Markoos 8:34 - Kuumeet Sinɔ Tɔɔnuk Ad Majaŋeeroŋk

³⁴ Saadi baŋiya riyiriɓa Yeese joop sigɛ ɓɔɔkaak a nomtaanak gɛɛŋk, nɛ tonu sɛɛga kɛ, "Ɔkɔn lakɛ iɗit sinɔ ɗɛyɛ a nomɛ eeteekiŋ, in kaadɛ ɛɛk nɛɛk, nɔ ragad ɛɛk rakatɛya a reta, nɔ nomɛ eete.

Markoos 8:34 Iomraidhean Croise

Maatiyoos 10:38

Ki gayɛ eeta iɗit sinɔ ki ragadɛ ɛɛk rakatɛya a reta, nɔ nomɛ eeteekiŋ.

Maatiyoos 16:24

Saadi baŋiya tonuɓa Yeese nomtaanaka gɛɛna kɛ, "Ɔkɔn lakɛ iɗit sinɔ ɗɛyɛ a nomɛ eeteekiŋ, in kaadɛ ɛɛk nɛɛk, nɔ ragad ɛɛk rakatɛya a reta nɔ nomɛ eete.

Maatiyoos 27:32

Saaɓa ŋaararkiɗ keer sinaanɛ ɗumaat sinɛ ɗookak nɛɓa rookomar iɗit ɗoo Kɛrenaak sinɔ riyɛ kɛ Simionuk nɛɓa remɛrgeeɗ kɛnɔ ɓataki laalawutan nɛɛk.

Markoos 10:21

Nɛɓa mermen Yeese nɛ poruŋ nɛ tongeeɗ kɛ, "Ŋayɗiikanne any a omoŋ. Mak nɔ kɛɛɗin ɓalɗiikin ant sinaanɛ lakink baŋɛ nɔ gaɓun wori nɛɛk sankaanaka. Laŋinkoy wori sinɔɓa tolɛɛŋɔŋk dari. Nɛ saadi baŋiya kusunte nomkun."

Markoos 7:14

Riykɓa Yeese joop gɛɛŋk kɛkar son lak sɛɛnik nɛ tonu sɛɛga kɛ, "Inta geleewɛɛ iinak baŋɛ, ɛ in koɓɛɛ.

Lukaas 13:24

"In paarɛɛ guugunyɔn a ɓaŋkawuŋ tugaat sinaanɛ tokoolŋɔŋk. Tona kɔnaaŋ, ɓɔɔka joop sigɛ paarir guugunyɔn tugaat sineenekiŋ, yakana kikoy sɛɛga gayɛ.

Lukaas 14:33

Oko sinik iinakɛ iɗit sinɔ ki toŋoɗ any sinɛ lakik baŋɛk ki gayɛ a dakɛ a nomtan naakiŋ."

Lukaas 18:22

Saaɓa Yeese tiyɛɛɗ any sinik, nɛɓa tongeeɗ kɛ, "Ŋayɗiine sisɔ any a omoŋ. Ɓala ant sinaanɛ lakink baŋɛ, nɔ gaɓun sankaanaka, laŋinkoy gati nɛɛk dari. Nɛ saadi baŋiya, kusun nomkun eete."

Lukaas 20:45

Saaɓa joop sigɛ ɓɔɔkaak atukuɗ geleewɛɛ sɛɛnak, nɛɓa tonu nomtaanaka gɛɛna kɛ,

Lukaas 9:23

Tonuɓa sɛɛga baŋɛ kɛ, "Ɔkɔn lakɛ iɗit sinɔ ɗɛyɛ a nomɛ eeteekiŋ, in kaadɛ ola sigɛ ɗɛyɛ sɛɛgik, nɔ ragad ɛɛk rakatɛya a reta ɓɛɛnyɔwɛ gɛɛŋk baŋɛ, nɔ nomɛ eete.

Yowanis 10:27

Jiŋkuyɛ gaaŋk tiyɛr wɛɛŋa gaaŋkiŋ. Ɗegera sɛɛgiŋ nɛ sɛɛk nomɛr eeteeŋ.

