Markoos 5:35 - Kuumeet Sinɔ Tɔɔnuk Ad Majaŋeeroŋk

³⁵ A inɓa Yeese toton any sini nɛ joop a omoŋ omoŋ sigɛɓa kurak woy Iyairoosuk, tonurgeeɗ kɛ, "Rɛrkɔ tɔn nookɛŋ. Ooɗun rɔɔriytan sisɔ agut jikon?"

Markoos 5:35 Iomraidhean Croise

Maatiyoos 26:10

Ɗegerɓa Yeese sini nɛ tonu sɛɛga kɛ, "Ooɗɛɛr jarti sini agut jikon? Ijaag kɔta any sinɔ mentanŋɔŋk.

Maatiyoos 26:18

Nɛɓa sɛŋk tonu sɛɛga kɛ, "In kɛɛɗɛɛ katamɛya waa aniinik nɔ kɛɛɗɛɛ tonguɗɛɛ kɛ, 'Tonu rɔɔriytaan kɛ wɔɔŋku ɔɔtɛ naakɛŋ eet a nomtaanak gaaŋk ɗamiikɔɔ ɗama Ba'aal Ɗoyiɗoŋk nyaki nookɛk.' "

Maatiyoos 9:18

Saaɓa Yeese toniiɗ sinik, nɛɓa mɛlki ɔɗɔwen gode tolɛɛɗoŋk Ayuuduk om son lak sɛɛnik. Nɛ ɛtɛ korontunɛ Yeesee taamɛkɛ nɛ tongeeɗ kɛ, "Rɛrkɔreete tɔn naakɛ sinɔ peetik sise nɛ ɔkɔn kɛɛɗin riiɓeeɗin ari nook raŋkiŋ, muratageeɗkɔɔ wɛɛŋa gɛɛnɛŋ."

Markoos 10:17

Saaɓa Yeese tukeeɗ ŋaarink, nɛɓa reerki iɗit om son lak sɛɛnik, nɛ ɛtɛ korontunɛ sɛɛne taamɛkɛ, nɛ kɔɔniy sɛɛn kɛ, "Iin rɔɔriytan sinɛ mentank, ɗɛyɛta a ijaaga jikon nɔkoy laŋiiɗa wɛɛŋa sigɛkoy nokoy nɔkoyk?"

Markoos 5:22

Kusɓa iɗit om son lak Yeeseek sinɔ riyɛ kɛ Iyairoosuk sinɔ ɔɗɔwen gode tolɛɛɗoŋk Ayuuduk, nɛɓa ɗiiri sɛɛne taamɛkɛ.

Lukaas 8:49

A inɓa Yeese ar waasiyɛɛkɛ, nɛɓa mɛlki iɗit om woy ɔɗɔwen gode tolɛɛɗoŋkuk Iyairoosuk nɛ tongeeɗ kɛ, "Rɛrkɔre tɔn nookɛŋ. Katɓɔ sisɔ ooɗun rɔɔriytan."

Yowanis 11:21

Nɛɓa Martaa tonu Yeeseya kɛ, "Suumi naakɛ, ɔkɔnkɔre ɓɛɛlin seediiŋ, gunkɔ manya eeta ki rerin.

Yowanis 11:25

Nɛɓa tongeeɗ Yeese kɛ, "Eet iɗit sinɔ boŋku iɗit ret walasak ɛ eet wɛɛŋa. Iɗit sinɔ ŋaadi eetik, kɛygun rɛrkɛɛŋ beeɗkɔɔ wɛɛŋakɛ.

Yowanis 11:28

Saaɓa Martaa toniiɗ sinik baŋiya, nɛɓa weeri waa nɛ kɛɛ riyiri manya Maariyam, nɛ tongeeɗ dugeeɗ kɛ, "Mɛlkikɔ Rɔɔriytaaniŋ, ɗɛyɛniŋ."

Yowanis 11:32

Mɛlkiɓa Maariyam saana arkiɗ Yeesek. Nɛ saaɓa dɛnɛɛɗik, nɛɓa ɗiiri derakɛ gɛɛnɛ goyse ɗeek nɛ tongeeɗ kɛ, "Suumi naakɛ, ɔkɔnkɔre ɓɛɛlin seediiŋ, gunkɔ manya eeta ki rerin."

Yowanis 11:39

Nɛɓa Yeese tonu kɛ, "In ɓɔŋgɔɔrɛɛ giɗee nɛɛk." Nɛɓa manya eta sinaanaɓa rɛrk Martaa tongeeɗ kɛ, "Suumi naakɛ, ŋaareɓɔ sisɔɔŋ agut sinɔ ɗoŋ aŋan sinɛkɔ rɛrɗik."

Yowanis 5:25

Eekeer tona kɔnaaŋ, mɛlkikoy ɔɔtɛ sinɔkoy joop sigɛɓa rɛrark tiyɛrɗi koŋgoy Tɔɔn Waakoyotoŋkuŋ, ɔɔtɛ nɛɛk sɛɛn sini sisɔk. Joop sigɛ tiyɛrk baŋɛ beeɗirkoy wɛɛŋakɛ.