Markoos 8:17 - Kuumeet Sinɔ Tɔɔnuk Ad Majaŋeeroŋk

¹⁷ Nɛɓa Yeese ɗeger koɓiɗa gɛŋk nɛ tonu sɛɛga kɛ, "Ɓakɛyɗiikari agut sinɔ kɔne kiiɗɛ kiiwuk agut jikon? In kirkɔ koɓiiɗ ɛ in kɔna ki mɛlɛ? In ɓayɛtun goŋk atu kilarɔɔn?

Markoos 8:17 Iomraidhean Croise

Maatiyoos 12:15

Ɗegerɓa Yeese koɓiɗa gɛŋk, nɛ ŋaar saadiŋ. Nɛɓa nomɛrɗi joop a ɓɔɔkaaŋ, nɛɓa ebɔdɛ gortaanak baŋɛ.

Maatiyoos 15:17

Kiir ɗegerɔɔn kɛ ɗama sinɛ guuguny adak baŋɛ, nɛ ɗeyiir amɗa nɛ saadi ŋaariri walasa?

Maatiyoos 16:7

Nɛɓa sɛɛg tonur ɛkanɛɛkɛ gɛŋk kɛ "Nɔkɔ toniiɗ oko sinikik, kaɗɛɛŋ agut sinɔ tine kiiɗɛ kiiwuk."

Markoos 16:14

Yaaŋɛɓa Yeese ɛɛk nomtaanaka gɛɛna sigɔɔga aarin a pɛɛyk, saaɓa atukuɗ ɗamatik. Goopɓa sɛɛg agut sinɔɓa ŋaadirɗi a balaaŋɔŋk. Kilararɓa ɓayɛtun gɛŋk nɛ kir ŋaadiit any sinɛɓa sɛɛga tonur joop sigɛkan dɛnɛrkik.

Markoos 2:8

Nɛɓa Yeese sisa ɗeger any sinɛ koɓur ɓayɛtunɛɛkɛ gɛŋkik, nɛ tonu sɛɛga kɛ, "Koɓiir any sini ɓayɛtunɛɛkɛ goŋk agut jikon?

Markoos 3:5

Sanɗiɓa Yeese agut kilarɔn ɓayɛtun gɛŋkik, nɛ mermen joop sigɛ atukuɗ tookɛɛtak goopɛ, nɛ tonu eta sinaana kɛ, "Ker ari nook." Nɛɓa ker ari nɛɛk, nɛ bɔdɛŋ.

Markoos 6:52

Kirkiɓa koɓiiɗ rɔɔriyɔn sɔɔriyɛ sigɛɓa kiiwakɔ sigɛɓakik, agut sinɔɓa kilararɗ ɓayɛtun gɛŋk nɛ kir ŋaadiɗiitik.

Markoos 8:16

Nɛɓa sɛɛk totoni ɛkanɛɛkɛ gɛŋk kɛ, "Kaɗɛɛŋ tonu tina oko sinik agut sinɔ tine kiiɗɛ kiiwuk."

Lukaas 24:25

Nɛɓa Yeese tonu sɛɛga kɛ, "Iinak sigi kiir koɓiitik a sigi gaalaakari ant sinaanɛɓa tonur joop pɛrkaakoŋkuk!

Yowanis 16:30

Ɗegerii sisɔ kɛ ɗegerin any baŋɛ a kɛɛ iɗit sinɔ ɗɛygeeɗ ani kɔɔniyŋɔŋk. Agut sini ŋaadii kɛ kusunkan sooy lak Waakoyok."

Yowanis 21:17

Nɛ tongeeɗ gut jiiteen nɛɛk kɛ, "Iin tɔɔn Yoonaak Simion, poruntuŋ?" Agut sinɔɓa tongeeɗ gut jiiteen nɛɛk kɛ, "Poruntuŋ?", nɛɓa Petros sanɗi nɛ tongeeɗ kɛ, "Suumi naakɛ, ɗegerin seŋk any baŋɛ. Ɗegerin seŋk kɛ poraaniŋ." Nɛɓa Yeese tongeeɗ kɛ, "Irita jiŋkuyɛ gaaŋk.

Dɛnɛɛ Pɛrka Yowanisik 2:23

ɛkoy ɓokoota tɔɔmɔk gɛɛŋk. Nɛkoy ɗegerar godeyi Sambatɛyɛɛkoŋk baŋɛ kɛ Eet iɗit sinɔ mermen kalbi etoŋk a ɓayɛk, ɛkoy koya eta a omoŋ omoŋ oko ijaag nɛɛk.