Markoos 16:15 - Kuumeet Sinɔ Tɔɔnuk Ad Majaŋeeroŋk

¹⁵ Tonuɓa sɛɛga kɛ, "In kɛɛɗɛ ɗoo baŋɛ, nɔ kɛɛɗɛ waasɛ Pɛɛni sini Bɛlkɛɛstank joopa baŋɛ.

Markoos 16:15 Iomraidhean Croise

Maatiyoos 28:19

Sisɔ in kɛɛɗɛɛ nɔ kaar ariir joop ɗookoŋk baŋɛ a nomtaanak nɔ aadiir sɛɛg tiriyaakɛ Ɛpɛn eteŋkaak a Tɔɔn nɛɛkik a Wɛɛŋa sigɔ Geetitaanakik,

Markoos 13:10

Ɗɛyɛ jeemɛ a waasɛ Pɛɛni sini Ɓɛlkɛɛstank ɗoo baŋɛ.

Yowanis 15:16

Mokokanti daamari iinak, makan kɔnu daama eet, suumakan kɔnu kɛnɔ ŋaarari nɔ kaar gaɓɛɛr taamɛ a ɓɔɔkaaŋ kɛnɔkoy beeɗir taamɛ sigɛ gaɓɛɛrik ɓɛɛnyɔwɛ gɛɛŋk baŋɛ. Nɛ any sinɛ kalɛyiir Baabɛye tiriyaakɛ gaanɛk baŋɛ gaɓɛkɔɔ kɔnaaŋ.

Yowanis 20:21

Nɛɓa tonu sɛɛga Yeese kɛkar kɛ, "Digoy kɔna. Wosɛyakɔɔ ɓɔra kɔnuŋ, oko sinɛkanti wosɛykiɗi Baabɛɛk."

Ijaag Wosɛytaanakoŋk 1:2

a inɓa ki ŋaarin dariya, ege sigi sekiyɛ sigɛɓa gaɓɛ sɛɛg Yeese Wɛɛŋakɛ sigɔɔgɛ Geetitaanakik baŋiyaak, nomtaanaka sigaagaɓa daam sɛɛgik.

Ijaag Wosɛytaanakoŋk 1:8

Mayakana saakoy kɔna kurakiɗ Wɛɛŋa sigɔ Geetitaanakik raŋanaak nɛkoy boŋiir ɓaŋkawuka, nɛkoy waasiɗiikar agut eet sinɔɔnɛ Yorsaleemuk, sinɔɔnɛ ɗoo Yuudaak baŋɛ, sinɔɔnɛ Sɛmaariyaak, mɛlɛɛɗa kɛntɛya ɗookoŋk."

Roome 10:18

Yakana kɔɔniyaaka kɛ kirɓa weenta? Tiyɛrɓa eekeerɛ oko sinɛ toniiɗ Wargatɛ Waakoyotoŋk kɛ, "Tiyɛɛɓa koŋgoy nɛŋk ɗoo baŋɛ, mɛlɛɓa any sinɛ tonurk kɛntɛya ɗookoŋk."

Roome 16:26

Sisɔ eekeer sigiɓa dugiɗiik dɛnɛɛkɔ sɛɛg kɛ ɗɔm wargatɛyɛɛkɛ joop pɛrkaakoŋk, kɛnɔkoy ŋaadir joop baŋɛ ɛ tiɗii Waakoyota sinaanakoy nɔkoy nɔkoyk.

Epesoon 2:17

Nɛɓa kus nɛ waasɛ Pɛɛni sinɔ Ɓɛlkɛɛstank bɔdɛɗoŋk iinaka sigaaga moko joop Ayuuduk sigaagaɓa yowɛrkarik a eteŋka sigaaga joop Ayuuduk sigaaga arkii jɔkuk.

Kolasiis 1:23

Nɔ ɓɛɛlɛɛɗ oko sinikik saa beeɗirɗɔ a nomɛrɗɔ ŋaadiyɛ goŋk sigɔ ɛtɛr nyon sinɔɔnɛ ɓaŋkawuŋɔŋk, a kiir wideeɗ ɛɛk ŋaadiyɛɛkɛ sigaagɛ kookorarik Pɛɛnii sinɔɔnɛ Ɓɛlkɛɛstank. Nɛ ege sini Pɛɛni sinɔ Ɓɛlkɛɛstank sinɛɓa tiyɛɛrik ɛɓa waasɛɛ olaata sigaaga atu ɗook raŋk, eet ɓɔrɛ Paawuloos sinɛkɔ daka a laaŋoyenk Pɛɛniya sineena Ɓɛlkɛɛstank.

Kolasiis 1:6

Mɛlɛɛrɓa sini son lak iinakik tuki nɛɛkɛ a tukiɗi saaɓa tiyɛrɗɔ kɛ ɗɔm Pɛɛni sinɛ Ɓɛlkɛɛstank kɛ ege wookan Waakoyotoŋk eekeerk nɛ gaɓɛ taamɛ ɛ ɓɔlɔɔrɛ ɗook raŋk, oko sinɛ gaɓɛɛɗ taamɛ ɛ ɓɔlɔɔrɛɗ iinakɛ kɔɔrk.

Omoŋ Yowanisik 4:14

Dɛniiɓa ɛ waasii kɛ wosɛykiɓa Ɛpɛna Tɔɔn nɛɛk a Ebɔdtan ɗookoŋkuŋ.

Dɛnɛɛ Pɛrka Yowanisik 14:6

Nɛkan mermenaaka nɛ dɛna wosɛytan Waakoyotoŋk om, sinɔ pire sinɔɔnɛ kɔɔr walɛ taama nɛɛkik, a lak Pɛɛni sinɔ Ɓɛlkɛɛstank sinɛkoy nɔkoy nɔkoyk, a waasɛ joopa, a komoyeera, a atutunɛɛka, a tuukaanaka baŋɛ sigaaga beeɗir ɗook raŋk.