Yaykoob 1:22 - Kuumeet Sinɔ Tɔɔnuk Ad Majaŋeeroŋk

²² In koorɛɛ Pɛɛni nɛɛk, ma kat raamɛɛr ɛkan goŋk a tiiɗikari dakɛɗa.

Yaykoob 1:22 Iomraidhean Croise

Maatiyoos 12:50

Ege iɗit sinɛ ijaag ɗɛyan Baabɛɛ sinɛ ar darik manya eeta sinɔ mooyk ɛ manya eeta sinɔ peetik ɛ indii."

Maatiyoos 28:20

in rɔɔriyɛɛ sɛɛg kɛnɔ ijaagir any sinɛkɔ kɔna tonaak. Eet a iinak agut omoŋ ɓɛɛnyɔwɛ gɛɛŋk baŋɛ nɔkoy mɛlɛɛɗa pediya ɗookoŋk."

Lukaas 11:28

Yakanaɓa Yeese tonu kɛ, "Geetitaanak joop sigɛ tiyɛr pɛɛni Waakoyotoŋk nɛ ijaagirŋɔŋk."

Yowanis 13:17

Ɔkɔn ɗegerari any sini ɛ ijaagiiriŋ, nɛ iinak geetitaanak.

Roome 2:13

Agut sinɔ moko mentaana taamɛkɛ Waakoyotoŋk joop sigɛ tiyɛr higiik, mayakana dakɛr a mentaana taamɛkɛ Waakoyotoŋk joop sigɛ ijaagir higi nɛɛkik.

Omoŋ Korontoosuk 15:33

Kat kɔnu raaramɛɛ. "Piraa sinɔ ŋɛɛwɛnŋɔŋk sɔɔkɛ kalbi sinɛ mentank."

Omoŋ Korontoosuk 3:18

Kat lakɛ iɗit sinɔ raamɛ ɛɛk nɛɛkik. Ɔkɔn lakɛ iɗit sinɔ dɛnɛ a gayigeeɗ a ito ɗeger ɛɛk ɗook sineene raŋkiŋ, in ikomu ɛɛk nɛɛk a gaagɛy kɛnɔkoy laŋi ɗegerɔn sinɔ eekerkank.

Omoŋ Korontoosuk 6:9

Kiir ɗegerɔɔn kɛ kirkoy tikitaana moonɛɛt Burɛ Waakoyotoŋku? Kat boŋiir any sinɔ kɔna tonu iɗit omaayk, joop sigɔ ibiɗiiŋɔŋk, maŋk sigɔ ugumer raŋaawotakaak, maŋk ruunykaanak, maŋk moojak sigɔ arir ruunyikeen a moojakik, maŋk peetak sigɔ arir ruunyikeen a peetakik,

Gɛlatiyaa 6:3

Iɗit sinɔ koɓu kɛ dɔɔska joope eetik, ma ki dɔɔskaak, raamɛ ɛɛk nɛɛk.

Gɛlatiyaa 6:7

Kat raaramari ɛkan goŋk. Kɛɛ Waakoyote ariiɗ anyaayi. Ɗootukoy iɗit sinɛɓa soowɛk.

Pilipisiyoos 4:8

Pediya iinak manyaakak eeta, in enya kalbiyɛ goŋk eekeerɛ a eemɛyɔɔn, a ɓɛɛlɛt kɛ ɗɔmk, a ola sigɔ mentaana, a yaagar, a porɛɛŋɔŋk. Ma ɓɔrɛ in koɓɛɛ sigɛ kaalɗiik baŋɛk sigɔ mentaanaŋɔŋk a pɔɔsiɗiigidɛɛŋɔŋk.

Kolasiis 3:17

In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.

Pɛɛyeen Timotiyoosuk 3:13

Mayakana joop sigɔ ŋɛɛwɛŋɔŋk a raamkaanak, ɛ babadar ɛ arir joop a babadar a ɛnyɛnyɛkar a kaalɛŋ, a tutuktar tikiyɛ tikiyɛɛka raŋana.

