Yaykoob 1:1 - Kuumeet Sinɔ Tɔɔnuk Ad Majaŋeeroŋk

¹ Ege sini wargatɛ sinɔ wosɛyɛɛrɛɛ seey lak eet Yaykoob sinɔ laaŋoyen Waakoyotoŋk a Suumi Yeese Kereseek dooytaanaka gaanak Ayuuduk komoyeera sigaaga aarin a pɛɛyk sigaagaɓa kɛɛtiɗii ɗoo baŋɛk, in kɔna dakɛ a bɔdɛ.

Yaykoob 1:1 Iomraidhean Croise

Maatiyoos 10:3

Pilipoos, Bɛrtɛloomiyos, Toomaas, Maatiyoos sinɛ yayawu worik, tɔɔn Ilpiyoosuk Yaykoob, Taadiyoos,

Maatiyoos 13:55

Moko sini tɔɔn ijaagenkɔ kɛɛnoŋk? A mokoto ɛmɛs Maariyam? ma moko manyaakak Yaykoob a Yoosep a Simion a Yuudaa?

Maatiyoos 19:28

Nɛɓa Yeese tonu sɛɛga kɛ, "Eekeer tona kɔnaaŋ, saakoy dokiiɗiɗe Tɔn Etoŋk barsum nɛɛkɛ eemɛyɔɔnoŋk ɗook sinaanɛkoy mɛlkik tɔɔnuk, nɛkoy ɓɔrɔ dokiirɗe iinak sigɛte nomɛɛrik a iinak suumiyɛ barsumatɔkɛ eemɛyɔɔnoŋk sigɔɔgɛ aarin a pɛɛyk, nɛkoy pɛrɛdɛɛr komoyeerɛ Israeelik sigaagɛ aarin a pɛɛyk.

Markoos 3:18

Indiriyaas, Pilipoos, Bɛrtɛloomiyos, Maatiyoos, Toomaas sinɔɓa tɔɔn Ilpiyoosuk, Yaykoob, Taadiyoos, Simion sinɛɓa kus ɗook Kɛnɛaanik,

Lukaas 22:30

Beeɗiirkoy burɛɛ nyon ɗamatoŋk nɛ ɗamikariŋ nɛ utiɗiikariŋ, beeɗiirkoy barsumatɔkɛ raŋk nɛ pɛrɛdɛɛr komoyeerɛ Israeelik sigaagɛ aarin a pɛɛyk."

Lukaas 6:15

Maatiyoos, Toomaas, Yaykoob tɔɔn Ilpiyoosuk, Simion sinɛɓa riyɛ kɛ palamɗi agut ɗoo nɛɛkik,

Yowanis 12:26

Iɗit sinɔ ɗɛyɛ ijaag eetaak, in nomɛɛ eete, arkoy ɓɔrɛ ijaagen naakɛ saadi arkiɗaak. Iɗit sinɔ ijaagɗi eetaak, eemɛy Baabɛɛŋ.

Yowanis 7:35

Ɔɗɔweer Ayuuduk totoniiɓa ɛkanɛɛkɛ gɛŋk kɛ, "Iɗit sini ŋaarkɔɔ etena nɔkɔɔ kiɗii laŋiiɗik? Kaɗɛɛŋkɔɔ kɛɛ son lak tekaaneer gaŋk sigɛɓa kɛɛtiɗi nɔ beeɗir sinɔɔnɛ Giriikik nɔ kɛɛ rɔɔriy joop Giriikik?

Ijaag Wosɛytaanakoŋk 1:13

Nɛɓa Petros, a Yowanis, a Yaykoob, a Indiriyaas, a Pilipoos, a Toomaas, a Bɛrtɛloomiyos, a Maatiyos, a tɔɔn Ilpiyoosuk Yaykoob, Simion sinɛɓa palamɗi agut ɗoo nɛɛkik, a tɔɔn Yaykoobuk Yuudaa mɛlɛrkiɓa Yorsaleema nɛ teeŋɛr pooka sinaanaɓa beebeɗarɗik.

