Markoos 5:15 - Kuumeet Sinɔ Tɔɔnuk Ad Majaŋeeroŋk

¹⁵ Kurakɓa son lak Yeeseek. Nɛɓa dɛnɛr iɗit sinɛɓa gaamur wɛɛŋa sigɔ somkaanakik a lak abii eek a beeber saadi a ɗeger ɛɛk ɔɗɔ nɛɛkɛŋ, nɛɓa ɓuriiŋ.

Markoos 5:15 Iomraidhean Croise

Maatiyoos 12:29

Maŋk oolɛ iɗit ɛk a guuguny godeya iɗit sinɔ ɓaŋkawuŋɔŋk nɔ weelɛ ɓolaatuuru gɛɛŋk makɔ tɛɛnan ki korkoɗɛɛk? Nɛkɔɔ ɓaane saadi weelɛ ɓolaatuuru gɛɛŋk.

Maatiyoos 26:53

Koɓun kɛ ɔkɔn ɗɛyɛŋ ɛ kalɛya Baabɛɛ naakiŋ kɛ kiikita wosɛyɛɛt wosɛytaanak sigɔ kumɛɛ ɓɔɔkaaŋɔŋk?

Maatiyoos 4:24

Nɛɓa tiyɛɛ ɔɔtɛ Yeeseek sinɔɔnɛ ɗoo Sooriyaak baŋɛ. Nɛɓa ɗɔkarki joop gɛɛnɛ joop sigɔɓa rakatɛr goriɗakɛ, a meetanakɛ sigɔɔgɛ ɓɛɛlɛr kundiyaakɛk, lakɛɓa gortaanakɛ gɛɛnɛ kɔɔr sigɔɓa sɛɛg gaamur wɛɛŋa sigɔ somkaanakik, ɛɓa lakɛ sigɔ latu setakɔɔk, ɛɓa lakɛ nyɔŋtaanak. Nɛɓa sɛɛg ebɔdɛ Yeese baŋɛ.

Maatiyoos 9:33

Nɛɓa Yeese ɔɔykuɗ wɛɛŋa sigɛ somkaanakik, nɛɓa joop sigɛ ɓɔɔkaak reemɗi ɓayɛtun gɛŋk, nɛ tonur kɛ, "Inɓa kɛɛ taanta Israeele any sinɔ ɛtɛ oko sinikik."

Markoos 5:14

Nɛɓa irtaana sigɛ kuturɛɛkoŋk gonar nɛ kaar yaaŋɛr ɔɔtɛ nɛɛk katamɛɛ a sinɔɔnɛ kɛntɛyoŋk joopa. Nɛɓa joop ŋaarark kɛnɔ dɛnɛr any sinɛ ɓɛɛlɛk.

Markoos 5:16

Joop sigɛɓa dɛnɛr any sinɛɓa ɓɛɛlɛk ete sinaanɛɓa gaamur wɛɛŋa sigɔ somkaanakik a kuturɛɛkɛ gɛɛnɛkik, yaaŋɛrɓa any sini joopa baŋɛ.

Markoos 5:18

Saaɓa Yeese arkiɗ teeŋɛt emɗak, nɛɓa kalɛyi sɛɛn iɗit sinɛɓa gaamur wɛɛŋa sigɔ somkaanakik kɛnɔ kaar agut omoŋ.

Markoos 5:4

Korkokoɗɛɛɓa meltikɛ awɛytiiroŋk derakoŋk a arnoŋk agut ɓɔɔkaaŋ, yakanaɓa pupuɗ melti sigɛ awɛytiir derakoŋk a arnoŋk nɛ o'or sɛɛgiŋ. Nɛɓa kɛɛ iɗit sinɔ oolɛ a gaamu nɔ ari a beeɗiŋɔŋk ara.

Markoos 5:9

Nɛɓa Yeese kɔɔniy kɛ, "Riyɛni kɛ wooɗ?" Nɛɓa jumurgeeɗ kɛ, "Agut sinɔ ɓɔɔkaakiɗiiŋɔŋk riyɛti kɛ Leegiwoon

Lukaas 10:39

Lakɓa sɛŋk manya sinɔ riyɛ kɛ Maariyamuk. Nɛɓa beeɗ Maariyam derakɛ Suumiyoŋk goyse ɗeek a gelelewugeeɗ pɛɛni nɛɛk.

Lukaas 8:27

Saaɓa Yeese orkuɗ ɛɛk emɗ nɛɛkɛ ɗookak, nɛɓa ŋaarki iɗit om katamɛɛ sinɔɓa gaamur wɛɛŋa sigɔ somkaanakik nɛ pepetiiŋ. Iɗit sinɛ beeɗɓa a jeeɗo ɔɔtɛ nɛɛkɛŋ a kiiɗɛ abii eek, beeberɓa nyon piyakɔkoŋk, ma mokoɓa godeey tak.

Kolasiis 1:13

Ariɓa tin a ŋaarkii ɓaŋkawukaat nyuuguroŋk, ɛɓa tin ari a guugunyii burɛya Tɔɔn nɛɛkik sinɛ poruk,

Pɛɛyeen Timotiyoosuk 1:7

Agut sinɔ gaɓɛkan tina Waakoyot wɛɛŋa ɓaŋkawukaatoŋk, a mɛyinoŋk, a ɓali ɛɛkoŋkuk, makan tina ki gaɓɛɛɗ wɛɛŋa ɓɔɔjikeenoŋk.