Yaykoob 1:21 - Kuumeet Sinɔ Tɔɔnuk Ad Majaŋeeroŋk

²¹ In ŋɔɗɛɛ somakɔ a ɓɔɔkaaka tikiyɛɛkoŋk sigɛ kɔne atu takik baŋɛ. In boŋɛɛ rikiteet ɛɛkoŋk Pɛɛni sinɛkoy ebɔdɛ wɛɛŋa goŋkuk sinɛɓa takoyɛ Waakoyot ɓayɛtunɛɛkɛ goŋkuk.

Yaykoob 1:21 Iomraidhean Croise

Maatiyoos 5:5

Iinak joop sigɛ rikiter ɛɛk nɛŋkik, iinak geetitaanak, agut sinɔ ege ɗook baŋɛ noŋk.

Yowanis 6:63

Sigɛ gaɓɛr bɔdɛɛk Wɛɛŋa sigɔ Geetitaanakik, ma kɛɛ any sinɔ kɔnyku ɓaŋkawuka etoŋkuk. Pɛɛni sinɛkɔ kɔna tonaak wɛɛŋa sigɔ gaɓɛr bɔdɛɛk.

Yowanis 6:68

Ɔɔtɛ sinaanɛ tonuɓa Simion Petros kɛ, "Suumi naakɛ, ŋaarii son lak wooɗuk? Lakin seŋk pɛɛni wɛɛŋa sigɛkoy nɔkoy nɔkoyk.

Ijaag Wosɛytaanakoŋk 10:33

Nɛ agut sini nɛkɔ wɔsɛyɛɛrana joop a gorgorŋ. Nɛ mentan sinɛkɔ mɛlkiɗikiŋ. Tolɗiikiikɔ sisɔ eteŋk baŋɛ taamɛkɛ Waakoyotoŋk, kɛnɔ tiyii any sinɛ kɔna tonu Waakoyot kɛnɔ waasink.

Ijaag Wosɛytaanakoŋk 13:26

Iinak manyaakak eeta komoy Abrahamuk a iinak joop sigɛ ɓureer Waakoyok joop sigɔ moko Ayuuduk, wosɛykɛɛɓa pɛɛni sini bɔdɛɗoŋk eteŋka.

Roome 1:16

Kɛɛte keeny Pɛɛniya sinɔɔna Ɓɛlkɛɛstank, agut sinɔ ege sini ɓaŋkawuka Waakoyotoŋk, sinɛ bɔdɛ joopa sigaaga ŋaadiɗi baŋɛk, tuki nɛɛkɛ joopa Ayuuduk ɛ ɓɔrɛ joopa sigaaga moko Ayuuduk.

Roome 11:17

Ɔkɔn bɔsɔɔta rɛkɛnak yuuyɛ sinɔkan waayɛɛŋɔŋk a omoŋ omoŋ ɛ ɗaabɛɛrɛ nyona nɛɛka yuuyɛ ɗukoŋkuŋ, iinak joop sigɔ moko Ayuuduk ito ɓɔrɔ iinak yuuyɛ sinɛ ɗukoŋk sinɛkan ɗaabɛɛrɛk, ɛ sisɔ iinak kaastaanak geet nɛɛkik nɛ kaasɛɛr ɓaŋkawuka nɛɛk a wori joop Ayuuduk.

Roome 6:17

Yakana in dakɛr pɔɔsiyɛɛk Waakoyota, agut sinɔ iinakɓa jeemɛ laaŋoyeer tikiyɛɛkoŋk, yakanaɓaɓɔ tiiɗikari ɓayɛ baŋɛ eekeerɛ sigaagɛkan laŋɛɛ rɔɔriyɔɔn sinaanɛɓa boŋiirik.

Omoŋ Korontoosuk 15:2

Ɔkɔn gaamiir kɛ ɗɔm pɛɛni sinɛkan kɔnu rɔɔriyɗaakiŋ nɛkoy bɔdɛrɗɔɔŋ, ma ɔkɔnkɔɔŋ nɛ ŋaadiɗikari kanysɛya.

Pɛɛyeen Korontoosuk 7:1

Sisɔ iinak sigɛ kɔnu poraak, agut sinɔɓa gaɓɛɛɗɛɛ ŋaadiyɛ sigɛ kookoriik agut eteŋkik, nɛ koy ŋaɗii ɛkan gaŋk olaatɛ sigaagɛ arir taar naŋk a wɛɛŋa gaŋk a somkaanakik, ɛ koy arii mentanka naŋk taamɛkɛ Waakoyotoŋk adaktan tuɓur Waakoyotoŋk.

Epesoon 1:13

Iinak ɓɔrɔ sigɛkan tiyɛɛr Pɛɛni sinɔ Ɓɛlkɛɛstank eekeeroŋk sinɛ bɔdɛ noŋkuk, ɛkan ŋaadiɗikari Keresee, wɛɛŋakɛ ŋaadiyɛ sigɛ kookorɛk ɛɓa kɔnu ɗonyɛɛ Wɛɛŋakɛ sigɔɔgɛ Geetitaanakik.

Epesoon 4:22

Agut sini in boŋiirɛɛ ɛɛk noŋk sinɛɓa bɔɔlɔŋk sinɛɓa beeɗirɗɔ jeemɛk sinɛ sɔɔktank a raarami a dilɗi tikiyɛɛkaak.