Ijaag Wosɛytaanakoŋk 12:17

Nɛɓa sɛŋk ijojopiiɗ sɛɛga ari kɛnɔ dakɛr kɛ many, nɛ tonu sɛɛga kɛ boŋkukɔ sɛɛn Suumii godeey korkoɗɔɔnoŋk ɛk nɛ tonu sɛɛga kɛ, "In kɛɛɗɛɛ tonɛɛ any sini Yaykooba a ŋaadtaanaka ɔgɔɔka." Nɛɓa ŋaar nyona omalta.

Ijaag Wosɛytaanakoŋk 15:13

Saaɓa tonɗiiɗ nɔ ruumerk, nɛɓa Yaykoob tonu kɛ, "Iinak manyaakak eeta, inta tiyɛ.

Ijaag Wosɛytaanakoŋk 15:21

Agut sinɔ aɓa tukiɗi ɗeeŋ ambabɛɛɓa higi Muuseek wawuykɛ Sambatɛyɛɛkɛ sinɔɔnɛ godeyi tolɛɛɗoŋk Ayuuduk, waasɛɛɓa pɛɛni nɛɛk sinɔɔnɛ katamɛɛkoŋk."

Ijaag Wosɛytaanakoŋk 15:23

Wosɛyɛrɓa wargatɛ sinɛɓa taapɛɛk sɛɛga sinɔ tonu kɛ, "Eteŋk, wosɛytaanak, a gutarɛyɛ, a masookoyak, digoyɛɛrii kɔnu iinak sigɛ komoy joop sigɔ moko Ayuuduk sigɛ atu Ansokiyaake, a Sooriyaake, a Kilkiyaakek.

Ijaag Wosɛytaanakoŋk 2:5

Saaɓak joop Ayuuduk sigɔɓa ɓaŋkaawar ɗanɗamɔɔnuk sigɔɓa kurak ɗokanɛɛkɛ sigaagɛ ɓɛɛlɛr ɗook raŋk ɓɛɛlɛrɓa Yorsaleeme.

Ijaag Wosɛytaanakoŋk 21:18

Nɛɓa alɛ nɛɛkɛ kɛɛɗii a Paawuloos son lak Yaykoobuk kɛnɔ lalaŋikii, ɓɛɛlɛrɓa gutarɛyɛɛk godeyik Sambatɛyɛɛkoŋk baŋɛ saadi.

Ijaag Wosɛytaanakoŋk 23:26

"Digoyna seey lak Lusiyoos sinɛ ar Kɛlawudewoosek, son lak Pilkisik, suumi ɗookoŋk sinɛ eemɛyɛɛk.!

Ijaag Wosɛytaanakoŋk 26:7

Ege any sinɛɓa tonu Waakoyot kɛ gaɓɛkoy komoyeera gaŋk sigɛ aarin a pɛɛyk sigɛ ugumer Waakoyota waawuy a kaayk, sinɛ kookorark kɛnɔkoy dɛnɛrɗik saa dusanɛɛɗɛk ŋaadiyɛ gɛɛŋk sɛɛg sigi. Iin suumi, daariyɗiita joop Ayuuduk agut ŋaadiyɛ sigi.

Ijaag Wosɛytaanakoŋk 8:1

Doomɛɓa Saaol kɛnɔ ɓokotɛɛ Istipaanoos. Waawuy sinaanɛɓa rɛrɗi Istipaanoosuk, ŋaarkiɓa epaayan sinɔ obiiŋɔŋk dooytaanakɛ sigaagɛ atu Yorsaleemek. Wosɛytaanakɛ sɔgɔɔsɔyk kɛɛtiɗiiɓa ŋaadtaana baŋɛ ɗooka Yuudaak a ɗooka Sɛmaariyaak.

Roome 1:1

Ege sini wargatɛ sinɔ taapiɗiir Paawuloos sinɛ laaŋoyen Yeese Kereseek, sinɛɓa daamɛɛ Waakoyote a sɛɛn wosɛytan, ɛɓa wosɛyɛɛ kɛnɔ waasɛ Pɛɛni sinɔ Ɓɛlkɛɛstank Waakoyotoŋk.

Gɛlatiyaa 1:19

Kaaɓa taanta wosɛytaanak ɔgɔ Yaykoobe sinaanɛ manya Suumiyaak sɔgɔɔsɔyk.

