Markoos 16:17 - Kuumeet Sinɔ Tɔɔnuk Ad Majaŋeeroŋk

¹⁷ Joop sigɛ ŋaadiɗiik, latukoy ɓaŋkawuka sinɔ ijaagirɗi sɔɔriyɛ sigik, ɔɔyɛrkikoy wɛɛŋa sigɔ somkaanakik tiriyaakɛ gaanɛk, tonɗiikoy ad sinɔɔnɛ tɔɔnuk.

Markoos 16:17 Iomraidhean Croise

Markoos 9:38

Tonuɓa Yowanis Yeeseya kɛ, "Rɔɔriytaano, dɛniikɔ iɗit sinɔ ɔɔyku wɛɛŋa sigɔ somkaanakik tiriyaakɛ goonɛkik. Nɛkɔ tongiɗii kɛnɔ nyɛyɛɗ, agut sinɔ moko sɛɛn a eteŋk agut omoŋɔŋk."

Lukaas 10:17

"Nomtaanak sigɛ pɔlpɔlɛ joop jiitik a aarin pɛɛyk yaaɓa sɛɛgaŋ, nɛɓa weeriiki nɛ tonur Yeeseya kɛ, "Suumi naŋk, tiiɗi aasi tina wɛɛŋa sigɔ somkaanakik tiriyaakɛ goonɛk."

Yowanis 14:12

Eekeer tona kɔnaaŋ, iɗit sinɔ ŋaadi eetik, ijaagkoy any sinɛkan ijaagaakiŋ, ijaagkoy aasi a kaalɛ sini, agut sinɔ ŋaara saak son lak Baabɛɛk.

Ijaag Wosɛytaanakoŋk 10:46

Nɔɓa ɗegerarɗi kɛ gaɓɛɛkɔ Wɛɛŋa sigɔ Geetitaanakik joopa sigɔɔga moko Ayuuduk, tiyɛrɓa a tonɗi atutunɛ sigɔɔgɛ kɛɛ ɗegerɔɔnuk ɛ eemɛyar Waakoyo pɔɔsiyɛɛkɛ. Nɛɓa tonu Petros kɛ,

Ijaag Wosɛytaanakoŋk 16:18

Nɛɓa toton any sini a ɗoŋ ɓɔɔkaaŋ. Nɛɓa Paawuloos ŋadi nɛ kolɛnygeeɗiŋ, nɛ tonu wɛɛŋaka sigaaga somkaanakik kɛ, "Tona kɔna kɛ in ŋaarkɛɛ ete sineene tiriyaakɛ Yeese Kereseek!" Nɛɓa wɛɛŋa sigɛ somkaanakik ŋaarark sɛɛne sisa.

Ijaag Wosɛytaanakoŋk 19:6

Nɛ saaɓa Paawuloos riiɓeeɗ sɛɛge ari raŋk, nɛɓa worworiik sɛɛga Wɛɛŋa sigɔ Geetitaanakik raŋana, nɛ tonɗi atutunɛ sigɔɔgɛ tɔɔmɔkuk nɛ tuker toni pɛrkaakoŋk.

Ijaag Wosɛytaanakoŋk 2:33

Nɛɓa sɛŋk ɓɔŋgɔɔrɛ ɛɛk rakaaya nɛ beeɗ ɗiɗikakɛ Waakoyotoŋk, nɛɓa boŋu Wɛɛŋa sigɔ Geetitaanakik sigɛɓa tongeeɗ Ɛpɛna Waakoyotuk kɛ gaɓaakoy naŋɔŋk nɛ gupatiki any sini dɛnɛɛrik a sini tiyɛɛrik.

Ijaag Wosɛytaanakoŋk 5:16

Kurakɓa joop a ɓɔɔkaaŋ katamɛɛkɛ sigaagɛ atu Yorsaleeme tookɛtaak, nɛɓa ɗɔkarki gortaanak a joop sigɔ rakatɛr wɛɛŋakɛ sigɔɔgɛ somkaanakik nɛɓa bɔdɛr baŋɛ.

Ijaag Wosɛytaanakoŋk 8:7

Ŋaararkiɓa wɛɛŋa sigɔ somkaanakik joope a ɓɔɔkaaŋ a duriyer a ɗooruŋ. Bɔdɛrkiɓa nyɔŋtaanak a joop sigɔ kamarŋɔŋk a ɓɔɔkaaŋ.

Omoŋ Korontoosuk 12:10

ma gaɓɛr eta omalta ɓaŋkawuka sinɔ ijaagiɗ sɔɔriyɛɛk, ma eta omalta toni pɛɛni pɛrkaakoŋk, ma eta omalta oolan sinɔ pakatiiɗ Wɛɛŋa sigɔ Geetitaanakik a sigɔ somkaanakik, ma eta omalta toni atutunɛɛkɛ sigɔɔgɛ tɔɔmɔkuk, maɓɔrɛ eta omalta oolan sinɔ doomɛɗɛɛ sinɔ tonɛɛ atutunɛɛkɛ sigɔɔgɛ tɔɔmɔkuk.

Omoŋ Korontoosuk 12:28

Daamɓa Waakoyot godeey Sambatɛyoŋk joop a omoŋ omoŋ, tuki nɛɛkɛ wosɛytaanak, pɛɛyeene nɛɛkɛ joop pɛrkaakoŋk, jiiteene nɛɛkɛ rɔɔriytaanak, a joop sigɔ ijaagir sɔɔriyɛɛk, a sigɔ latu tigi ebɔdɛɛtoŋk, a joop sigɔ latu tigi sinɔ kɔnyɛɗɛɛ joopuk, a joop sigɔ latu oolan lowiiɗoŋk, pediya nɛɛka joop sigɔ latu oolan sinɔ tonɗiiɗɛɛ ad sinɔɔnɛ tɔɔnuk.

Omoŋ Korontoosuk 12:30

Ɛ latu tigi ebɔdɛtoŋk sɛɛg baŋɛ? Ɛ latu oolan sinɔ tonɗiiɗɛɛ ad sinɔɔnɛ tɔɔnuk sɛɛg baŋɛ? Ɛ latu oolan sinɔ doomɛɗɛɛ sinɛkɔ tonɛɛ ad sinɔɔnɛ tɔɔnuk sɛɛg baŋɛ?

Omoŋ Korontoosuk 13:1

Kɛygun aasi lakaaya oolan toni ad joopoŋk a wosɛytaanak Waakoyotoŋkuŋ, mayakana ɔkɔnte kɛɛ mɛyin, nɛ ito eet sokoroy a takawaas sinɔ ɗooruŋɔŋk.

Omoŋ Korontoosuk 14:2

Iɗit sinɔ tonɗi ad sinɔɔnɛ tɔɔnuk, tonɗi Waakoyota ma moko eta, agut sinɔ toniiɗ any sinɔ dugtan Wɛɛŋakɛ sigɔɔgɛ Geetitaanakik, nɛ kɛɛ iɗit sinɔ ɗeger pɛɛni sinɛ tonuk.