkalka Waakoyotoŋk, ar kalkalka nɛɛkɛ joope sigaagɛɓa ɗiirark raŋk. Mayakana mentanka nɛɛk iina, ɔkɔn nɛ ɛti a ɓaŋkawuŋ, ma ɔkɔn kɔɔŋ nɛkɔɔ ɓɔrɛni yawɛɛrɛŋ.

Roome 2:13

Agut sinɔ moko mentaana taamɛkɛ Waakoyotoŋk joop sigɛ tiyɛr higiik, mayakana dakɛr a mentaana taamɛkɛ Waakoyotoŋk joop sigɛ ijaagir higi nɛɛkik.

Roome 7:12

Agut sini ege higii geetitan, ɛɓɔrɛ sekiyɛɛk geetitaanak, ɛ liki, ɛ mentaana.

Roome 8:15

Mokokan boŋiir wɛɛŋa sigɔ kɔnu arir a laaŋoyeer kɛkar tuɓuraak, mayakana boŋiirkan wɛɛŋa sigɔ arir kɔnu a iinak tɔɔmɔk gɛɛŋk ɛ riyarɗɔ sɛɛn kɛ, "Aba, Baabɛɛk."

Roome 8:2

agut sinɔ boŋkukanti yaakata higi wɛɛŋakoŋk sinɔ gaɓɛ bɔdɛk Yeese Keresee higii tikiyɛɛkoŋk a retoŋk.

Omoŋ Korontoosuk 15:58

Iinak manyaakak eeta sigɛ dooytaanakik sigɛ porɛɛk, In ɛtɛɛ a ɓaŋkawuŋ. Kat ɓeesiɗiikari ant omalte. In ɓaŋkaawurɛɛ otoop kɛnɔ ijaagiir ijaag Suumiyoŋk, a kat yawɛɛriɗ a ɗegerari kɛ moko bɔɔlakari ijaaga Suumiyoŋk kanysɛya.

Pɛɛyeen Korontoosuk 13:5

In mermenɛɛ ɛkan goŋk sinɔɔnɛ kɛ atukari ŋaadiyɛɛkɛk. In paarɛɛ ɛkan goŋk. Kirkɔɔ koɓiiɗ kɛ ar Yeese Kerese iinakɛ taki? Ma ɔkɔn, nɛkan ɗiirari paariit.

Gɛlatiyaa 2:4

Mayakana ɗɛyɛrkɛkan manyaaka eteŋka sigɔ nyonkaanakik a omoŋ omoŋ sigɛkan ɓoonɛrk eteŋka kɔɔra dugeeɗik, nɔ guugnyarkiɗ eteŋka kɔɔraakik, paarirkɛɓa a gun tine boŋur yaaka sinɛkan laŋii Yeese Kereseek nɛ tin jumurar laaŋoya.

Gɛlatiyaa 5:1

Boŋkukan tin Kerese yaakaata kɛnɔ beeɗii yaakat. Nɛɓɔ in ɛtɛɛ a ɓaŋkawuŋ. Kat kɔnu lowɛɛ toloy laaŋoyoŋk kɛkar.

Gɛlatiyaa 6:2

In iɗit omaay diile diil mɛŋkoŋk. Dusanɛɛrkɔɔ higi Kereseek ant sinɔɔnɛ ito sinik.

Kolasiis 1:23

Nɔ ɓɛɛlɛɛɗ oko sinikik saa beeɗirɗɔ a nomɛrɗɔ ŋaadiyɛ goŋk sigɔ ɛtɛr nyon sinɔɔnɛ ɓaŋkawuŋɔŋk, a kiir wideeɗ ɛɛk ŋaadiyɛɛkɛ sigaagɛ kookorarik Pɛɛnii sinɔɔnɛ Ɓɛlkɛɛstank. Nɛ ege sini Pɛɛni sinɔ Ɓɛlkɛɛstank sinɛɓa tiyɛɛrik ɛɓa waasɛɛ olaata sigaaga atu ɗook raŋk, eet ɓɔrɛ Paawuloos sinɛkɔ daka a laaŋoyenk Pɛɛniya sineena Ɓɛlkɛɛstank.

Omoŋ Timotiyoosuk 2:15

Yakana ɔkɔn jartii ɓaŋkaawur ɛ beeɗ ŋaadiyɛɛkɛ a mɛyin a sɛɛn geetitan, nɛkoy bɔdɛ goy ɓartiyɛ tɔɔmɔkoŋkuŋ.

Omoŋ Timotiyoosuk 4:16

Kooru ɛɛk nook ɛɛka nooka a rɔɔriyɔɔna nookak ɛti olaatɛ sigeege, agut sinɔ ɔkɔnkɔɔ arin oko sinikiŋ ebɔdun ɛɛk nook a joop sigɛna geleewɛrk.

Ibirawiyaan 12:15

In koorɛɛ ɛɛk kɛnɔ kat lakɛ iɗit sinɔ kɔne bitakɗiɗ wookan Waakoyotoŋkuk, ɛ ɓɔrɛ kat ɗiigarki wɛykon sinɔ ɓaayŋɔŋk sinɔ ɓɔlɔɔrɛ nɛ boŋku rakatɛ joopa sigɔɔga ɓɔɔkaaŋɔŋk a ari sɛɛg a somkaanak.

Yaykoob 2:12

Saa tonɗiiɗɔɔk a saa ijaagɗiɗɔɔk, in koɓɛɛ soon kɛ pɛrɛdɛɛkoy kɔne higii sinaanɛ boŋɗiik yaakataakiŋ,

Omoŋ Petrosuk 2:16

In beeɗɛɛ yaakaat oko laaŋoyeer Waakoyotoŋk, ma kat ariir beeɗit noŋk sini yaakatik a miinytan any sinɔ ŋɛɛwɛnŋɔŋkuk.

Omoŋ Yowanisik 2:24

In kɔne beeɗ a ɓaŋkawuŋ pɛɛni sinɛɓa tiyɛɛr tukik ɓayɛtunɛɛkɛ goŋk. Nɛ iinak ɔkɔn kɔne beeɗ ɓayɛtunɛɛkɛ pɛɛni sinɛɓa tiyɛɛr tukikiŋ, nɛ beeɗiir a Tɔɔn nɛɛk a Ɛpɛn eteŋka.

Dɛnɛɛ Pɛrka Yowanisik 14:13

Ɛkan tiya koŋgoy dari sinɔ tonu kɛ, "Taapuk, geetitaanak joop sigɛ koy rɛrar ma sɛɛg joop sisɔ Suumi Yeeseek." Nɛ tonur Wɛɛŋa sigɔ Geetitaanakik kɛ, "Ii, imiinyerkoy bɔɔlakaat nɛŋkiŋ agut sinɔ nomɛkoy sɛɛge ijaag nɛŋkiŋ."

Dɛnɛɛ Pɛrka Yowanisik 22:14

Geetitaanak joop sigɛ aadir abiyak gɛŋk kɛnɔkoy pɛgɛɗɛɛ sɛɛga nɔ mɛlɛr kɛɛta sinaana wɛɛŋakoŋk, ɛ kɛnɔ guugunyar katamɛya nɛɛka tugaateerɛ gɛɛnɛkik.