Markoos 4:16 - Kuumeet Sinɔ Tɔɔnuk Ad Majaŋeeroŋk

¹⁶ Maɓɔrɛ sigɛkan soowɛ ɗook sinɔɔnɛ ɓɛɛlɛ a giɗeek, yaaŋɛ joop sigɔ tiyɛr pɛɛni nɛɛk nɛ sisa bɔŋur yaakatik.

Markoos 4:16 Iomraidhean Croise

Maatiyoos 13:5

Ma wɛykɔk a omoŋ omoŋ ɗiirtar soona lak ɗoo a tɛmŋɔŋk ɓɛɛlɛ a giɗeek, nɛ agut sinɔ tɛmkuɗ ɗoo nɛɛkɛŋɔŋk ɗiigararkiɓa a gorgorŋ.

Markoos 4:15

Saaɓa soowɛɗɛ pɛɛni nɛɛkik, wɛykɔk sigɛkan ɗiirtar gopana kɛntɛyak, yaaŋɛ joop sigɔ saa tiyɛrɗi pɛɛni nɛɛkik, nɛ mɛlki setan sisa nɛ boŋu sɛɛge pɛɛni sinɛkan soowɛ sɛɛge ɓayɛtu nɛɛkɛk.

Markoos 4:17

Mayakana ɔɔtɛya sinɔɔna balaaŋɔŋk kɛɛ sɛɛge tiltilɛ, ɔɔtɛ sinɔɔnɛ dinyŋɔŋk saa mɛlkiɗ rakatɛ, maŋk epapay agut pɛɛni nɛɛkik nɛ sisa ɗiirarŋ.

Markoos 6:20

Agut sinɔ dɛnɛɓa Herodis Yowanis a iɗit sinɔ mentan taamɛkɛ Waakoyotoŋk ɛ geetitank, nɛɓa ɓureŋ a koorɛŋ. Saaɓa Herodis tiyɛɗ waasiyɛ Yowanisik, nɛɓa gelewugeeɗ yaakat. Yakanaɓa waasiyɛ gɛɛnɛ ooɗɛr sɛɛniŋ jɛt.

Lukaas 8:13

Sigɛ ɗiirtar soona ɓɛɛlɛ a giɗeek joop sigɔ tiyɛr pɛɛni nɛɛk nɛ boŋur yaakatik. Mayakana, joop sigi ŋaadiɗi ɔɔtɛya sinɔɔna balaaŋɔŋk. Ma saakɔɔ sɛɛga mɛlkiɗ rakatɛɛk nɛ ŋɔɗar ŋaadiyɛ.

Yowanis 5:35

Yowanis itoɓa ɗaawan sinɔ lowu a ɗaawuŋɔŋk. Nɛɓa ɗɛyɛɛr kɛnɔ kɔna yaa pɛɗɛrkaat nɛɛkɛɛk ɔɔtɛya sinɔɔna balaaŋɔŋk.

Ijaag Wosɛytaanakoŋk 26:28

Nɛɓa Agirpaa tonu Paawuloosa kɛ, "Ɗɛyin ati arin a dooytan sise kɛ gonyuŋ?"

Ijaag Wosɛytaanakoŋk 8:13

Ŋaadiɗiiɓa aasi ɓɔrɛ Simion nɔɓa aadɛɛ nɛɓa nomɛ Pilipoose. Dɛnɛɓa ola sigɔ reemɗi ɓayɛk a sɔɔriyɛ sigɛɓa ijaag Pilipoosuk, nɛɓa reemɗi ɓayɛ nɛɛkɛŋ.