Tiito 3:3

Eteŋkɓa ɓɔrɛ gaagɛɛ jeemɛ, kiiɓa tiiɗit Waakoyota, ɛɓa tin raaramɛɛ, ɛɓa eteŋk laaŋoyeer tikiyɛɛkoŋk, ɛɓa eteŋk ɗɛgɛjaak, ɛɓa eteŋk aabuurekaanak, ɛɓa tin ɓooyɛɛ, ɛɓa ɓooɓooyikii ɛkanɛɛkɛ gaŋk.

Yaykoob 1:26

Iɗit sinɔ tonu kɛ ara Waakoyo a yaageeɗiŋ ma ki ikomiit kaɗa nɛɛkik raamɛ ɛɛk nɛɛk, ege ŋaadiyɛ gɛɛnɛ kanysɛya.

Yaykoob 4:11

Iinak manyaakak eeta sigɛ dooytaanakik, kat tonɛɛ any sinɔ ŋɛɛwɛnŋɔŋk ɛkanɛɛkɛ goŋk, iɗit sinɔ tonu iɗit a ŋɛɛwɛnŋɔŋk maŋk iɗit sinɔ pɛrɛdɛ etek tonu higi a ŋɛɛwɛnŋ, ɛ pɛrɛdɛ higii. Ɔkɔn pɛrɛdin higiiŋ, nɛ iin iɗit sinɔ pɛrɛdɛŋɔŋk, ma moko dusanin higi.

Yaykoob 4:17

Iɗit sinɔ ɗeger any sinɔ mentanŋɔŋk, ɛ ki ijaagɛk nɛ sɛɛna tikiyɛ.

Pɛɛyeen Petrosuk 2:13

Boŋurkoy gati tikiyɛ gɛŋkikiŋ agut sinɔ ijaagirɗi tikiyɛɛk, yaaka nɛŋk duubiyeet tɔpɔyoŋk sinɔ duubiyerɗi waawuy takik, ijaagir any sinɔ keerɛɛ a lagiɗɛɛ keenyk ɛ ijaagir ɗɛyan taaroŋk a atu wɔɔr mɛyinoŋk a iinak agut omoŋɔŋk.

Omoŋ Yowanisik 1:8

Ɔkɔn tonii kɛ kɛɛ tine tikiyɛɛŋ, raaramii ɛkan gaŋk, kɛɛ eekeer eteŋkɛ tak.

Omoŋ Yowanisik 2:3

Ɔkɔn koorii sekiyɛ Waakoyotoŋkuŋ, nɛkɔɔ ɗegerii sineene kɛ ɗegerii sɛɛniŋ.

Omoŋ Yowanisik 3:7

Iinak tɔɔmɔk gaaŋk sigɛ kɔnu poraak, kat lakɛ iɗit sinɔ kɔnu raaramŋɔŋk. Iɗit sinɔ ijaag any sinɔ mentan taamɛkɛ Waakoyotoŋkuk, sɛɛn iɗit sinɔ mentanŋɔŋk, oko sinɛ Kerese mentankiɗ taamɛkɛ Waakoyotoŋkuk.

Jiiteen Yowanisik 1:11

Iin tekaan naak, in gayiikɛɛ a iɗit sinɔ mentanŋɔŋk ma kat gayiikɛɛ a iɗit sinɔ ŋɛɛwɛnŋɔŋk. Iɗit sinɔ ijaag any sinɔ mentanŋɔŋk, sɛɛn tɔɔn Waakoyotoŋk. Ma iɗit sinɔ ijaag any sinɔ ŋɛɛwɛnŋɔŋk kiɓa taanta Waakoyo adaktan.

Dɛnɛɛ Pɛrka Yowanisik 12:9

Ɛkan orkɛɛ ɗooka wilaŋ sinɛ boobɛŋɔŋk. Sɛɛn kooko sinɛɓa ɗeeŋk sinɛ riyɛ kɛ diyabiloos maŋk setank, sɛɛn sinɛɓa ari joop ɗookoŋk a babadarŋɔŋk, orkɛɛɓa ɓɔrɛ wosɛytaanak gɛɛŋk a sɛɛn agut omoŋ.

Dɛnɛɛ Pɛrka Yowanisik 22:7

Tonukan Yeese kɛ, "Dɛnko, mɛlɛɛraakɔɔ a gorgorŋ. Geetitan iɗit sinɛ koorɛ pɛɛni pɛrkaakoŋk wargatɛ sinik."