Markoos 4:17 - Kuumeet Sinɔ Tɔɔnuk Ad Majaŋeeroŋk

¹⁷ Mayakana ɔɔtɛya sinɔɔna balaaŋɔŋk kɛɛ sɛɛge tiltilɛ, ɔɔtɛ sinɔɔnɛ dinyŋɔŋk saa mɛlkiɗ rakatɛ, maŋk epapay agut pɛɛni nɛɛkik nɛ sisa ɗiirarŋ.

Markoos 4:17 Iomraidhean Croise

Maatiyoos 11:6

Iɗit sinɔ ki toŋoɗ ŋaadiyɛ eeteek geetitan."

Maatiyoos 12:31

Tona kɔnaaŋ, ijaag tikiyɛɛkoŋk a nyɔɔna baŋɛ, ŋɔɗurɛɛkoy sɛɛg joopeŋ. Mayakana iɗit sinɔ nyɔɔn Wɛɛŋa sigɔ Geetitaanakik kir kiɗɛɛkoy toŋoɗ.

Maatiyoos 13:21

yakana kiiɗ beeɗit agut sinɔ kiiɗɛ tiltilɛɛk, nɛ Saa mɛlkiɗ rakatɛɛ maŋk epapayk agut pɛɛni nɛɛkik nɛ ŋɔr ŋaadiyɛ.

Markoos 4:16

Maɓɔrɛ sigɛkan soowɛ ɗook sinɔɔnɛ ɓɛɛlɛ a giɗeek, yaaŋɛ joop sigɔ tiyɛr pɛɛni nɛɛk nɛ sisa bɔŋur yaakatik.

Markoos 4:18

Ma sigɛkan soowɛ sɛɛg ɓɛynikɛ kɔɔrk yaaŋɛ joop sigɔ tiyɛr pɛɛni nɛɛk.

Lukaas 12:10

Iɗit sinɔ waasɛ any sinɔ ŋɛɛwɛnŋɔŋk Toomoy Etoŋk raŋk ŋɔɗurkuɗɛɛkoyŋ, mayakana iɗit sinɔ nyɔɔn Wɛɛŋa sigɔ Geetitaanakik kir kiɗɛkoy toŋoɗ.

Yowanis 8:31

Tonuɓa Yeese joopa Ayuuduk sigaaga ŋaadir sɛɛnik kɛ, "Ɔkɔn sɔɔk beeɗiir pɛɛnii naakɛɛŋ, iinak nomtaanak gaaŋk eekeerɛ.

Gɛlatiyaa 6:12

Joop sigɛ kɔnu direr kɛnɔ kɔnu yayawɛɛk merirɗi ɛɛk any ɛɛk raŋan nɛɛkik. Arir any sini kɛnɔ maŋk mɛlki sɛɛga epapay agut laalawutan Kereseek.

Pɛɛyeen Timotiyoosuk 1:15

Laŋɛɛ joope Isiyaaak kɔɔr Piigelus a Hermogeneesiŋ, nɛ ɗegeri kɛ ŋɔɗarkanti sɛɛg baŋɛŋ,

Pɛɛyeen Timotiyoosuk 4:10

Pakatikɔte ɛɛk Deemaas makɔ poru any ɗoo sinik, nɛkɔ ŋaar Tɛsɛlonkeya, makɔ ŋaar Kerkis Gɛlatiyaa, maɓɔrɛ ŋaar Tiito Dilmatiyaa.

Pɛɛyeen Timotiyoosuk 4:16

Saakan widikiɗa kolan naak sinɛ tuktank, ant sinaanɛ kanta daariyɗiigiɗɛɛk, nɛ kɛɛ iɗit sinɔkanti kɔnyɛk. Makanti ŋɔɗar baŋɛ nɛ ŋaararŋ, yakana ŋaada kɛ kɛɛ sɛɛga ikomiit.

Ibirawiyaan 10:29

Anɛ gayi kɔna a koy boŋu goopan sinɔ ɛtɛ ɛkik iɗit sinɔ daraayɛ Tɔɔn Waakoyotoŋk, ɛ ikomu kuumiyɛ yɛrom sinɛɓa sɛɛn geetiɗɛɛk a any sinɔ kiiɗɛ ɔɔtɛk, ɛ nyɔɔn wookan Wɛɛŋa sigɔ Geetitaanakik?

Omoŋ Yowanisik 2:19

Ŋaartarɓa sɛɛk eteŋkɛ kɔɔr, mayakana mokoɓa sɛɛk jeemɛ tekaaneer gaŋk. Ɔkɔnɓa sɛɛk tekaaneer gaŋkiŋ, gunɓa ɓaŋkaawurar nɛ beeɗir a eteŋk agut omoŋ. Yakanaɓa pakatir ɛɛk eteŋkɛ kɛnɔ ɗegerɛɛ kɛ mokoɓa sɛɛg tekaaneer gaŋk.

Dɛnɛɛ Pɛrka Yowanisik 2:10

Kat ɓurun rakatɛ sinɛkɔɔna mɛlkik. Dɛnko, gaɓɛkɔɔ kɔnu setan a omoŋ omoŋ godeya korkoɗɔɔnoŋk kɛnɔ kɔnu paariɗ, nɛkɔɔ laŋirkɔ rakatɛ a ɗoŋ aarin. In iin eekerkan kɛygunnu arkaayɛ a ito rɛɛrin, nɛkɔɔna gaɓa dooroy eemɛyɔɔnoŋk wɛɛŋakoŋk.

Dɛnɛɛ Pɛrka Yowanisik 2:13

Ɗegera kɛ arkin nyon sinɔɔnɛ arkiɗ barsum setanik. Kɛygun ɓɛlkɛ oko sinikiŋ, gaamunkan tiriya gaaŋk a ɓaŋkawuŋ, ɛkan kin kaadɛt ŋaadiyɛ sigɛ lakin eetek aasi ɓeny sinaanɛkan ɓɛɛlɛɛɗ Antipaas sinɛkan waawas eetik, a ŋaadɛɛŋɔŋk, sinɛkan ɓokotɛɛ iinakɛ kɔɔruk, nyon sinaanɛ beeɗiɗ setank.