Markoos 16:19 - Kuumeet Sinɔ Tɔɔnuk Ad Majaŋeeroŋk

¹⁹ Saaɓa Suumi Yeese toniiɗ sɛɛga sinik baŋiya, nɛɓa ŋaar rakaaya nɛ kɛɛ dokuɗe ɗiɗikakɛ Waakoyotoŋk.

Markoos 16:19 Iomraidhean Croise

Markoos 16:20

Kaarɓa nomtaanak gɛɛnɛ rɔɔriya nyonitaak baŋɛ nɛɓa ijaagɗi Suumii a sɛɛg agut omoŋ. Ɓaŋkaawurɓa any sinɛ tonurk sɔɔriyɛɛkɛ sigɔɔgɛ ɓɔɔkaaŋɔŋk.]

Lukaas 22:69

Mayakana a tukiɗi sisɔ, Tɔɔn Etoŋk beeɗkɔɔ ɗiɗikakɛ Waakoyotoŋk nyon sinaanɛ lak ɓaŋkawukaak."

Lukaas 9:51

Saaɓa wɔɔŋkuɗ ɔɔtɛ sinɔ ŋaarɗi Yeese Dariyaak, nɛɓa yawɛ ɔɔtɛ sinɔ ŋaarɗi Yorsaleemak nɛ ŋaarŋ.

Yowanis 13:1

Arɓa ɔɔtɛ nɛɛkɛ Ba'aale Ɗoyiɗoŋk Ayuuduk ɔɗɔɔkɛ. Ɗegerɓa Yeese kɛ gayɛ sayiti sinɛkɔɔ ŋɔrɗu ɗoo sini nɔ ŋaarɗi son lak Ɛpɛnik. Poruɓa tekaaneer gɛɛŋk sigɛ atu ɗook sineenek ɓɛɛnyɔwɛ gɛɛŋk baŋɛ, ɛkoy poru sɛɛg nɔkoy mɛlɛɛɗa pediyaak.

Yowanis 16:28

Ŋaarkakan sooy lak Baabɛɛk nɛ mɛlka ɗooka sineena. Nɛkɔɔ ŋɔɗa ɗoo sini kɛkar nɛ ŋaara son lak Baabɛɛk."

Yowanis 17:13

"Kɔra saak sisɔ son lak iinik. Saa arkiɗa ɗook sineene raŋk, kɛnɔ yaaka naakɛ bɛɛlɛ adaktan sooy lak sɛɛgik agut any sinɛ waasaak.

Yowanis 20:17

Nɛɓa Yeese tongeeɗ kɛ, "Inka ŋaarin son lak Baabɛɛk, nɛ katti kumun, mayakana mak son lak manyaakak eetaak nɔ kɛɛɗin tonun sɛɛga kɛ, 'Ŋaaraakɔɔ saak son lak Baabɛɛ a Ɓaaɓa noŋkuk, son lak Waakoyo naak a Waakoyo noŋkuk.' "

Yowanis 21:15

Saaɓa ɗamiiɗik baŋiya, nɛɓa Yeese tonu Simion Petrosa kɛ, "Iin tɔɔn Yoonaak Simion, poruntu a kaalɛ sinɛti porurɗu joop sigikiŋ?" Nɛɓa sɛŋk jumurgeeɗ kɛ, "Ii, Suumi naakɛ. Ɗegerin seŋk kɛ poraaniŋ." Nɛɓa Yeese tongeeɗ kɛ, "Aawoyuta tɔɔmɔk jiŋkuyoŋk gaaŋk."

Yowanis 21:22

Nɛɓa Yeese tongeeɗ kɛ, "Ɔkɔn ɗɛyɛ a beeɗ nɔkoy mɛlkiɗaakiŋ mee iina jikon? Nomate seŋk."

Yowanis 6:62

Tɔɔn Etoŋk saakoy dɛnɛrɗɔ a weeri saanaɓa arkiɗiik nɛkoy toniir ɛk?

Ijaag Wosɛytaanakoŋk 1:22

a tukiɗi aadiit Yowanisik mɛlɛɛɗa ɓɛɛnyɔwa sinaanakan Suumi Yeese ŋaarɗi dariyaak. Iɗit sinɔ sɛɛn a eteŋk kɛnɔ waasii ŋaarin nɛɛk ret walasak."

Ijaag Wosɛytaanakoŋk 2:33

Nɛɓa sɛŋk ɓɔŋgɔɔrɛ ɛɛk rakaaya nɛ beeɗ ɗiɗikakɛ Waakoyotoŋk, nɛɓa boŋu Wɛɛŋa sigɔ Geetitaanakik sigɛɓa tongeeɗ Ɛpɛna Waakoyotuk kɛ gaɓaakoy naŋɔŋk nɛ gupatiki any sini dɛnɛɛrik a sini tiyɛɛrik.