Yowanis 19:17

Nɛɓa ɓataki Yeese laalawutan nɛɛk nɛ kɔtɔɔŋɛ soona riyɛ kɛ Ɛmɛɛnan Ɔɗɔwoŋkuk, riyɛ nyon sini ad Ibiraystik kɛ Golgotaa.

Ijaag Wosɛytaanakoŋk 14:22

Nɛɓa rɔɔriyar ŋaadtaanak saadi kɛnɔ ɛtɛr ŋaadiyɛɛkɛ gɛŋk a ɓaŋkawuŋ, nɛɓa tonur sɛɛga kɛ, "Ɗɛyɛ tina a laŋkii rakatɛ sinɔ obiiŋɔŋk nɔkoy guugunyɗii burɛya Waakoyotoŋkuk."

Roome 6:6

Ɗegerii kɛ laalawɛɛɓa ɛɛk naŋk sinɛɓa bɔɔlɔŋk a sɛɛn agut omoŋ, kɛnɔ aalɛ ɛɛk sinɛ tikiyɛɛkoŋk, ɛ kat dakii a laaŋoyeer tikiyɛɛkoŋk.

Roome 8:17

Ɔkɔn sisɔ eteŋk tɔɔmɔkuŋ, nɛ eteŋk joop sigɛkoy mooniik, eteŋk Waakoyotoŋk sigɛkoy mooniik a Keresee agut omoŋɔŋk. Ɔkɔn eteŋk kaastaanak rakatɛ nɛɛkik a sɛɛn agut omoŋ eekeerɛŋ, nɛɓɔrɛ eteŋk sigɛkoy kaasii eemɛyɔn nɛɛkik a sɛɛn agut omoŋɔŋk.

Omoŋ Korontoosuk 15:31

Iinak manyaakak eeta sigɛ dooytaanakik, lalaŋka rer ɓɛɛnyɔwɛ gɛɛŋk baŋɛ, yaaŋa eekeer gɛɛŋk meriiɗ ɛɛkoŋk sinɛ laka iinakɛ raŋk Suumii Yeese Kereseek.

Omoŋ Korontoosuk 8:13

Nɛ agut sini ɔkɔn ari ɗamat manya eeta a gaŋiŋ, nɛ kaa ada taar adaktan kɛnɔ kat ara manya eeta a gaŋiŋ.

Omoŋ Korontoosuk 9:19

Eet iɗit sinɔ laka yaakak. Mayakana daka a laaŋoyen joopa baŋɛ kɛnɔ kɔnya joop.

Gɛlatiyaa 2:20

Beeɗ sisɔ Kerese eete tak, ma saak kaa beeɗit wɛɛŋaka gaanak. Beeɗit naakɛ sinaanɛ taareek beeɗa a ŋaadiɗika Toomoy Waakoyotoŋk sinaanɛɓati poru nɔɓa gaɓɛ ɛɛk nɛɛk agut eetik.

Gɛlatiyaa 5:24

Joop sigɛ atu Yeese Kereseek ɓokoturɓa taar a ijaag nɛɛk a ɗɛyan nɛɛk sinɔ ŋɛɛwɛnŋɔŋkuŋ.

Gɛlatiyaa 6:14

Mayakana inte yowɛɛɗir meri ɛɛkoŋk omaay laalawutant Keresee sinɛkanta laalawuguɗɛɛ ɗook, maɓɔrɛ laalawuguɗɛɛ eet agut ɗook.

Pilipisiyoos 3:10

Ma omaay kɛnɔ ɗegera Keresee a ɓaŋkawuka ŋaarin nɛɛk ret walsak kɛnɔ ɓɔra laŋa rakatɛ nɛɛk, ɛ kɛnɔ gaaya sɛɛn ret nɛɛkɛk.

