Markoos 9:20 - Kuumeet Sinɔ Tɔɔnuk Ad Majaŋeeroŋk

²⁰ Nɛɓa sɛɛk ɗɔkatageeɗ tɔɔn nɛɛkiŋ. Saaɓa wɛɛŋa sigɛ somkaanakik dɛnɛrɗi Yeeseek, nɛɓa orur tɔɔn sinɛ nɛ dirkiyaŋ, nɛɓa girgiɗi tɔn nɛɛkɛ ɗook a kusuɗ kuruu.

Markoos 9:20 Iomraidhean Croise

Markoos 1:26

Nɛɓa wɛɛŋa sigɛ somkaanakik arir iɗit sinɛ a dirkiya, nɛ ooyɛ a ɗooruŋ, nɛ ŋaarar ete sinaanɛŋ.

Markoos 9:18

Saa tukiɗiitageeɗik nɛ orur sɛɛniŋ. Nɛ kusuɗ kuru ad nɛ ɗam ŋedak gɛɛŋk nɛ paalor ɛɛk nɛɛkɛ a ito iɗit sinɔkɔ rɛrŋɔŋk. Nɛkɔ kalɛykaaya nomtaanak gooŋk kɛnɔgun ɔɔyɛrɗi wɛɛŋa sigɛ somkaanakik, nɛkɔ kir oolɛ."

Markoos 9:19

Nɛɓa Yeese tonu sɛɛga kɛ, "Iinak joop sigi kir ŋaadiɗitik, beeɗiikoy Eet a iinak agut omoŋ nɔkoy okoɗak? Ɓaŋkaawurakoy kɔna oolaan nɔkoy okoɗak? In ɗɔkɛ tɔɔn nɛɛk son lak eetik."

Markoos 9:21

Nɛɓa Yeese kɔɔniy ɛpɛn tɔɔna sinaana kɛ, "Ɛtɛ ɔɔtɛ nɛɛkɛ ɛk sinɛkan tukiɗikaageeɗ gori sinik?" Nɛɓa ɛpɛna tongeeɗ kɛ, "Tukiɗikaageeɗɓa sasalikent nɛɛkɛk."

Markoos 9:26

Nɛɓa wɛɛŋa sigɛ somkaanakik ooyɛr a ɗooruŋ nɛɓa tɔn nɛɛkɛ dirkiyaŋ jɛt nɛ ŋaararɗiŋ. Ɓɛɛlɛɓa a iɗit sinɔkɔ rɛrŋɔŋk. Nɛɓa joop a ɓɔɔkaaŋ tonur kɛ, "Rɛrkɔŋ."

Lukaas 4:35

Nɛɓa Yeese lamɛ kɛ, "In dakɛɛ kɛ many, nɔ ŋaarari ete sineene!" Nɛɓa wɛɛŋa sigɛ somkaanakik iber iɗit sinɛ nɛ ŋɔɗar nɛ ŋaararŋ, ma kɛɛ soon kɔ arɗiiɗik.

Lukaas 8:29

Nɔɓa toniiɗ oko sinikik agut sinɔɓa toniiɗ Yeese wɛɛŋaka sigaaga somkaanakik kɛnɔ ŋaarar ete sinaanɛk. Mɛmɛlatageeɗɓa wɛɛŋa sigɛ somkaanakik eta sinaana ɔɔtɛɛkɛ, nɛɓa korkokoɗɛ meltikɛ awɛytiiroŋk a awɛytiirɛ derakoŋk. Nɛɓa pupuɗ melti sigɛ awɛytiiroŋk ɛ ŋuuŋul awɛytiir sigɛ derakoŋk, nɛɓa diiler sɛɛn wɛɛŋa sigɛ somkaanakik paatoona.

Lukaas 9:39

Gaamurkɔre sɛɛn wɛɛŋa sigɔ somkaanakik a gorgorŋ nɛ ooyɛŋ. Nɛ dirkiya a kusuɗ kuru, nɛ ari ɛɛk nɛɛk a doosoyɛŋ. Nɛ ki toŋoɗ kɛ many nɔkɔɔ bɔɔlaaɗ jɛtik.

Lukaas 9:42

Saaɓa ɗɔkuɗɛ tɔɔn nɛɛkik, nɛɓa orur sɛɛn wɛɛŋa sigɛ somkaanakik ɗook nɛ dirkiyaŋ. Nɛɓa Yeese lamɛ wɛɛŋa sigɛ somkaanakik nɛ ebɔdɛ tɔɔn nɛɛk, nɛ gaɓɛ ɛpɛna.

Yowanis 8:44

Iinak tɔɔmɔk ɓaaɓa noŋkuk, setanik. Ɗɛyɛɛr a ijaagiir any sinɛ ɗɛyɛ ɓaaɓa noŋkuk. Sɛɛnɓa sɛŋk iɗit sinɔ ɓokotɗiiŋɔŋk a tukiɗi tuki nɛɛkɛɛk. Kɛɛ sɛɛne lalaŋ a eekeerik agut sinɔ kiiɗɛ sɛɛne eekeerik. Saa toniiɗ nyonuk tonu any sinɔ boŋku aɗoy nɛɛkɛkik agut sinɔ sɛɛn nyonkan ɛ sɛɛn ɛpɛn nyonaak.

Omoŋ Petrosuk 5:8

Nɛ in beeɗɛɛ kɛ ɗɔm ɛ in ɓeɗɛɛ. Gumaaken noŋk diyabiloos rereri kɔne tookɛɛta a gindɛyɛ a ito ɗɛpɛ sinɔ ɗɛyɛ any sinɔ ɗamŋɔŋk.