Markoos 4:20 - Kuumeet Sinɔ Tɔɔnuk Ad Majaŋeeroŋk

²⁰ Ma sigɛkan soowɛ ɗook sinɔɔnɛ mentanŋɔŋkuk yaaŋɛ, joop sigɔ tiyɛr pɛɛni nɛɛk nɛ bɔŋur nɛ gaamurŋɔŋk, nɛ gaɓɛr taamɛ a ruumer iɗit a aarin, a pɔlpɔlɛ joop jiitik, a ɗibɛ."

Markoos 4:20 Iomraidhean Croise

Maatiyoos 13:23

Ma wɛykon sinɛkan soowɛɛ ɗook sinɔɔnɛ mentanŋɔŋkuk gayi a iɗit sinɔ tiyɛ pɛɛni nɛɛk nɛ gaamuŋɔŋk. Nɛ iɗit sinɛ gaɓɛ taamɛ, gaɓɛ omaay taamɛ a ɗibɛ ma omaay pɔlpɔlɛ joop jiitik ma omaay ruumer iɗit a aarin."

Maatiyoos 13:8

Ma wɛykɔk ɔgɔɔk ɗiirtar ɗooka sinɔɔna mentanŋɔŋk, nɛ gaɓɛr taamɛ a ɓɔɔkaaŋ, gaɓɛ omaay taamɛ a ɗibɛ ma omaay pɔlpɔlɛ joop jiitik ma omaay ruumer iɗit a aarin.

Markoos 4:8

Ma wɛykɔk ɔgɔɔk ɗiirtar ɗooka sinɔɔna mentanŋɔŋk nɛ ɗiigararkiŋ, nɛ gaɓɛr taamɛ a ɓɔɔkaaŋ, gaɓɛ omaay taamɛ a ruumer iɗit a aarin, ma omaay gaɓɛ a pɔlpɔlɛ joop jiitik ma omaay gaɓɛ a ɗibɛ."

Lukaas 8:15

Sigɛɓa ɗiirtar ɗooka sinɔɔna mentanŋɔŋk joop sigɔ tiyɛr pɛɛni nɛɛk eekeerɛ a koɓiiɗ sinɔɔnɛ mentanŋɔŋk, nɛ gaamur nɔkoy mɛlɛɛɗa pediyaak nɛ gaɓɛr taamɛ."

Yowanis 15:16

Mokokanti daamari iinak, makan kɔnu daama eet, suumakan kɔnu kɛnɔ ŋaarari nɔ kaar gaɓɛɛr taamɛ a ɓɔɔkaaŋ kɛnɔkoy beeɗir taamɛ sigɛ gaɓɛɛrik ɓɛɛnyɔwɛ gɛɛŋk baŋɛ. Nɛ any sinɛ kalɛyiir Baabɛye tiriyaakɛ gaanɛk baŋɛ gaɓɛkɔɔ kɔnaaŋ.

Yowanis 15:2

Rɛkɛnan sinɛ ar eete nɛ ki gaamit taamɛk baŋɛ, yawɛkoy Baabɛ nɛ oruŋ. Ma rɛkɛnan sinɛ gaɓɛ taamɛk, isiisekɔɔ kɛnɔ gaɓɛ taamɛ a kaalɛŋ.

Roome 7:4

Oko sinik iinak manyaakak eeta, rɛrarikan higiya goy buusɛ Yeese Kereseek. Nɛ agut sini eteŋk Kereseek sinɛɓa ŋaarki ret walasak kɛnɔ gaɓii taamɛ ijaaga Waakoyotoŋk.

Kolasiis 1:10

ɛ ɗanɗamaakii kɛnɔ beeɗiir oko sinɛ ɗɛyɛɛɗ Waakoyotuk nɔ ariir Suumi a yaageeɗ olaatɛ baŋɛ, kɛnɔ kɔne laŋɛɛ taamɛ ijaag any sinɔ mentanŋɔŋk a ɓɔlɔɔrɛɛr a ɗegerari Waakoyo.

Omoŋ Tɛsɛlonkeek 4:1

Pediya nɛɛka iinak manyaakak eeta, kalɛyii kɔnu tiriyaakɛ Suumi Yeeseek, kɛnɔ beeɗiir beeɗiit sinɔ yaa Waakoyotak oko sinɛkan kɔnu rɔɔriyɗiik. Beeɗiir oko sinɛk rɔɔriyii kɔnu kɛnɔ ijaagiir a kaalɛ sinɛkan ijaagiir jeemɛk.

Pɛɛyeen Petrosuk 1:8

Ɔkɔn latukari ola sigi a ɓɔɔkaaŋ, koorɛrkɔɔ kɔnu kɛnɔ kat dakɛɛr a kɔne kɛɛ taamɛ ɛ kɔne kɛɛ ijaag ɛɓɔrɛ kɛnɔ kat dakɛɛr a kiir ɗegerɔɔn Suumi naŋk Yeese Keresee.