Markoos 8:11 - Kuumeet Sinɔ Tɔɔnuk Ad Majaŋeeroŋk

¹¹ Kurakɓa joop Paarisik son lak Yeeseek nɛ tuker palamɛ a sɛɛn kɛnɔ paarir. Nɛɓa kɔɔniyar nɔ sɛɛga yaaŋɛ sɔɔriyɛ dari.

Markoos 8:11 Iomraidhean Croise

Maatiyoos 12:38

Tonurɓa rɔɔriytaanak higi Muuseek a omoŋ omoŋ a joop Paarisik Yeeseya kɛ, "Rɔɔriytano, ɗɛyii a dɛnii saa ijaagiɗin sɔɔriyɛkiŋ."

Maatiyoos 19:3

Widerkiɓa ɛɛk joop Paarisik kɛnɔ paarir, nɛɓa kɔɔniyar kɛ, "Pɛgɛdɛ higii nɔ iɗit omaay pakakati a jarti nɛɛk agut kɛygun any sinɛ ɓɛɛlɛkiŋ?"

Maatiyoos 21:23

Nɛɓa Yeese guuguny Godeya sinaana Geetitank, nɛ saaɓa arkiɗ rɔɔriyɔɔnuk widerkiɓa ɛɛk ɔɗɔweer tapa ŋaadiyɛɛkoŋk a gutarɛyɛ ɗookoŋk nɛ kɔɔniyar kɛ, "Ijaagin ola sigi baŋɛ ɓaŋkawukaat jikoŋk? Makanna gaɓi ɓaŋkawuka nɛɛk wooɗ?"

Maatiyoos 22:15

Saadi baŋiya ŋaararɓa joop Paarisik, nɛ kaar waasiɗiigeeɗ gopan sinɔ kaŋirɗi Yeesee waasiyɛɛkɛ gɛɛnɛkik.

Maatiyoos 22:18

Nɛɓa Yeese ɗeger koɓi nɛŋk sinɔ ŋɛɛwɛnŋɔŋk nɛ tonu sɛɛga kɛ, "Iinak joop sigɔ gayar joop sigɔ mentaanaŋɔŋkuk, oolɛɛr a kaŋiirti waasiyɛɛkɛ ɛk?

Maatiyoos 22:23

Joop Saaduukuk a omoŋ omoŋ sigɛ ŋaadir kɛ kɛɛ iɗit sinɔkoy ŋaarki ret walasak, ɓeny sinaanɛɓak widerkiɓa ɛɛk son lak Yeeseek nɛ kɔɔniyar kɛ,

Markoos 12:15

Nɛɓa Yeese ɗeger koɓi nɛŋk sinɔ ŋɛɛwɛnŋɔŋk nɛ tonu sɛɛga kɛ, "Ɗɛyɛɛrti kaŋiɗa agut jikon? Inta yaaŋɛɛ wori sinɛ koyɛɛ a gibirik."

Markoos 2:16

Rɔɔriytaanak higi Muuseek sigɛɓa komoy joop Paarisik saaɓa dɛnɛrɗi Yeesee a ɗami a joop sigɔ yayawar worik a tikitaanak agut omoŋɔŋk, nɛɓa kɔɔniyar nomtaanak gɛɛŋk kɛ, "A ɗami Yeese a joop sigɔ yayawar worik a tikitaanak agut omoŋ agut jikon?"

Markoos 9:16

Nɛɓa kɔɔniy Yeese nomtaanak gɛɛŋk kɛ, "Palalamigiɗɔ a joop sigɛ pɛɛni kɛ jikon?"

Lukaas 10:25

Ɓeny omalte ŋaarɓa iɗit om sinɔ ɗeger higi Muuseek kɛnɔ paari Yeesee nɛɓa tongeeɗ kɛ, "Rɔɔriytaano, nɔkoy laŋiiɗa wɛɛŋa sigɛkoy nɔkoy nɔkoyk ara jikon?"

Lukaas 11:16

Maɓa ɔgɔɔk ɗɛyɛr paariita, nɛ kalɛyir kɛnɔ sɛɛga yaaŋɛ sɔɔriyɛ dari.

Yowanis 4:48

Nɛɓa Yeese tongeeɗ kɛ, "Iinak ɔkɔn kiir taanta sɔɔriyɛ a ola sigɔ reemɗi ɓayɛkiŋ nɛ kiir ŋaadiɗiit."

Yowanis 6:30

Nɛ tonurgeeɗ kɛ, "Ijaaginkɔɔ sɔɔriyɛ kɛ jikonak? Ijaaginkɔɔ jikon nɔkɔɔ dɛnii nɔkɔɔnu ŋaadiɗiik?

Yowanis 7:48

Lakɛ sɛɛn ɔɗɔweerɛ maŋk joope Paarisik joop sigɔ ŋaadir sɛɛnikiŋ?

Yowanis 8:6

Nɔɓa kɔɔniyarɗi oko sinikik paarirɓa sɛɛn kɛnɔ laŋirkiɗ any sinɔ daariyɗigeeɗŋɔŋk, yakanaɓa Yeese ruuɗe ɛɛk nɛ taatap ɗoo polpolt nɛɛkɛɛk.

Ijaag Wosɛytaanakoŋk 5:9

Saaɓak tongeeɗɓa Petros kɛ, "Mɛyigiɗɔɔkɔ ɛk kɛnɔ paariir Wɛɛŋa Suumiyoŋk? Ɔsigɔy joop sigɔ kurak tɔkɔw baabuy nookuk atu tugaatik, diilerkɔɔ ɓɔrɛni tɔkɔwa."

Omoŋ Korontoosuk 10:9

Kat ɓɔre paarii Suumi, oko sinɛɓa sɛɛk paarirɗi Sɛɛnik, agut sinɔ saaɓa sɛɛk ijaagirɗi sinik nɛɓa sɛɛk a omoŋ omoŋ kakawarɗi kookowɛk nɔɓa rɛrark.