Markoos 2:5 - Kuumeet Sinɔ Tɔɔnuk Ad Majaŋeeroŋk

⁵ Nɛɓa Yeese dɛnɛ ŋaadiyɛ gɛŋk, nɛ tonu nyɔŋtaana saa kɛ, "Iin tɔɔn sini, ranyjɛɛrɛ kɔne tikiyɛ gooŋkuŋ."

Markoos 2:5 Iomraidhean Croise

Maatiyoos 9:2

Diilerkiɓa saadi joop iɗit om sinɔ nyɔŋtank beeɗi son lak Yeeseek. Nɛɓa Yeese dɛnɛ ŋaadiyɛ gɛŋk, nɛ tonu nyɔŋtaana nɛɛka kɛ, "Iin tɔɔn sini ɓaŋkaawurk, ranyjɛɛrɛ kɔne tikiyɛ gooŋkuŋ."

Maatiyoos 9:22

Nɛɓa Yeese kolɛɛnyɛ nɛ dɛnɛ, nɛ tongeeɗ kɛ, "Iin, tɔɔn naak, ebɔdɛr kɔnu ŋaadiyɛ goonɛŋ." Nɛɓa jarti sinɛ bɔdɛ sisa.

Maatiyoos 9:5

Sini kɛ, 'Ranyjɛɛrɛ kɔne tikiyɛ gooŋkŋɔŋk,' a sini kɛ, 'Teŋar raŋana nɔ ŋaarink' bala won?

Markoos 2:6

Rɔɔriytaanak higi Muuseek a omoŋ omoŋ sigɛɓa beebeɗar saadik koɓurɓa ɓayɛtunɛɛkɛ gɛŋk kɛ,

Markoos 5:34

Nɛɓa sɛŋk tongeeɗ kɛ, "Iin tɔɔn naak, ebɔdɛr kɔnu ŋaadiyɛ goonɛŋ. Ŋaari digoya. Bɔdu rakatɛɛ nookɛk."

Lukaas 5:20

Nɛɓa Yeese dɛnɛ ŋaadiyɛ gɛŋk, nɛ tonu eta sinaana kɛ, "Iin iɗit sini, ranyjɛɛrɛ kɔne tikiyɛ gooŋkuŋ."

Lukaas 8:48

Nɛɓa sɛŋk tongeeɗ kɛ, "Iin tɔɔn naak, ebɔdɛr kɔnu ŋaadiyɛ goonɛŋ. Ŋaari digoya."

Yowanis 2:25

Agut sinɔɓa sɛŋk ɗegerɗi any sinɔ ar ɓayaay etoŋkuk baŋɛk, nɛɓa kiigeeɗ ɗɛyɛ iɗit sinɔ waasigeeɗ ɔɔtɛ etoŋkuk.

Yowanis 5:14

Saadi baŋiya laŋkiɓa Yeese iɗit sinɛ Godeey sinaanɛ Geetitank nɛ tongeeɗ kɛ, "Bɔdukunkɔ sisɔŋ, nɛɓɔ kat ijaagin tikiyɛ a tukiɗi sisɔ kɛnɔ mokɔɔ laŋkin any sinɔ kaalɛ sinik."

Ijaag Wosɛytaanakoŋk 11:23

Nɛ saaɓa kɛɛɗik dɛnɛɓa a kɔ gaɓɛ Waakoyot wookan nɛɛk joopa gɛɛnaakik, nɛɓa yaageeɗiŋ. Nɛɓa rɔɔriy sɛɛg kɛnɔ beeɗir a sɛɛg ŋaadɛɛ Waakoyote sɛɛg baŋɛ, ɓayɛ nɛŋk baŋɛ.

Ijaag Wosɛytaanakoŋk 14:9

Geleewɛɓa iɗit sini saaɓa tonɗiiɗ Paawuloosukuŋ, nɛɓa Paawuloos mermen iɗit sinɛ jɛt nɛ dɛnɛ a lak ŋaadiyɛ sigɔ ɗegeera a bɔdugeeɗŋɔŋk,

Ijaag Wosɛytaanakoŋk 5:31

Riiɓekan Waakoyot sɛɛn ɗiɗikakɛ gɛɛnɛk, eemɛyɔɔn a sɛɛn Ɔɗɔwen a Ebɔdtan, kɛnɔ gaɓɛ weerɛɛt tikiyɛɛkɛk a ranyjɛt tikiyɛɛkoŋk joopa Israeelik.

Omoŋ Korontoosuk 11:30

Agut sini joop a ɓɔɔkaaŋ iinakɛ kɔɔr bɔɔlaakan ɛ kan gorur ɛ kan rɛrar agut any sini.

Pɛɛyeen Korontoosuk 2:10

Iɗit sinɔ ŋɔɗitarkiɗɔŋɔŋk ŋɔɗitarkiɗa ɓɔraŋ, ɔkɔn lakɛ any sinɔ ŋɔɗurkuɗaŋɔŋkuŋ, ŋɔɗurkuɗa taamɛkɛ Kereseek agut iinak,

Epesoon 2:8

Agut sinɔ bɔdɛɛrɓa wookaan nɛɛkɛk goy ŋaadiyɛɛkoŋk, ege sini tigi Waakoyotoŋk, ma moko sinɔɓa laŋɛɛ ijaag noŋkuk.

Kolasiis 3:13

In ɓaŋkaawurɛɛ oolaan ɛkanɛɛkɛ goŋk, ɔkɔnkɔ iinakɛ iɗit omaay tike mɛɛnoŋ, nɛ in ŋɔŋɔɗiirɛ ɛkanɛɛkɛ goŋk. In ɓɔrɔ ŋɔɗiirɛ oko sinɛɓa kɔne ŋɔɗiitarkiɗ Kereseek.

Yaykoob 5:15

Ɗanɗamɔn sinɔ ito sinik sinɔ wideerɛɛ ŋaadiyɛɛkɛk ebɔdɛ iɗit sinɛ gorukuŋ, ebɔdɛkɔɔ sɛɛn Suumii goriɗ nɛɛkɛŋ. Ɛɓɔrɛ ɔkɔn lakɛ tikiyɛ sigɔkan ijaagŋɔŋkuŋ ŋɔɗurkuɗɛkɔɔ sɛɛgiŋ.