Markoos 2:17 - Kuumeet Sinɔ Tɔɔnuk Ad Majaŋeeroŋk

¹⁷ Nɛɓa Yeese tiyɛ sini, nɛ tonu sɛɛga kɛ, "Ɗɛyɗigeeɗ akiimi gortaanak, ma moko bɔdtaanak. Kusaakan saak kɛnɔ riyka tikitaanak tikiyɛɛkɛ, ma mokokan kusa kɛnɔ riyka joop sigɔ mentaana taamɛkɛ Waakoyotoŋkuk."

Markoos 2:17 Iomraidhean Croise

Maatiyoos 18:10

"In koorɛɛ ɛɛk kɛnɔ kat daraayɛɛr joope sigeege temetuŋɔŋk om kɔɔr. Tona kɔnaaŋ, wosɛytaanak gɛŋk sigɛ atu darik dɛnɛr taamɛ Baabɛɛ sinɛ ar darik ɓɛɛnyɔwɛ gɛɛŋk baŋɛ.

Lukaas 15:10

Tona kɔnaaŋ, oko sinik yaa taamɛkɛ wosɛytaanak Waakoyotoŋkuk agut iɗit sinɔ tikitank sinɔ omoŋɔŋk sinɔ weeriki tikiyɛɛkɛ Waakoyotak."

Lukaas 15:29

Nɛɓa sɛŋk jumur ɛpɛna kɛ, 'Ijaagɗika kɔna a emeyi ɛtɛr oko sinik a ito eet laaŋoyen, kɛɛ sekiyɛɛkɛ sinɔ omoŋɔŋk sinɔkɔ sɔɔkaak. Nɛ seŋk aasi kinkɔta gaamit tɔɔn kemtoŋk a omoŋ kɛnɔta yaa eet a joop sigɛti porurk.

Lukaas 15:7

Tona kɔnaaŋ, oko sinik yaa burɛɛ Waakoyotoŋk agut iɗit sinɔ tikitank sinɔ omoŋɔŋk sinɔ ɗɛygeeɗ a weerik tikiyɛɛkɛ Waakoyotak a kaalɛ joop sigɔ mentaana taamɛkɛ Waakoyotoŋk sigɔ ki ɗɛyɛ sɛɛga a weerik tikiyɛɛkɛ Waakoyotak sigɔ pɔlpɔlɛ joop aŋank a aarin a tula aŋank.

Lukaas 16:15

Nɛɓa sɛŋk tonu sɛɛga kɛ, "Iinak ariir ɛɛk noŋk joope taamɛkɛ a mentaanakariŋ, mayakana ɗeger Waakoyot ɓayɛtun goŋkuŋ. Iɗit sinɔ eemɛyar joopk, somkan taamɛkɛ Waakoyotoŋk."

Lukaas 19:10

Agut sinɔ kusukan Tɔn Etoŋk kɛnɔ warɛ ɛ ebɔdɛ sigɛkan badɛrk."

Yowanis 9:34

Nɛɓa sɛɛk tonurgeeɗ kɛ, "Iin iɗit siniɓa ɓartɛɛ aɓa rɔmɛr tikiyɛɛk ɛɛk nɛɛk baŋɛk. Ɗɛyin a tin rɔɔriyinŋ?" Nɛɓa ɔɔyɛrki godeey tolɛɛɗoŋk Ayuuduk walasa.

Yowanis 9:40

Saaɓak joop Paarisik sigɛɓa atu Yeesee jɔkuk tiyɛrɓa sini, nɛɓa tonurgeeɗ kɛ, "Anɛ eteŋk ɓɔrɛ motak?"

Ijaag Wosɛytaanakoŋk 20:21

Joop Ayuuduk a sigɛ moko Ayuuduk waasaakan sɛɛga a ɓaŋkawuŋ kɛnɔ guugunyar anta sinɔɔna mentanŋɔŋk nɔ weerik Waakoyota nɔ ŋaadir Suumi naŋk Yeesee.

Ijaag Wosɛytaanakoŋk 26:20

Waasaakan jeemɛ nɛɛkɛ joopa sigaaga atu Dɛmaaskoweek, a ɓɔrɛ sigaaga atu ɗook Yorsaleemuk, a Yuudaak baŋɛ, a joop sigɛ moko Ayuuduk kɛnɔ weerik tikiyɛɛkɛ Waakoyota, ɛ kɛnɔ ijaagir any sinɔ ɗegerɗɛɛ kɛ weerikkɔ tikiyɛɛkɛ Waakoyotak.

Tiito 2:14

Gaɓɛɓa Yeese ɛɛk nɛɛk agut eteŋk kɛnɔ tin ebɔdɛ tikiyɛɛkɛ sigaagɛ ɓɛɛlɛrk, kɛnɔ tin ari a mentankii taamɛkɛ Waakoyotoŋk a eteŋk joop sigɔ pakattaanak sɛɛnak a ijaagii any sinɔ mentanŋɔŋk.