Yaykoob 1:18 - Kuumeet Sinɔ Tɔɔnuk Ad Majaŋeeroŋk

¹⁸ Ariɓa tin Waakoyot a eteŋk tuktaanak Pɛɛnii eekeeroŋk kɛnɔ eteŋk taamɛ sigɛ tuktaanak olaatɛ sigaagɛɓa riiɓek baŋɛ.

Yaykoob 1:18 Iomraidhean Croise

Yowanis 1:13

Ɓartɛɛɓa sɛɛg Waakoyote, ma mokoɓa sɛɛg ɓartɛɛ komoy etoŋk maŋk barɛɛɗ taaroŋk ɗɛɛyaan etoŋk.

Roome 4:17

oko sinɛɓa taapɛɛɗɛ Wargatɛɛ Waakoyotoŋk kɛ, "Ara kɔnu a ɛpɛn joopa sigɔɔga ɓɔɔkaaŋɔŋk." Yaaŋiyɛɛkɛ sigeege Waakoyo sinɛ ŋaadik sinɛ gaɓɛ wɛɛŋa reteerak ɛ ɗɔku ola sigɔɓa kɛɛ sɛɛgik a ɓɛɛlɛrŋɔŋk.

Omoŋ Korontoosuk 4:15

Kɛygun latukaayar rɔɔriytaanak sigɔ ɓɔɔkaaŋɔŋk Kereseeŋ, ma kɔne kɛɛ ɓaaɓakak sigɔ ɓɔɔkaaŋɔŋk. Eet sinɛkan kɔnu ɓarta Pɛɛnii sinɔɔnɛ Ɓɛlkɛɛstank Yeese Kereseek.

Pɛɛyeen Korontoosuk 6:7

ege mentankaat taamɛkɛ Waakoyotoŋk any timatoŋk naŋk ɛ tina any kolanoŋk ɛɛkoŋk, Pɛɛnii eekeeroŋk, a ɓaŋkawukaat Waakoyotoŋk.

Epesoon 1:12

Nɔɓa ijaagiiɗ sinik kɛnɔ eteŋk sigɛ tuktaanak ŋaadiyɛɛkɛ sigaagɛ kookoriik kɛnɔ dakii a pɔɔsiyɛ eemɛyɔna Waakoyotoŋk.

Epesoon 1:13

Iinak ɓɔrɔ sigɛkan tiyɛɛr Pɛɛni sinɔ Ɓɛlkɛɛstank eekeeroŋk sinɛ bɔdɛ noŋkuk, ɛkan ŋaadiɗikari Keresee, wɛɛŋakɛ ŋaadiyɛ sigɛ kookorɛk ɛɓa kɔnu ɗonyɛɛ Wɛɛŋakɛ sigɔɔgɛ Geetitaanakik.

Pɛɛyeen Timotiyoosuk 2:15

Ɓaŋkaawur kɛnɔ wideerin ɛɛk taamɛka Waakoyotoŋk kɛnɔnu boŋu a ito iin ijaagen sinɔ kiiɗɛ keenyk, ɛ waasin Pɛɛni eekeeroŋk kɛ ɗɔm.

Ibirawiyaan 12:23

son tolɛɛɗa yaakaatoŋk tɔɔmɔk sigɛ tekaayanɛ sigɛɓa taapɛɛ tiriya gɛŋk darik, son lak Waakoyo sinɛ pɛrɛdɛ joope baŋɛk, son lak wɛɛŋa joop sigɛ mentaana taamɛkɛ Waakoyotoŋk sigɛɓa ari sɛɛg a kɛɛ any sinɔ bitakɗi sɛɛgek,

Yaykoob 1:15

Gamɛ ɗɛyaan nɛ ɓartɛ tikiyɛ, nɛ ɓɔlɔɔrɛr tikiyɛɛk, nɛ ɓartɛr rer.

Yaykoob 1:21

In ŋɔɗɛɛ somakɔ a ɓɔɔkaaka tikiyɛɛkoŋk sigɛ kɔne atu takik baŋɛ. In boŋɛɛ rikiteet ɛɛkoŋk Pɛɛni sinɛkoy ebɔdɛ wɛɛŋa goŋkuk sinɛɓa takoyɛ Waakoyot ɓayɛtunɛɛkɛ goŋkuk.

Yaykoob 3:14

Mayakana ɔkɔn kone ɓɛɛlɛ ɓayɛtunɛɛkɛ goŋk ɓaaykaat, a nyeken, a pori ɛɛkoŋkuŋ nɛ kat meriir ɛɛk, ɛ kat tonɛɛ nyon eekeerɛ raŋk.

Omoŋ Petrosuk 1:23

Ɓartɛɛɓa kɔnu kɛkar Pɛɛnii Waakoyotoŋk sinaanɛkoy beeɗ nɔkoy nɔkoyk wɛykont sinaanɛkoy ki bɔdɛɛk, ma moko wɛykont sinaanɛkoy badɛŋɔŋk.

Omoŋ Petrosuk 1:3

In dakɛr pɔɔsiyɛɛk Waakoyota Ɛpɛna Yeese Kereseya, Suumiya naŋk. Ɓartɛkan tin Sɛŋk ɓartiyɛɛkɛ sigɔɔgɛ tɔɔmɔkuk a ŋaadiyɛɛkɛ sigaagɛ kookoriik sigɛkoy kir badɛɛk agut maariyeet Nɛɛk sinɛ obiiŋɔŋk a ŋaarin ret walasak Yeese Kereseek,

Omoŋ Yowanisik 3:9

Joop sigɔɓa ɓartɛɛ Waakoyotek baŋɛ kir ijaagɛ tikiyɛ, agut sinɔ latukuɗ kalbi Waakoyotoŋk ɛ agut sinɔɓa ɓartɛɛɗɛɛ sɛɛg Waakoyotek.

Dɛnɛɛ Pɛrka Yowanisik 14:4

Ege sigi joop sigɔkan kir ariiɗ ɛkan gɛŋk a somkaanak ɗeegarɔɔn a peetakik, agut sinɔ koorɛrkan sɛɛk ɛkan gɛŋk a mentaanaŋ. Nomɛrɗikan sɛɛk Jiŋkuy nɛɛk saana kegeeɗik baŋɛ. Sɛɛg joop sigɔkan bɔdɛr joope kɔɔr kɛnɔ dakɛr a tigi sinɔ pakattank Waakoyota a Jiŋkuya nɛɛkaak.