Pilipisiyoos 3:7

Mayakana ola sigɛkan ŋaada kɛ kɔnyɗiiŋɔŋk baŋɛ ikoma sɛɛg sisɔ a kɛɛ sɛɛge ɔɔtɛ agut Keresee.

Kolasiis 1:24

Yaata sisɔ agut rakatɛ sinɛ laŋka agut iinakik buusɛɛ naakɛkik, agut sinɔ enyɛɛrakɔ any sinɛ bitak sɛɛnek rakatɛɛ sinaanɛɓa laŋkik agut gode Sambatɛyoŋk sinɛ ɛɛk nɛɛkik sinaanɛ kaasɛɗa rakatɛ Kereseek.

Kolasiis 3:5

In ɔɔyɛɛ tikiyɛ sigɛ laŋɛɛ beeɗit noŋk baŋɛ, sɛɛg sigi ruunyikeen, a somikeen, a molkotɔn, a ɗɛyan sinɔ ŋɛɛwɛnŋɔŋk, golɛ sinɔ ugumeeɗɛ raŋaawotakaak.

Pɛɛyeen Tɛsɛlonkeek 3:11

Tiyiikan kɛ lakɛnɔ kɔne kɔɔr joop a omoŋ omoŋ sigɔ dɔɔtɛɛk, a moɗɛr sayitiyɛ ɛ guugunyar anta joopoŋk nɛ laaganyaŋɔŋk.

Tiito 2:12

Wookan sini rɔɔriytin kɛnɔ beeɗii ɗook raŋk eme sineene a kaadii beeɗit tikiyɛɛkɛɛk, a koɓi taaroŋk, a ɓalii ɛɛk naŋk, a beeɗit wɛɛŋakɛ ŋaadiyɛ sigɔ eekeerik.

Ibirawiyaan 13:13

Nɛ agut sini koyɓɔre ŋaaririi soodi beeɗirɗi joopk walasa nɔ kaasii daraayɛ nɛɛk.

Omoŋ Petrosuk 4:1

Agut sinɔɓa Kerese laŋkiɗ rakatɛ buusɛɛ nɛɛkɛŋɔŋk nɛ in ɓaŋkaawurɛɛ kɛnɔ beeɗɛɛ koɓiiɗ sineene, agut sinɔ iɗit sinɔ laŋki rakatɛ buusɛɛ nɛɛkɛkik ŋɔrkɔ ijaag tikiyɛɛkoŋkuŋ.

Omoŋ Petrosuk 4:13

In kɔna yaa jɛt oko sinɛ kaasɛrɗɔ rakatɛ Kereseek. Kɛnɔkoy kɔna yaa jɛt saakoy yaaŋɛɗ ɛɛk eemɛyɔn Nɛɛkɛkik.

Pɛɛyeen Petrosuk 1:14

Agut sinɔ ɗegera kɛ rɛɛraakɔɔ ɗook sineene raŋk kɛ gonyuŋ oko sinɛkɔta yaaŋɛɗ Suumi naŋk Yeese Kereseek.

Omoŋ Yowanisik 3:16

Sinɛ ɗegerɗii kɛ ɓɛɛlɛ ɛk mɛyin sinɔ eekerkank, agut sinɔɓa tina Yeese Kerese gaɓɛɛɗ wɛɛŋa gɛɛŋkŋɔŋk. Ɗɛyɛ ɓɔrɛ tina a gaɓii wɛɛŋa gaŋk agut manyaakak eteŋkaaŋ.

Dɛnɛɛ Pɛrka Yowanisik 2:10

Kat ɓurun rakatɛ sinɛkɔɔna mɛlkik. Dɛnko, gaɓɛkɔɔ kɔnu setan a omoŋ omoŋ godeya korkoɗɔɔnoŋk kɛnɔ kɔnu paariɗ, nɛkɔɔ laŋirkɔ rakatɛ a ɗoŋ aarin. In iin eekerkan kɛygunnu arkaayɛ a ito rɛɛrin, nɛkɔɔna gaɓa dooroy eemɛyɔɔnoŋk wɛɛŋakoŋk.