Markoos 4:15 - Kuumeet Sinɔ Tɔɔnuk Ad Majaŋeeroŋk

¹⁵ Saaɓa soowɛɗɛ pɛɛni nɛɛkik, wɛykɔk sigɛkan ɗiirtar gopana kɛntɛyak, yaaŋɛ joop sigɔ saa tiyɛrɗi pɛɛni nɛɛkik, nɛ mɛlki setan sisa nɛ boŋu sɛɛge pɛɛni sinɛkan soowɛ sɛɛge ɓayɛtu nɛɛkɛk.

Markoos 4:15 Iomraidhean Croise

Maatiyoos 13:19

Wɛykon sinɛkan ɗiiriri gopana kɛntɛyak gayi a iɗit sinɔ tiyɛ pɛɛni burɛ Waakoyotoŋk nɛ ki koɓiɗik. Nɛ sisa mɛlki setan nɛ boŋiiɗ pɛɛni sinɛɓa soowɛɛ sɛɛne ɓayaayk.

Maatiyoos 22:5

"Joop sigɛɓa riyɛ sɛɛgik kɛɛɓa sɛɛge ŋɔɗɔ nɛɛk, nɛɓa rootanɛrki tiriyaaka gɛɛnaak, nɛɓa omaay kɛɛ taawa nɛɛka ma omaay kɛɛ nagada nɛɛka.

Maatiyoos 4:10

Nɛɓa tongeeɗ Yeese kɛ, "Iin setan, widarte ɛɛk sɔ! Agut sinɔ taapɛɛɓa Wargatɛɛ Waakoyotoŋk kɛ, 'Ugumu Suumiya nooka Waakoyota, ijaaga sɛɛna dakɛɗa.'"

Markoos 4:14

Iɗit sinɛ soowuɗik ito iɗit sinɔ rɔɔriyaaɗ pɛɛni nɛɛkik.

Markoos 4:16

Maɓɔrɛ sigɛkan soowɛ ɗook sinɔɔnɛ ɓɛɛlɛ a giɗeek, yaaŋɛ joop sigɔ tiyɛr pɛɛni nɛɛk nɛ sisa bɔŋur yaakatik.

Markoos 4:4

Saaɓa soowuɗiɗik, nɛɓa wɛykɔk a omoŋ omoŋ ɗiirtar gopana kɛntɛya, nɛ mɛlɛrki teetɔ nɛ ɗamar sɛɛgiŋ.

Lukaas 8:12

Ma sigɛ ɗiirtar gopana kɛntɛyak joop sigɔ tiyɛr pɛɛni nɛɛk, mayakana mɛlki setan nɛ boŋu sɛɛge pɛɛni nɛɛk ɓayɛtunɛɛkɛ kɛnɔ kat ŋaadiɗi nɔkoy bɔdɛrk.

Ijaag Wosɛytaanakoŋk 17:32

Saaɓa tiyɛrɗi pɛɛni sinɛ kɛ, "Ŋaarin ret walsak," nɛɓa a omoŋ omoŋ daraayɛrŋ, maɓa ɔgɔɔk tonur kɛ, "Tiyiikɔɔ ɓeny omalte saa tina tonɗiiɗin agut any sinik."

Ijaag Wosɛytaanakoŋk 5:3

Nɛɓa Petros tongeeɗ kɛ, "Iin Haananiyaa, guugunykɔna setan ɓayaaya nɛ kɔnu ari kɛnɔ raamun Wɛɛŋa sigɔ Geetitaanakik nɔ ŋɔrkun wori nɛɛk nyon om sinɛkɔ ɓalɗiiɗin ɗookuk agut jikon?

Pɛɛyeen Korontoosuk 2:11

kɛnɔ kat tina ɓoonku setan tool nɔ tin lɔsɛɗ agut sinɔ ɗegerɗii ijaag nɛɛk ɗɛgɛɛjoŋkŋɔŋk.

Pɛɛyeen Tɛsɛlonkeek 2:9

Mɛlkikoy iɗit tikiyɛɛkoŋk a ijaagi sɔɔriyɛ sigɔ badɛɛɗɛɛŋɔŋk a ola sigɔ reemɗi ɓayɛk ɓaŋkawukaat setanik.

Ibirawiyaan 12:16

In koorɛɛ ɛɛk kɛnɔ kat lakɛ iɗit sinɔ ruunykank maŋk ki eemɛyɔɔn Waakoyo oko Eesawu sinɛɓa ɓalɗi tekaayikeent nɛɛkɛ agut ɗama sinɔ gut omoŋ dakɛɗaak.

Ibirawiyaan 2:1

Agut sini ɗɛyɛ tina a koorii kɛ ɗɔm agut any sinɛkan tiyiik kɛnɔ mokɔɔ dertii nɔ ɗirii.

Omoŋ Petrosuk 5:8

Nɛ in beeɗɛɛ kɛ ɗɔm ɛ in ɓeɗɛɛ. Gumaaken noŋk diyabiloos rereri kɔne tookɛɛta a gindɛyɛ a ito ɗɛpɛ sinɔ ɗɛyɛ any sinɔ ɗamŋɔŋk.

Dɛnɛɛ Pɛrka Yowanisik 12:9

Ɛkan orkɛɛ ɗooka wilaŋ sinɛ boobɛŋɔŋk. Sɛɛn kooko sinɛɓa ɗeeŋk sinɛ riyɛ kɛ diyabiloos maŋk setank, sɛɛn sinɛɓa ari joop ɗookoŋk a babadarŋɔŋk, orkɛɛɓa ɓɔrɛ wosɛytaanak gɛɛŋk a sɛɛn agut omoŋ.

Dɛnɛɛ Pɛrka Yowanisik 20:10

Ɛkan oriirɛɛ diyabiloos sinɛkan ari sɛɛg a babadarŋɔŋk gɔrɔwa maɗoŋk koona sinaana paakɛŋɔŋk sinaanaɓa orurguɗɛɛ keegun sinɛ a iɗit pɛrkaakoŋk sinɛ nyonkank takanaak. Nɛkoy rakatɛr kaay a waawuy nɔkoy nɔkoyk.

Dɛnɛɛ Pɛrka Yowanisik 20:7

Saakoy pedirɗi emeyi sigɛ kumɛk baŋiya, nɛkoy woorkɛɛ setan saadɓa korkorɗɛɛkiŋ,