Markoos 16:1 - Kuumeet Sinɔ Tɔɔnuk Ad Majaŋeeroŋk

¹ Saaɓa ɗoyiɗ waawuy Sambatɛyoŋk Ayuuduk baŋiya, Maariyam Mɛgdooluk a Sɛlomee a Maariyam sinɛ ɛmɛs Yaykoobak, ɓalirɓa reyaay sinɔ ŋaa yagaark kɛnɔ buker buusɛ Yeeseek.

Markoos 16:1 Iomraidhean Croise

Markoos 14:3

Saaɓa Yeese arkiɗ Bitaniyaake, woy Simion sinɛɓa lak dɔɔɓɔyk. Nɛɓa ar nyon ɗamatoŋk, nɛɓa widik ɛɛk jarti om son lak sɛɛnik a ɗɔku reyaay sinɔɓa ijaagɛɛ nardoosuk sinɔ obi gati nɛɛkɛŋɔŋk a ar belkaatii sinɔɔnɛ riyɛ kɛ albastirosuk a enyaaŋ. Nɛɓa ɓadɛyi belkaati nɛɛk nɛ gupatɛɛr reyaay nɛɛk Yeeseya ɔɗɔwa.

Markoos 14:8

Jarti sini ijaagkɔ any sinɛ oolɛkiŋ bukekɔ buusɛ naak reyaaye a in kɛɛ tɔkɔw.

Markoos 15:40

Lakɛɓa saadi jartiyatɔk sigɔɓa mermemenik a yowɛɛɗŋɔŋk sɛɛge kɔɔr ɓɛɛlɛrