Markoos 16:14 - Kuumeet Sinɔ Tɔɔnuk Ad Majaŋeeroŋk

¹⁴ Yaaŋɛɓa Yeese ɛɛk nomtaanaka gɛɛna sigɔɔga aarin a pɛɛyk, saaɓa atukuɗ ɗamatik. Goopɓa sɛɛg agut sinɔɓa ŋaadirɗi a balaaŋɔŋk. Kilararɓa ɓayɛtun gɛŋk nɛ kir ŋaadiit any sinɛɓa sɛɛga tonur joop sigɛkan dɛnɛrkik.

Markoos 16:14 Iomraidhean Croise

Maatiyoos 11:20

Gɔɔnyɛɓa Yeese joop katamɛɛ sigɛɓa ijaag sɛɛga sɔɔriyɛ sigɔ ɓɔɔkaaŋɔŋkuk, agut sinɔɓa kirkiɗ weeriit tikiyɛɛkɛ Waakoyotak aɓa tonu sɛɛga kɛ,

Maatiyoos 17:20

Nɛɓa sɛɛga Yeese tonu kɛ, "Eekeer tona kɔnaaŋ, agut sinɔ tekerkiɗ ŋaadiyɛ goŋkuk, ɔkɔn latukari ŋaadiyɛ sigɔ ito taama saanoykuŋ, ɛ toniir kurkuma sineena kɛ, 'Ŋaari seedi nɔ kɛɛɗin soonaŋ,' nɛ kɛɛŋ. Oolɛɛr any baŋɛ."

Maatiyoos 28:17

Saaɓa dɛnɛrɗik nɛ ugumergeeɗiŋ, ma joop a omoŋ omoŋ latugeeɗ koɓiɗak a pɛɛy.

Markoos 7:18

Nɛɓa sɛŋk jumur sɛɛga kɛ, "In kiir koɓiiɗ nɔ mɛlɛɛɗa sisɔwa? Kiir ɗegerɔɔn kɛ ɗama sinɛ gaɓɛ iɗit adak baŋɛ kɛɛ any sinɔ ari sɛɛn a somkank?

Lukaas 24:11

Yakanaɓa sɛɛg any sinɛ sɛɛga tonur jartiyatɔ sigɛk koɓur kɛ nyon, nɛ kir ŋaadiit.

Lukaas 24:25

Nɛɓa Yeese tonu sɛɛga kɛ, "Iinak sigi kiir koɓiitik a sigi gaalaakari ant sinaanɛɓa tonur joop pɛrkaakoŋkuk!

Yowanis 20:25

Nɛɓa nomtaanak sigɛ ɔgɔɔk tonurgeeɗ kɛ, "Dɛniikɔ seek Suumiŋ." Nɛɓa sɛŋk tonu sɛɛga kɛ, "Ɔkɔnkɔɔ kaa taanta saan kan malɛrgiɗɛɛ awɛykiŋ, ɛ ɔkɔnkɔɔ kiigiɗa gaamit pɔlpɔl naakiŋ, ɛ ɔkɔnkɔɔ kaa gaamit ari naak doosoya sinaana kooltuntkuŋ, nɛkɔɔ kaa ŋaadiit."

Yowanis 20:26

Ɗoŋikɛ sigɔɔgɛ tula jiitik baŋiya, atuɓa nomtaanak gɛɛnɛ godeey tak kɛkar. Maɓa ɓɔrɛ Toomaas a sɛɛg agut omoŋ. Aɓa ɓɛɛlɛr tugaater gɛɛnɛ a kortaanak, nɛɓa mɛlki Yeese nɛ ɛtɛ sɛɛge kɔɔr nɛ tonu sɛɛga kɛ, "Digoy kɔna."

Yowanis 20:27

Saadi baŋiya tonuɓa Toomaasa kɛ, "Gaɓa pɔlpɔl nook seena nɔ dɛnin arin gaaŋk. Gaɓa ari nook nɔ gaɓun kooltunta naaka. Ŋaada, ma kat ɓɛɛlin ane kɛɛ ŋaadiyɛ."

Yowanis 21:1

Saadi baŋiya yaaŋɛɓa ɛɛk Yeese nomtaanaka gɛɛna kɛkar Goroo sinɔɔnɛ obiiŋɔŋk kɛ Tibiriyadoosuk jɔk,

Yowanis 21:14

Ege sini dɛnɛɛ jiiteen nɛɛk sinɛɓa dɛnɛrɗi nomtaanak gɛɛnɛkik oko sinɛɓa ŋaarkiɗ Yeese ret walasak.

Ijaag Wosɛytaanakoŋk 1:3

Saaɓa Yeese laŋkiɗ rakatɛk baŋiya, nɛɓa yaaŋɛ sɛɛga ɛɛk a ɓɛɛlɛ wɛɛŋakɛ misikiriyɛɛkɛ sigɔɔgɛ ɓɔɔkaaŋɔŋk. Nɛɓa yaaŋɛ sɛɛga ɛɛk a ɗoŋ pɔlpɔlɛ joop pɛɛyk, nɛɓa rɔɔriya agut burɛ Waakoyotoŋk.

Omoŋ Korontoosuk 15:5

Ɛɓa yaaŋɛ Suumii ɛɛk Petrosa, nɛɓa ɓɔrɛ yaaŋɛ ɛɛk baŋiya joopa sigaagaɓa aarin a pɛɛyk.

Dɛnɛɛ Pɛrka Yowanisik 3:19

Koykoya ɛ goopa joop sigɛ poraakiŋ. Agut sini ɓaŋkaawurk ɛ weerikin tikiyɛɛkɛ Waakoyota.