Markoos 8:31 - Kuumeet Sinɔ Tɔɔnuk Ad Majaŋeeroŋk

³¹ Tukeɓa Yeese rɔɔriyɔɔna nomtaanak gɛɛŋk kɛ Ɗɛyɛ Tɔɔna Etoŋk a laŋk rakatɛ sinɔ obiiŋɔŋk ɛ daraayɛɛ gutarɛyɛɛkɛ, a ɔɗɔweerɛ tapa ŋaadiyɛɛkoŋk, a rɔɔriytaanakɛ higi Muuseek, ɛkɔɔ ɓokotur nɛkɔɔ ŋaarki ret walsa ɗoŋikɛ sigɔɔgɛ jiitik baŋiyaaŋ.

Markoos 8:31 Iomraidhean Croise

Maatiyoos 12:40

Oko sinɛɓa ɗeegarirkiɗ Yoonaas amɗa olt sinɔ obiiŋɔŋkuk a wawuyk jiit a kaayetun jiitik, nɛɓɔrɛ ɗeegarirkoy Tɔn Etoŋk ɗooka takana a wawuyk jiit a kaayetun jiit.

Maatiyoos 21:42

Tonuɓa sɛɛga Yeese kɛ, "Kiirɓa ambabɛɛt sinɛɓa taapɛɛ Wargatɛɛ Waakoyotoŋk kɛ, 'Giɗee sinɛɓa daraayɛr joop sigɛ kɛnyar godeyik giɗeekɛk, dakɛ a giɗee sinɛ obi giɗeekɛ baŋɛk. Ege sini ijaag Suumiyoŋk, ege ijaag nɛɛkɛ sɔɔriyɛ taamɛka gaŋk.'

Maatiyoos 27:63

"Suumi naŋk, iɗit sinɛ ari iɗit a tikiɗiiŋɔŋk koɓukii sinɛkan tonu saakan in arkiɗ wɛɛŋakɛ gɛɛnɛkik kɛ, 'Ŋaarkakɔɔ ret walasa ɗoŋikɛ sigeege jiitik baŋiyaak.'

Markoos 12:10

Kiirɓa ambabɛɛt sinɛɓa taapɛɛ Wargatɛɛ Waakoyotoŋk kɛ, 'Giɗee sinɛɓa daraayɛr joop sigɛ kɛnyar godeyik giɗeekɛk, dakɛ a giɗee sinɛ obi giɗeekɛ baŋɛk.

Lukaas 17:25

Yakana a in ki gayɛ sini ɗɛyɛ Tɔɔna Etoŋk a laŋki rakatɛ sinɔ ɓaŋkawuŋɔŋk a daraayɛɛ ɛ laaganyɛɛ joope eme sinik.

Lukaas 24:26

Ki ɗɛyɛɛ Kereseya a laŋk rakatɛ sini a guugunyɔn eemɛyɔɔna nɛɛkaakik?"

Lukaas 24:44

Nɛɓa sɛŋk tonu sɛɛga kɛ, "Saakan eet a iinakik pɛɛni naak sinɛkan kɔna tona kɛ any sinɛɓa taapɛɛ Higii Muuseek, a Pɛrkaakɛɛk, a Iiliyakɛɛk ɗɛyɛ a dusanɛɛŋɔŋk. Sɛɛn sini."

Yowanis 12:48

Iɗit sinɔ ki ɗɛyɛ eetik ɛ ki boŋiiɗ pɛɛni naakik, ɓɛɛlɛ any sinɛkoy pɛrɛdɛ sɛɛnekiŋ. Pɛɛni sinɛkan waasaak pɛrɛdɛkoy sɛɛne ɓeny sinaanɛkoy pediyoŋkuŋ.

Yowanis 2:19

Nɛɓa Yeese tonu sɛɛga kɛ, "In aalɛɛ Gode sini Geetitank, nɛkɔɔ saak kɛnya ɗoŋikɛ sigɔɔgɛ jiitik."

Ijaag Wosɛytaanakoŋk 7:35

"Nɛɓa joop Israeelik ɓooyur Muusee a tonurgeeɗ kɛ, 'Wooɗ sinɛni ari a ɔɗɔwen eteŋkɛ raŋk nɔnu ari a pɛrɛdinŋɔŋk?' Wosɛykiɓa Waakoyot Muusee sini kɛnɔ ari a ɔɗɔwen nɔ boŋku sɛɛg rakatɛɛ walasa, oko sinɛɓa yaaŋɛɛɗ ɛɛk goy wosɛytan Waakoyotoŋk rukoy takik.

Omoŋ Korontoosuk 15:4

nɛɓa sɛɛn kɔɔwɛɛŋ, nɛɓa ŋaarki ɗoŋikɛ sigɔɔgɛ jiitik ret walasa oko sinɛɓa taapɛɛɗɛɛ Wargatɛɛ Waakoyotoŋkuk."