Markoos 6:41 - Kuumeet Sinɔ Tɔɔnuk Ad Majaŋeeroŋk

⁴¹ Nɛɓa Yeese gaamu kiiwakɔ sigɛ tuulk a oltiir sigɛ pɛɛyk nɛ ɓɔŋgɔɔrɛ taamɛ dariya nɛ geetiŋ, nɛ ŋapati kiiwu nɛɛk, nɛ gaɓɛ nomtaanaka gɛɛna kɛnɔ kaakasar joopa sigaaga ɓɔɔkaak ɛ kaakasar oltiir sigɛ pɛɛyk sɛɛga baŋɛ.

Markoos 6:41 Iomraidhean Croise

Maatiyoos 14:19

Nɛ saadi tonu kɛnɔ dokurɗe joop sigɛ ɓɔɔkaak ŋɔnyikɛ raŋk. Nɛ gaamu kiiwakɔ sigɛ tuulk a oltiir sigɛ pɛɛyk, nɛ ɓɔŋgɔɔrɛ taamɛ gɛɛŋk rakaaya nɛ geeti sɛɛgiŋ nɛ ŋapati kiiwu nɛɛk. Nɛ gaɓɛ nomtaanaka gɛɛnaak, nɛ gaɓɛr joopa sigaaga ɓɔɔkaak.

Maatiyoos 15:36

Nɛ gaamu kiiwakɔ sigɛ tula pɛɛyk a oltiir gɛɛŋk. Nɛ pɔɔsɛ Waakoyo nɛ ŋapati nɛ gaɓɛ nomtaanaka gɛɛnaak. Nɛ kaakasar joopa sigaaga ɓɔɔkaak.

Maatiyoos 26:26

Saaɓa ɗamiiɗik nɛɓa Yeese ɓɔŋgɔɔrɛ kiiwu nɛɛk nɛ geetiŋ, nɛ ŋapati nɛ gaɓɛ nomtaanaka gɛɛnaak nɛ tonu sɛɛga kɛ, "Iyook, in ɗamɛɛ, ege sini buusɛ naak."

Markoos 14:22

Saaɓa ɗaɗamiiɗik, nɛɓa Yeese ɓɔŋgɔɔrɛ kiiwu nɛɛk nɛ geeti, nɛ ŋapati nɛ gaɓɛ nomtaanaka gɛɛna nɛ tonu sɛɛga kɛ, "Iyook. Ege sini buusɛ naak."

Markoos 6:40

Nɛɓa joop sigɛ ɓɔɔkaak kaakasar ɛɛk a ɗibɛ ɗibɛ a pɔlpɔlɛ joop pɛɛyk aarin pɔlpɔlɛ joop pɛɛy aarin nɛ beeɗirŋ.

Markoos 6:42

Nɛɓa ɗami sɛɛg baŋɛ nɛ ɓooɗorarŋ,

Markoos 7:34

Nɛ ɓɔŋgɔɔrɛ taamɛ dariya nɛ orku Wɛɛŋa nɛ tonu eta sinaana kɛ, "Epata!" wooran nɛɛk sini kɛ, "Tayaak."

Markoos 8:19

Saakan ŋaparɗa kiiwakɔ sigɔ tuulk joopa sigɔɔga kumɛɛ tuulk, nɛkan tolɛɛr ŋaaytaanak gɛɛŋk a kantɛyɛ eger a enyaataŋ?" Nɛɓa sɛɛk jumurargeeɗ kɛ, "Kantɛyɛ aarin a pɛɛy a enyaataŋ."

Lukaas 24:30

Saaɓa beeɗirɗi a sɛɛg agut omoŋ nyon ɗamatoŋkuk, nɛɓa ɓɔŋgɔɔrɛ kiiwu nɛɛk, nɛ geetiŋ nɛ ŋapati nɛ gaɓɛ sɛɛgaŋ.

Lukaas 9:16

Nɛɓa gaamu kiiwakɔ sigɛ tuulk a oltiir sigɛ pɛɛyk, nɛ ɓɔŋgɔɔrɛ taamɛ gɛɛŋk rakaaya, nɛ pɔɔsɛ Waakoyo, nɛ ŋapati kiiwu nɛɛk, nɛ gaɓɛ nomtaanaka gɛɛnaak kɛnɔ gaɓɛr joopa gɛɛnak.

Yowanis 11:41

Nɛɓa joop gɛɛnɛ ɓɔŋgɔɔrɛr giɗee nɛɛkiŋ. Nɛɓa Yeese dɛnɗi rakaaya nɛ tonu kɛ, "Iin Baabɛɛ, pɔɔsaniŋ agut sinɔta tiiɗiɗinŋɔŋk.

Yowanis 17:1

Saaɓa Yeese toniiɗ sinik baŋiya, nɛɓa ɓɔŋgɔɔrɛ ɛɛk nɛ dɛnɗi dariya nɛ ɗanɗama kɛ, "Iin Baabɛɛ, gayɛkɔ ɔɔtɛ nɛɛkɛɛŋ. Kɛnɔnu eemɛy Tɔn nookɛ eemɛyi Tɔɔn nook,

Yowanis 6:11

Nɛɓa Yeese ɓɔŋgɔɔrɛ kiiwu nɛɛk nɛ pɔɔsɛ Waakoyo, nɛ kaasɛ joopa sigaagakan dokurɗeek, maɓɔrɛ oltiir gɛɛŋk ijaag oko sinɛk. Nɛɓa laŋir sɛɛg baŋɛ oko sinɛ sɛɛga ɗɛyɛɛɗik.

Yowanis 6:23

Ŋaararkiɓa emɗakɔ ɔgɔɔk Tibiriyadoose, nɛ kurak saanaɓa Yeese pɔɔsɛɛɗ Suumik a saanaɓa joop ɗamarɗi kiiwuk jɔka.

Ijaag Wosɛytaanakoŋk 27:35

Saaɓa toniiɗ sinik baŋiya, nɛɓa ɓɔŋgɔɔrɛ kiiwu nɛ pɔɔsɛ Waakoyo sɛɛge baŋɛ taamɛkɛ nɛ ŋapati nɛ tuke ɗama.

Roome 14:6

Iɗit sinɔ eemɛy ɓɛɛnyɔ sinɔ omoŋɔŋk a kaalɛ ɓɛɛnyɔ omk, eemɛy ɓɛɛnyɔ agut Suumi. Ma iɗit sinɔ ɗamiŋɔŋk, ɗami agut Suumi, agut sinɔ pɔɔsɛɛɗ Waakoyok. Ma iɗit sinɔ ki ɗamitik, ki ɗamit agut Suumi, agut sinɔ pɔɔsɛɛɗ Waakoyok.

Omoŋ Korontoosuk 10:31

Agut sini saa ɗamiɗɔɔk, maŋk saa utiɗiiɗɔɔk, maŋk any sinɛ ijaagiirik baŋɛ, in ijaagɛɛ baŋɛ eemɛyɔɔna Waakoyotoŋk.

Kolasiis 3:17

In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.