Pilimoona 1:14 - Kuumeet Sinɔ Tɔɔnuk Ad Majaŋeeroŋk

¹⁴ Mayakana ar mentanka nookɛ poriiɗ ma moko direeɗ, nɛ kɛɛ any sinɔ ara ma kɔnu kii tonɗiitik.

Pilimoona 1:14 Iomraidhean Croise

Omoŋ Korontoosuk 9:17

Ɔkɔn waasa Pɛɛni sinɔ Ɓɛlkɛɛstank ɗɛyaan naakɛ ata kɛɛ remɛɛɗiŋ, nɛkoy laŋa ruukeet. Mayakana ɔkɔn ijaaga remɛɛɗiŋ nɛkɔɔ laŋa ruukeet kɛ jikon?

Omoŋ Korontoosuk 9:7

Wooɗ sinɛ ijaagɗi amaasinikent sɔkɔn worii nɛɛkɛkik? Wooɗ sinɛ waayi wɛyin nɔ ki ada taamɛ gɛɛŋkik? Wooɗ sinɛ lowu keeguk gɛɛŋk nɔ ki tuu ɛrsɛɛ gɛɛŋkik?

Pɛɛyeen Korontoosuk 1:24

Moko kɔne arii suumiikeen ŋaadiyɛɛkɛ goŋk raŋk, ma ijaagɗikii agut omoŋ kɛnɔ kɔna yaa, agut sinɔ ɓaŋkaawurarɗɔ ŋaadiyɛɛkɛ goŋkŋɔŋk.

Pɛɛyeen Korontoosuk 8:12

Ɔkɔn lakɛ ɗɛyan tigiyoŋk sinɔ mentanŋɔŋkuŋ, nɛ boŋɛɛ tigi etoŋk oko any sinɛ lakik, ma moko oko any sinɛ kiiɗɛk.

Pɛɛyeen Korontoosuk 9:5

Agut sini in ragadɛɛ ɔɗɔɔkɛ tigi noŋk sinɛkan toniir kɛ gaɓɛɛrkɔɔŋɔŋk. Laŋkaakɔ ata ɗɛyɛ a kɔtar manyaakak eeta sigi eete ɔɗɔɔkɛ kɛnɔkɔɔ kɔna kaar koɓurkuɗ. Nɛ agut sini saakɔɔ kɔrurkuɗak ɓɛɛlɛkɔɔ tigi noŋk a ragadtan, makɔɔ ɓɔrɔ gaɓɛɛr ɗɛyaan, ma moko direeɗ.

Pɛɛyeen Korontoosuk 9:7

Iɗit a omoŋ omoŋ in gaɓɛ any sinɛkan koɓu ɓayaay nɛɛkɛ kɛ gaɓɛkɔɔŋɔŋk, ma moko ɓakɛɛ maŋk direeɗ agut sinɔ poru Waakoyot iɗit sinɔ gijiɗi yaakatik.