Markoos 8:32 - Kuumeet Sinɔ Tɔɔnuk Ad Majaŋeeroŋk

³² Saaɓa Yeese toniiɗ any sinik kɛ ɗɔmk, nɛɓa Petros puruute sɛɛn mowan nɛ ɓaarɗi sɛɛn kɛ, "Gunkɔ kin toniiɗ oko sinɛk."

Markoos 8:32 Iomraidhean Croise

Maatiyoos 16:22

Nɛɓa Petros puruute Yeesee kɛntɛya nɛ tongeeɗ kɛ, "Suumi naakɛ, kat laŋkin any sinɔ ito sinik adaktan."

Markoos 4:38

Maɓa Yeese riiɓe any ɔɗɔwoŋk emɗ nɛɛkɛ goyse baŋiyaak nɛ ɗeegarŋ, nɛɓa nomtaanak gɛɛnɛ ebeɗir a tonurgeeɗ kɛ, "Rɔɔriytaano, A badiireeŋ. Dakin kɛ many?"

Lukaas 10:40

Maɓa sɛŋk Martaa kaɗi ijaag a obiiŋ jɛt. Nɛɓa wideer ɛɛk son lak Yeeseek nɛ tongeeɗ kɛ, "Saa manya eeta ŋɔrɗu ijaag nɛɛk eeta dakɛɗak, anɛ a dɛdɛnin nɛ dakin kɛ many? Tongete nɔtu kɔnyɛɗ."

Yowanis 10:24

Saaɓak tolɗiiɓa joop Ayuuduk sɛɛne tookɛɛta nɛ tonurgeeɗ kɛ, "Arinkoy tin a lakii koɓiiɗak a pɛɛy mɛlɛɛɗa okoɗa? Ɔkɔn iin Kereseeŋ tonte tina kɛ ɗɔm."

Yowanis 11:14

Saaɓak tonuɓa sɛɛga Yeese kɛ ɗɔm kɛ, "Rɛrkɔrɔ Alaajarŋ.

Yowanis 16:25

"Tonɗiikaakan kɔna rɔmɛɛɗ nɔ mɛlɛɛɗa sisɔwa, a tukiɗi sisɔ mɛlkikɔɔ ɔɔtɛ sinɔkɔɔ kiiɗa tonɗiit rɔmɛɛɗikiŋ. Mayakana tona kɔna any baŋɛ a mɛlɛŋ agut Baabɛɛ.

Yowanis 16:29

Nɛɓa nomtaanak gɛɛnɛ tonur kɛ, " Tonɗiikinkɔ sisɔ a mɛlɛŋ a moko rɔmɛɛɗ.

Yowanis 18:20

Nɛɓa Yeese tongeeɗ kɛ, "Tonɗiikaakan joopa ɗookoŋk a mɛlɛŋ, rɔɔriyaakaakan ɓɛɛnyɔwɛ gɛɛŋk baŋɛ saadikan tolɗiiɗ joop Ayuuduk godeey tolɛɛɗoŋk Ayuuduk maŋk Godeey sinaanɛ Geetitank. Kɛɛ any sinɔkan tona dugeeɗik.