Ijaag Wosɛytaanakoŋk 3:21

Beeɗ sɛŋk dari mɛlɛɛɗa nɔkoy ariiɗɛɛ ola baŋɛ a tɔɔmɔkuk, oko sinɛɓa toniiɗ Waakoyot jeemɛ joope gɛɛnɛ pɛrkaakoŋk sigɔɔgɛ geetitaanakik.

Roome 8:34

Wooɗ sinɛ goop sɛɛgik? Rɛrɓa sɛŋk Yeese Keresee nɛɓa ŋaarki ret bɔdɛɗaak, nɛ beeber ɗiɗikɛ Waakoyotoŋk, sinɛ kalɛyiɗi agut eteŋkik.

Kolasiis 3:1

Agut sinɔkan ŋaararkiɗɔ ret walasa a Keresee agut omoŋɔŋk, nɛ in ɗɛyɛɛ a ɓaŋkawuŋ ola sigɛ atu dari rakaayk sinaanɛ beeɗiiɗ Kerese ɗiɗikakɛ Waakoyotoŋkuk.

Omoŋ Timotiyoosuk 3:16

Ege sini obiiŋɔŋk dugtan ŋaadiyɛ gaŋkik sinɛ kiigiɗɛ koɓiiɗak a pɛɛyk. Yaaŋɛɓa Sɛŋk ɛɛk a sɛɛn iɗit, ɗegerɛɛɓa eekeer gɛɛŋk kɛ mentan taamɛkɛ Waakoyotoŋk Wɛɛŋakɛ, ɛɓa yaaŋɛ ɛɛk wosɛytaanaka Waakoyotoŋk, ɛɓa waasɛɛ joopa baŋɛ, ɛɓa ŋaadiɗiiɗ joop ɗookoŋk baŋɛ, ɛɓa ŋaar eemɛyɔɔn dariya.

Ibirawiyaan 1:3

Dakɛɓa Sɛŋk a rɔmɛ ɓɛɛlɛt Waakoyotoŋk sinɔ daktank a nyaalan eemɛyɔn nɛɛkik agut omoŋ. Aɓa titike any baŋɛ a gaamu Pɛɛnii nɛɛkɛ sinɔɔnɛ lak ɓaŋkawukaak. Nɛ saaɓa aadiiɗ tikiyɛ joopoŋk baŋiyak, nɛɓa dokuɗe dari ɗiɗikakɛ Waakoyo sinɛ lak ɓaŋkawukaak.

Ibirawiyaan 12:2

Koy mermenii Yeesee sinɛ tuktan ɛ pedtan ŋaadiyɛ gaŋkik, sinɛɓa ɓaŋkaawur oolaan laalawutant raŋk agut yaaka sinɛ arkun sɛɛne ɔɗɔɔkɛk, ɛɓa ki ikomiit daraayɛ rer laalawutant nɛɛkɛ raŋk, nɛɓa dokuɗe barsum Waakoyotoŋk goysa ɗiɗikik.

Ibirawiyaan 4:14

Koy gaamii ŋaadiyɛ gaŋk a ɓaŋkawuŋ agut sinɔ lakiɗii ɔɗɔwen tapa ŋaadiyɛɛkoŋk sinɔ obiiŋɔŋk sinɛɓa ŋaar dariyaak Yeesee Tɔɔn Waakoyotoŋk.

Ibirawiyaan 6:20

Ege sini nyon sinɛɓa guugunygeeɗ Yeese ɔɗɔɔkɛ agut eteŋkik. Dakɛɓa a sɛɛn ɔɗɔwen tapa ŋaadiyɛɛkoŋk a lak daaman oko tapaaɗikeen ŋaadiyɛɛkoŋk Mɛlkɛsedekik.

Ibirawiyaan 7:26

Sisɔ ɗɛyɛ tina ɔɗɔwen tapa ŋaadiyɛɛkoŋk, sinɔ eemɛyɛ dari ɛdɛɛnak sinɔ ito sinik, sinɔ geetitank, ɛ kɛɛ laaganyɛɛk, ɛ mentan, ɛ pakata tikitaanakɛɛk.

Ibirawiyaan 8:1

Ege sini toniik Pɛɛni obiika nɛɛk. Lakii ɔɗɔwen tapa ŋaadiyɛɛkoŋk sinɔ ɛtɛ oko sinikik sinɔɓa dokuɗe ɗiɗikakɛ Waakoyo sinɛ Obiik.

Ibirawiyaan 9:24

Kiɓa guugunyɔn Kerese rɔmɛɛɗa duukaanoy sinɔ eekerkank a Nyona sinɔɔna Geetitank sinɔɔnaɓa ijaagɛɛ ariit etoŋkuk, yakanaɓa guuguny sinaana ar darik kɛnɔ yaaŋɛ ɛɛk sisɔ taamɛkɛ Waakoyotoŋk agut eteŋk.

Omoŋ Petrosuk 3:22

Ŋaarɓa Sɛŋk dariya nɛ sisɔ ar ɗiɗikɛ Ɛpɛnaak ɓalɗigeeɗ wosɛytaana a ola sigɛ latu ɓaŋkawukaak a ɓaŋkawukaatak baŋɛ.