Yaykoob 1:12 - Kuumeet Sinɔ Tɔɔnuk Ad Majaŋeeroŋk

¹² Geetitan iɗit sinɔ ɓaŋkaawur paariyɛɛkɛk agut sinɔ saakɔɔ paariɗɛ sɛɛnik baŋiya, nɛkoy boŋu dooroy eemɛyɔɔnoŋk wɛɛŋakoŋk sinɛkoy gaɓɛ Waakoyot joopa sigaaga poru sɛɛgik oko sinɛɓa kuumɗiiɗik.

Yaykoob 1:12 Iomraidhean Croise

Maatiyoos 10:22

Ɓooyurkoy kɔnu joop baŋɛ agut sinɔ nomɛrɗɔ eetik. Mayakana iɗit sinɛkoy nomɛ eete pediyaak bɔdɛkoyŋ.

Maatiyoos 25:34

"Saakoyk tonukoy suumi nɛɛkɛ joopa sigaaga atu ɗiɗikakɛ gɛɛnɛkik kɛ, 'Iinak sigɛɓa kɔnu geeti Baabɛɛk, in kusɛɛ, nɔ moonɛɛ burɛ sinɛɓa kɔna ragadɛɛ a tukiɗi saaɓa riiɓeeɗɛɛ ɗook.

Lukaas 6:22

Iinak geetitaanak saa kɔnu ɓooyurɗu joop, a saa kɔne pakatirɗi ɛɛkik a saa kɔnu laaganyarɗik, a saa sɔɔkɛrɗi tiriya goŋkuk agut Tɔɔn Etoŋkuk.

Roome 5:4

laŋɛɛ ɓaŋkaawurɔɔn oolaanik ɛtɛɗɔ paariyɛɛkɛk, ma ɛtɛɗɔɔgɛ paariyɛkɛɛk laŋɛɛ ŋaadiyɛ sigɛ kookorɛɛk.

Roome 8:28

Ɗegerii kɛ ola baŋɛ ijaag Waakoyot mentankaata a joop sigɛ porur sɛɛnik, sigɛkan riyɛɛ sɛɛg koɓiɗa nɛɛkaakik.

Omoŋ Korontoosuk 2:9

Tonu Wargatɛ Waakoyotoŋk kɛ "Ragadiɓa Waakoyot joopa sigaaga porur Sɛɛnik, any sinɛɓa ki taanta taama etoŋkuk, a sinɛɓa ki weenta weena etoŋkuk, a sinɛɓa kiiki koɓiiɗ ɓayɛ etoŋkuk."

Omoŋ Korontoosuk 8:3

Mayakana iɗit sinɛ poru Waakoyok ɗegerɛɛ sɛɛn sooy lak Waakoyokuŋ.

Omoŋ Korontoosuk 9:25

Joop sigɛ reerir a arir arampɛɛk baŋɛ arir barɛ ɛɛkoŋk sinɔ ɓaŋkawuŋɔŋk kɛnɔ laŋir ruukeet sinɔkoy badɛŋɔŋk. Mayakana seek bɔɔlaakii kɛnɔkoy laŋii ruukeet sinɛ koy ɓɛɛlɛ nɔkoy nɔkoyk.

Pɛɛyeen Timotiyoosuk 2:15

Ɓaŋkaawur kɛnɔ wideerin ɛɛk taamɛka Waakoyotoŋk kɛnɔnu boŋu a ito iin ijaagen sinɔ kiiɗɛ keenyk, ɛ waasin Pɛɛni eekeeroŋk kɛ ɗɔm.

Pɛɛyeen Timotiyoosuk 4:8

Seedi son kookorkuntu dooroy mentankaatoŋk taamɛkɛ Waakoyotoŋk, aɓa ragadkunɛɛŋ. Waawuy saakoyk gaɓɛkoyta Suumi sinɛ Pɛrɛdɛ kɛ ɗɔmk, ma ɓɔrɛ joopa sigaaga ɗɛyɛr sɛɛnik baŋɛŋ.

Ibirawiyaan 10:32

In koɓukɛɛ eme sinɛɓa jeemɛk sinɛɓa arirɗɔ ɗɔŋkɔɔlɛ rakatɛ takik a ɛtɛrɗɔ a ɓaŋkawuŋɔŋk saaɓa kɔna tipeyɗiikiɗ pɛɗɛrkaat baŋiyaak.

Ibirawiyaan 11:17

Wideerɓa Abraham tɔɔn nɛɛk Isiyaak a uduŋeet ŋaadiyɛɛkɛ ɓeny saaɓa sɛɛn paariɗ Waakoyotuk, sɛɛn sinɛɓa boŋu Pɛɛni ŋaadiyɛ sigɛ kookorɛɛk kɛnɔ uduŋe tɔɔn nɛɛk sinɛ omoŋɔŋk,

Ibirawiyaan 12:5

Monɗiikariɓa Pɛɛnii gaananitoŋk Waakoyotoŋk sinaanɛɓa kɔna tonuk oko sinɛ iinak tɔɔmɔk gɛɛŋkik? "Iin tɔɔn naak, kat arin goopan Suumiyoŋk a balaaŋ, kat jibaatin saani koykoyɛɛɗik,

Ibirawiyaan 6:15

Kooriɓa Abraham ɓaŋkawurɔɔn oolaanik, agut sini boŋuɓa any sinɛɓa kuumɗigeeɗ Waakoyotukuŋ.

