Markoos 4:8 - Kuumeet Sinɔ Tɔɔnuk Ad Majaŋeeroŋk

⁸ Ma wɛykɔk ɔgɔɔk ɗiirtar ɗooka sinɔɔna mentanŋɔŋk nɛ ɗiigararkiŋ, nɛ gaɓɛr taamɛ a ɓɔɔkaaŋ, gaɓɛ omaay taamɛ a ruumer iɗit a aarin, ma omaay gaɓɛ a pɔlpɔlɛ joop jiitik ma omaay gaɓɛ a ɗibɛ."

Markoos 4:8 Iomraidhean Croise

Maatiyoos 13:23

Ma wɛykon sinɛkan soowɛɛ ɗook sinɔɔnɛ mentanŋɔŋkuk gayi a iɗit sinɔ tiyɛ pɛɛni nɛɛk nɛ gaamuŋɔŋk. Nɛ iɗit sinɛ gaɓɛ taamɛ, gaɓɛ omaay taamɛ a ɗibɛ ma omaay pɔlpɔlɛ joop jiitik ma omaay ruumer iɗit a aarin."

Maatiyoos 13:8

Ma wɛykɔk ɔgɔɔk ɗiirtar ɗooka sinɔɔna mentanŋɔŋk, nɛ gaɓɛr taamɛ a ɓɔɔkaaŋ, gaɓɛ omaay taamɛ a ɗibɛ ma omaay pɔlpɔlɛ joop jiitik ma omaay ruumer iɗit a aarin.

Markoos 4:20

Ma sigɛkan soowɛ ɗook sinɔɔnɛ mentanŋɔŋkuk yaaŋɛ, joop sigɔ tiyɛr pɛɛni nɛɛk nɛ bɔŋur nɛ gaamurŋɔŋk, nɛ gaɓɛr taamɛ a ruumer iɗit a aarin, a pɔlpɔlɛ joop jiitik, a ɗibɛ."

Markoos 4:7

Ma wɛykɔk a omoŋ omoŋ ɗiirtarɓa ɓɛynika kɔɔra nɛ ɓɛyni gɛɛnɛ gaamitar ɗooka nɛ dakɛɛtarŋ, nɛ kir gaamit taamɛ.

Markoos 4:9

Nɛɓa Yeese tonu kɛ, "Iɗit sinɔ lak weena sinɔ tiiɗiŋɔŋk, in tiyɛɗ."

Lukaas 8:15

Sigɛɓa ɗiirtar ɗooka sinɔɔna mentanŋɔŋk joop sigɔ tiyɛr pɛɛni nɛɛk eekeerɛ a koɓiiɗ sinɔɔnɛ mentanŋɔŋk, nɛ gaamur nɔkoy mɛlɛɛɗa pediyaak nɛ gaɓɛr taamɛ."

Lukaas 8:8

Ma wɛykɔk ɔgɔɔk ɗiirtar ɗooka sinɔɔna mentanŋɔŋk, nɛ gaɓɛr taamɛ a ɗibɛ. Nɛɓa tonu a ɗooruŋ kɛ, "Iɗit sinɔ lak weena sinɔ tiiɗiŋɔŋk, in tiyɛɗ."

Yowanis 15:5

"Eet kɛɛt wɛynik, ma iinak rɛkɛnak. Iɗit sinɔ beeɗ eete, ɛ ɓɔra beeɗaa sɛɛnek, gaɓɛ iɗit sinɛ taamɛ a ɓɔɔkaaŋ. Agut sinɔ kɛɛ any sinɔ oolɛɛr a ijaagiir a kiiɗɛ eetik.

Yowanis 7:17

Ɔkɔn lakɛ iɗit sinɔ ɗɛyɛ a ijaag any sinɛ ɗɛyɛ Waakoyotukuŋ, nɛ ɗeger kɛ laŋkɛɛɓa rɔɔriyɔn sini sooy lak Waakoyok maŋk kɛ tonɗiika eet dakɛɗa.

Ijaag Wosɛytaanakoŋk 17:11

Joop Ayuuduk sigɛ atu Beeriyaakek boŋurɓa pɛɛni nɛɛk yaakaat sinɔɔnɛ obiiŋɔŋk, agut sinɔɓa tayaaɗ kalbiyɛ gɛŋk a kaalɛr sigɛ atu Tɛsɛlonkeek, nɛɓa mermenar Wargatɛ Waakoyotoŋk ɓɛɛnyɔwɛ gɛɛŋk baŋɛ kɛnɔ ɗegerar eekeer pɛɛni sinɛɓa tonu Paawuloosuk.

Epesoon 2:21

Arɛɛ kɛnɔ in ɓɔlɔɔrɛ a Gode sinɔ Geetitank Suumiyoŋk, nɛ tootokɛɛ gode nɛɛk baŋɛ sɛɛne.

Kolasiis 1:6

Mɛlɛɛrɓa sini son lak iinakik tuki nɛɛkɛ a tukiɗi saaɓa tiyɛrɗɔ kɛ ɗɔm Pɛɛni sinɛ Ɓɛlkɛɛstank kɛ ege wookan Waakoyotoŋk eekeerk nɛ gaɓɛ taamɛ ɛ ɓɔlɔɔrɛ ɗook raŋk, oko sinɛ gaɓɛɛɗ taamɛ ɛ ɓɔlɔɔrɛɗ iinakɛ kɔɔrk.