Gɛlatiyaa 2:12

Agut sinɔ a inkan kirki mɛlɛ Ansokiyaaka joop a omoŋ omoŋ sigɛkan wosɛyki sɛɛg Yaykoobuk, nɛkan ɗami agut omoŋ a joop sigɛ ŋaadiɗi joope sigɔɔgɛ moko Ayuuduk kɔɔrk. Mayakana saakan kurakiɗik baŋiya, nɛkan ɓure joop sigɔ tonur kɛ, "Ɗɛyɛ a yayawɛɛ joop sigɛɓa ŋaadiɗi ma moko sɛɛg joop Ayuudukuŋ." Nɛɓa weeri baŋiya nɛ pakati ɛɛk joope gɛɛnɛk.

Gɛlatiyaa 2:9

Saaɓa mɛlɛɛɗ ɔɗɔweera sigɔɔga dɛnɛɛ sɛɛg a ito tuusik Yaykooba a Petrosa a Yowanisa kɛ gaɓɛɓata Waakoyot wookan sinikiŋ, nɛkan tina gaɓɛr arin gɛŋk gɔɔteer sigɛ ɗiɗikakik eet a Barnabaas. Nɛ mɛyi saadi kɛnɔ kɛɛɗii son lak joop sigɛ moko Ayuuduk, ma sɛɛk kaar son lak joop sigɛ Ayuuduk.

Pilipisiyoos 1:1

Sooy lak Paawuloos a Timotiyoos sigɛ laaŋoyeer Yeese Kereseek, joopa sigaaga geetitaanak Yeese Kereseek baŋɛ, sigɛ atu katamɛɛ Pilipisiyoosuk, a ɓɔrɛ ɔɗɔweer gode Sambatɛyoŋk a diyakonaatak.

Pɛɛyeen Timotiyoosuk 4:21

Waɗ son lak eetik a gorgorŋ a in kiiki mɛlɛ baŋgi. Digoyɛɛtarnɔnu Ewugilos a Pudes a Linoos, a Kilawudiya, a dooytaanak baŋɛ.

Tiito 1:1

Ege sini wargatɛ sinɔ wosɛyɛɛrɛɛ seey lak eet Paawuloos sinɛ laaŋoyen Waakoyotoŋk ɛ wosɛytan Yeese Kereseek. Wosɛykɛɛɓati kɛnɔ kɔnya joop sigɛɓa daam Waakoyot ŋaadiyɛɛkɛ, ɛ ara sɛɛg kɛnɔ ɗegerar eekeer ŋaadiyɛɛkoŋkuk.

Omoŋ Petrosuk 1:1

Ege sini wargatɛ sinɔ taapɛɛrɛ seey lak Petros sinɛ wosɛytan Yeese Kereseek, iinaka sigaagaɓa kɔnu daam Waakoyotuk sigɛɓa kɛɛtiɗiikari nɛ ɓɛɛlɛɛr a iinak konan sinɔɔnɛ Pantoosuk a Gɛlatiyaak a Kɛpɛdookiyaak a Isiyaak a Bitaniyaak.

Pɛɛyeen Petrosuk 1:1

Ege sini wargatɛ sinɔ taapiɗiira eet, Simion Petros sinɛ ijaagen ɛ wosɛytan Yeese Kereseek, joopa sigaagaɓa boŋur ŋaadiyɛ sigɔ eemɛyɛɛŋɔŋk oko sinɛɓa boŋiɗii ŋaadiyɛɛk. Laŋiiɓa ŋaadiyɛ sigi goy mentanka Waakoyo naŋk ɛ Ebɔdtan naŋk Yeese Kereseek.

Yuuda 1:1

Ege sini wargatɛ sinɛkɔ wosɛyɛɛrɛ seey lak Yuudaa sinɛ laaŋoyen Yeese Kereseek ɛ manya Yaykoobak, joopa sigaagaɓa riyk ɛ poru sɛɛg Baabɛ Waakoyot ɛ koorɛ sɛɛg Yeese Keresee.

Dɛnɛɛ Pɛrka Yowanisik 7:4

Nɛkan tiya ikomiit joop sigɛɓa dikoyɛɛ sɛɛg dikoy taapiyɛɛkoŋkuk, dikoyɛɛɓa komoyeerɛ Israeelik a joop kumɛɛ ɗibɛ omoŋ a pɔlpɔlɛ joop pɛɛyk a aŋan.