Yaykoob 2:5

Iinak manyaakak eeta sigɛ porɛɛk, in tiyɛɛ. A kiɓato Waakoyot daamɛ sankaanak ɗoo sinik kɛnɔ sɛɛg worikaanak ŋaadiyɛɛkɛ, ɛ kɛnɔkoy laŋir burɛ sinɛɓa kuumɗigeeɗ joopa sigaaga porur sɛɛnik?

Yaykoob 5:11

Joop sigɛ ɓaŋkaawurar oolaanik riyii sɛɛg kɛ geetitaanak. Tiyɛɛrɓa Iyob kɛ ɓaŋkaawurɓa oolaan ɛkiŋ, ɛɓa dɛnɛɛr any sinɔ mentanŋɔŋk sinɛɓa ijaaggeeɗ Waakoyot pediyaakiŋ. Nɛ ɗegerari sineene kɛ Waakoyo maariyɗi ɛ sanɗigeeɗ iɗiŋ.

Omoŋ Petrosuk 3:14

Ɔkɔn aasi laŋirkɔ rakatɛ maakɔ ijaagiir any sinɔ mentanŋɔŋkuŋ, geetikoy kɔnu Waakoyotuŋ. Kat ɓurɛɛ epɛɛran ɛɛkoŋk joopoŋk, ɛ kat ɓakɛyɗiikɛɛ.

Omoŋ Petrosuk 4:13

In kɔna yaa jɛt oko sinɛ kaasɛrɗɔ rakatɛ Kereseek. Kɛnɔkoy kɔna yaa jɛt saakoy yaaŋɛɗ ɛɛk eemɛyɔn Nɛɛkɛkik.

Omoŋ Petrosuk 4:14

Ɔkɔn kɔnu nyɔɔnɛɛ agut tiriya Kereseekiŋ, iinak geetitaanak, agut sinɔkɔɔ kɔne dokurɗu raŋk Wɛɛŋa eemɛyɔɔnoŋk sigɛ Wɛɛŋa Waakoyotoŋkuk.

Omoŋ Petrosuk 5:10

Ɔkɔn boŋiir rakatɛ ɔɔtɛya sinɔɔna balaaŋɔŋk, Waakoyo sinɛ ɗumaat tigiyak baŋɛk sinɛɓa kɔnu riy eemɛyɔɔna sinaanakoy nɔkoy nɔkoyk goy Kereseek, gaɓɛkɔɔ kɔna any sinɛ ɗɛyɛɛrkiŋ, Sɛɛn titikekɔɔ kɔnuŋ, arikɔɔ kɔnu a ɓaŋkaawurariŋ, arikɔɔ kɔnu a ɛtɛɛriŋ.

Omoŋ Petrosuk 5:4

Ɔkɔnkɔɔ ijaagiir siniŋ boŋiirkoy dooroy eemɛyɔɔnoŋk, sinɔkoy ki sɔɔkiɗiit a daktank, saakoy yaaŋɛɗ ɛɛk Ɔɗɔwen sinɛ Koortaanakoŋkuk.

Omoŋ Yowanisik 4:19

Nɛ porii Waakoyoŋ, agut sinɔɓa tin poriiɗ sɛŋk jeemɛk.

Dɛnɛɛ Pɛrka Yowanisik 2:10

Kat ɓurun rakatɛ sinɛkɔɔna mɛlkik. Dɛnko, gaɓɛkɔɔ kɔnu setan a omoŋ omoŋ godeya korkoɗɔɔnoŋk kɛnɔ kɔnu paariɗ, nɛkɔɔ laŋirkɔ rakatɛ a ɗoŋ aarin. In iin eekerkan kɛygunnu arkaayɛ a ito rɛɛrin, nɛkɔɔna gaɓa dooroy eemɛyɔɔnoŋk wɛɛŋakoŋk.

Dɛnɛɛ Pɛrka Yowanisik 3:19

Koykoya ɛ goopa joop sigɛ poraakiŋ. Agut sini ɓaŋkaawurk ɛ weerikin tikiyɛɛkɛ Waakoyota.

Dɛnɛɛ Pɛrka Yowanisik 3:21

Iɗit sinɛ lɔsiɗiik araakɔɔ sɛɛn a dokiiɗe a Eet agut omoŋ barsum naakɛk, oko sinɛɓa lɔsiɗiiɗa ɔɗɔwa naaka ɛɓa dokiiɗe a Baabɛɛ agut omoŋ barsum nɛɛkɛkik.