Markoos 8:6 - Kuumeet Sinɔ Tɔɔnuk Ad Majaŋeeroŋk

⁶ Nɛɓa tonu joopa gɛɛna kɛnɔ dokurɗe ɗook. Nɛ gaamu kiiwakɔ sigɛ tula pɛɛyk, nɛ pɔɔsɛ Waakoyo, nɛ ŋapati, nɛ gaɓɛ nomtaanaka gɛɛna kɛnɔ gaɓɛr joopa gɛɛnak. Nɛɓa sɛɛk ijaagir oko sinɛkɔ sɛɛga toniiɗik.

Markoos 8:6 Iomraidhean Croise

Maatiyoos 26:26

Saaɓa ɗamiiɗik nɛɓa Yeese ɓɔŋgɔɔrɛ kiiwu nɛɛk nɛ geetiŋ, nɛ ŋapati nɛ gaɓɛ nomtaanaka gɛɛnaak nɛ tonu sɛɛga kɛ, "Iyook, in ɗamɛɛ, ege sini buusɛ naak."

Markoos 8:20

"Maɓɔrɛ kiiwakɔ sigɛkan tula pɛɛyk saakan ŋapatɗa joopa sigɔɔga kumɛɛ aŋank, tolɛɛrkan ŋaaytaanak gɛɛŋk a kantɛyɛ eger a enyaataŋ?" Nɛɓa sɛɛk tonurgeeɗ kɛ, "Kantɛyɛ tula pɛɛy a enyaataŋ."

Markoos 8:5

Nɛɓa Yeese kɔɔniy sɛɛg kɛ, "Ma latukari kiiwakɔ a eger?" Nɛɓa sɛɛk tonurgeeɗ kɛ, "Lakii kiiwakɔ a tula pɛɛy."

Markoos 8:7

Latuɓa ɓɔrɛ sɛɛg oltiir sigɔ temetuŋɔŋk a tekerŋ, nɛɓa geeti oltiir gɛɛŋk, nɛ tonu nomtaanaka gɛɛna kɛnɔ in gaɓɛr joopa sigaaga ɓɔɔkaak.

Lukaas 12:37

Ijaageer sigɔ mɛlki suumi nɛŋk nɛ kus sɛɛg laŋki a kɔ ragadir ɛɛkik geetitaanak. Eekeer tona kɔnaaŋ, ragadi ɛɛk suumi nɛŋk ijaaga nɛ riiɓe sɛɛg nyon ɗamatoŋk. Nɛ widiki ɛɛk nɛ wɔɔrɛ sɛɛgiŋ.

Lukaas 24:30

Saaɓa beeɗirɗi a sɛɛg agut omoŋ nyon ɗamatoŋkuk, nɛɓa ɓɔŋgɔɔrɛ kiiwu nɛɛk, nɛ geetiŋ nɛ ŋapati nɛ gaɓɛ sɛɛgaŋ.

Yowanis 2:5

Saaɓak tonuɓa ɛmɛsa ijaageera sigaagaɓa atu saadik kɛ, "In ijaagɛɛ any sinɛ kɔna tonu sɛŋkik."

Yowanis 6:23

Ŋaararkiɓa emɗakɔ ɔgɔɔk Tibiriyadoose, nɛ kurak saanaɓa Yeese pɔɔsɛɛɗ Suumik a saanaɓa joop ɗamarɗi kiiwuk jɔka.

Roome 14:6

Iɗit sinɔ eemɛy ɓɛɛnyɔ sinɔ omoŋɔŋk a kaalɛ ɓɛɛnyɔ omk, eemɛy ɓɛɛnyɔ agut Suumi. Ma iɗit sinɔ ɗamiŋɔŋk, ɗami agut Suumi, agut sinɔ pɔɔsɛɛɗ Waakoyok. Ma iɗit sinɔ ki ɗamitik, ki ɗamit agut Suumi, agut sinɔ pɔɔsɛɛɗ Waakoyok.

Kolasiis 3:17

In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.