Markoos 4:24 - Kuumeet Sinɔ Tɔɔnuk Ad Majaŋeeroŋk

²⁴ Tonuɓa sɛɛga kɛkar kɛ, "In koorɛɛ ɛɛk agut any sinɛkɔɔ tiyɛɛrik, saparɛɛkoy ɓɔrɛ kɔna ant sinaanɛ saparɛrɗɔk siipɛɛkoy kɔna a kaalɛŋ.

Markoos 4:24 Iomraidhean Croise

Maatiyoos 7:2

Pɛrɛdɛɛkoy kɔne oko sinɛ pɛrɛdɛrɗɔ joopek. Saparɛɛkoy ɓɔrɛ kɔna ant sinaanɛ saparɛrɗɔk.

Markoos 9:7

Nɛɓa mɛlki gumoy nɛ miinye sɛɛgiŋ, nɛ gumoy nɛɛkɛ tak tiyɛɛ koŋgoy sinɔ ɗooru kɛ, "Tɔɔn Naak sinɛ poraak sɛɛn sini. In geleewɛɛ sɛɛna."

Lukaas 8:18

Sisɔ in koorɛ ɛɛk kɛ geleewɛɛr ɛk. Iɗit sinɛ lakiik siipigiɗɛkoyŋ. Ma iɗit sinɛ kiiɗɛk boŋkuɗɛɛkoy aasi a ɛtɛ oko sinɛ koɓu kɛ lakaŋɔŋk a kɛɛ sinɔ ŋayɗi tɛmŋɔŋk."

Yowanis 10:16

Laka jiŋkuyɛ ɔgɔ sigɔ moko atu keer sineenekiŋ. Nɛta ɗɛyɛ a ɓɔrɛ ɗɔka sɛɛgiŋ. Tiyɛr sɛɛk wɛɛŋa gaaŋkiŋ. Ɓɛɛlɛrkɔɔ a pony omoŋ, egekɔɔ koortan nɛŋk omoŋ.

Yowanis 10:27

Jiŋkuyɛ gaaŋk tiyɛr wɛɛŋa gaaŋkiŋ. Ɗegera sɛɛgiŋ nɛ sɛɛk nomɛr eeteeŋ.

Yowanis 5:25

Eekeer tona kɔnaaŋ, mɛlkikoy ɔɔtɛ sinɔkoy joop sigɛɓa rɛrark tiyɛrɗi koŋgoy Tɔɔn Waakoyotoŋkuŋ, ɔɔtɛ nɛɛk sɛɛn sini sisɔk. Joop sigɛ tiyɛrk baŋɛ beeɗirkoy wɛɛŋakɛ.

Ijaag Wosɛytaanakoŋk 17:11

Joop Ayuuduk sigɛ atu Beeriyaakek boŋurɓa pɛɛni nɛɛk yaakaat sinɔɔnɛ obiiŋɔŋk, agut sinɔɓa tayaaɗ kalbiyɛ gɛŋk a kaalɛr sigɛ atu Tɛsɛlonkeek, nɛɓa mermenar Wargatɛ Waakoyotoŋk ɓɛɛnyɔwɛ gɛɛŋk baŋɛ kɛnɔ ɗegerar eekeer pɛɛni sinɛɓa tonu Paawuloosuk.

Pɛɛyeen Korontoosuk 9:6

In koɓukɛɛ sini. Iɗit sinɔ soowuɗi a tɛmŋɔŋk, nɛkoy ɗootiɗi a tɛm, ma iɗit sinɔ soowuɗi a obiiŋɔŋk nɛkoy ɗootiɗi a obiiŋ.

Ibirawiyaan 2:1

Agut sini ɗɛyɛ tina a koorii kɛ ɗɔm agut any sinɛkan tiyiik kɛnɔ mokɔɔ dertii nɔ ɗirii.

Omoŋ Petrosuk 2:2

In ɗɛyɛɛ ɛrsɛɛ sigɔ arir wɛɛŋa goŋk a ɓaŋkaawuraŋɔŋk oko sinɛ ɗɛyɛrɗi sasalɛyɛ sigɔ in sɛɛg ɓartikaayɛŋɔŋk ɛrsɛɛk, nɛ in ɗɛyɛɛ ɛrsɛɛ Pɛɛni sinɔ kiiɗɛ ɗɛgɛk.

Omoŋ Yowanisik 4:1

Iinak sigɛti poriirik, kat ŋaadɛɛ Wɛɛŋa baŋɛ, ma in mermenɛɛ Wɛɛŋa kɛ Waakoyotoŋk maŋk kɛ moko Waakoyotoŋk, agut sinɔkɔ ŋaararkiɗ ɗook raŋk joop pɛrkaakoŋk sigɔ nyonkaanakik a ɓɔɔkaaŋɔŋk.