Epesoon 4:25

Agut sini kat tonɛɛ nyon, koy tonii eekeer ɛkanɛɛkɛ gaŋk agut sinɔ eteŋk nyonitaak ɛɛk sinɔ omoŋɔŋk.

Epesoon 5:4

Kikɔna ɗɛyɛɛ a toniir any sinɔ keerɛŋɔŋk a any sinɔ ɓɛɛl kanysɛyaak maŋk sinɔ ŋɛɛwɛnŋɔŋk, ma in wideerɛɛ pɔɔsiyɛ Waakoyota.

Omoŋ Tɛsɛlonkeek 1:5

Saakan kɔna waasɛɛɗii Pɛɛni sinɔ Ɓɛlkɛɛstank mokokan pɛɛni dakɛɗa, makan ɓaŋkawukaat a Wɛɛŋakɛ sigɔɔgɛ Geetitaanakik, ɛɓɔrɛ dakɛɛr a eekerkaanak agut Pɛɛni sinɔ Ɓɛlkɛɛstank. Ɛɓɔrɛ ɗegerari kɛ saakan arkiɗii saay lak iinakik kɛ beeɗiikan ɛk agut iinakiŋ.

Omoŋ Tɛsɛlonkeek 2:13

Ɛ ɓɔrɛ pɔɔsii Waakoyo a kii nyɛyɛ. Agut sinɔ saakan boŋurɗɔ Pɛɛni Nɛɛk sinɛɓa tiyɛɛr eteŋkɛɛk, nɔkan boŋiir oko Pɛɛni Waakoyotoŋk sinɛ ijaagɗi iinakɛ sigaagɛ ŋaadiɗikarik eekeerɛk, ma mokokan boŋiir oko pɛɛni etoŋk.

Tiito 2:11

Nɛɓa yaaŋɛ Waakoyot wookan nɛɛk sinɔ ebɔdɛɛɗ joop baŋɛk.

Ibirawiyaan 12:1

Agut sini lakii joop sigɔ tina waasiɗiiŋɔŋk tookɛɛta a ito tiimanik. Koy orii ola sigɛ tina dakɛr a diilk a tikiyɛ sigɛ tina ɗaabiɗikik balatuŋɔŋk, ɛkoy reerii arampɛ reeranoŋk sinɛ tine ar taamɛkɛk oolaan a ɓaŋkaawurɔn.

Ibirawiyaan 2:3

Anɛkoy pordii ɛk ɔkɔn tine nyɛɛɗurku bɔdɛ sini obiiŋɔŋkuŋ? Tonɗiiɓa jeemɛ bɔdɛ sini Suumi ɔɗɔwa nɛɛka, nɛ tina topurk joop sigɛɓa tiyɛrk sɛɛnek kɛ eekeer.

Ibirawiyaan 4:2

Waasɛɛkan ɓɔrɛ tina Pɛɛni sinɔ Ɓɛlkɛɛstank oko sinɛɓa waasɛɛɗɛɛ sɛɛgak. Yakanakan sɛɛg ki tokony Pɛɛni sinɛɓa tiyɛrk agut sinɔɓa kiiɗ makɛɗ ɛɛk a ŋaadiyɛ gɛŋkik.

Yaykoob 4:8

In wideerɛɛ ɛɛk Waakoyota, widikikɔɔ ɓɔrɛ kɔna ɛɛkiŋ. Iinak tikitaanak, in ŋaɗɛɛ arin goŋk. Iinak walwaatikaanak, in ŋaɗɛɛ ɓayɛtun goŋk.

Yaykoob 5:20

nɛ iɗit sinɛkɔ jumurku iɗit sinɛ tikitank gopɛ sinaanɛkɔ badɛɛɗik, in ɗeger kɛ ebɔdɛkɔ wɛɛŋa iɗit sinɛ tikitank ret ɛkɔ ari a laŋi tɔŋɔɗ tikiyɛ gɛɛŋk sigɔ ɓɔɔkaaŋɔŋk.

Omoŋ Petrosuk 1:22

Ŋaɗɛɛrkɔ ɛkan goŋk a tiiɗikari eekeera kɛnɔ latukari mɛyin sinɔ kiiɗɛ daraayɛ masookoyakaak. Agut sini in poporiikɛɛ ɛkanɛɛkɛ goŋk ɓayɛtun goŋk baŋɛ.

Omoŋ Petrosuk 1:9

agut sinɔ boŋiirkoy gati agut ŋaadiyɛ goŋk. Ege gati sini bɔdɛ wɛɛŋa goŋkuk.

Omoŋ Petrosuk 2:1

Sisɔ in ŋɔɗɛɛ tikiyɛ baŋɛ a raamiyɛ baŋɛ a tagay a nyeken a laaganyɔnak sigɔ ɓɛɛlɛr kundiyaakɛk.

Omoŋ Petrosuk 2:11

Iinak joop sigɛ kɔnu poraak, agut sinɔ iinak ɗook raŋk konan a woytataktaanak, nɛ kɔnu kalɛya kɛnɔ yowɛrkari ɗɛyaan taaroŋk sinɔɔnɛ kaarar a ɛkan goŋkuk.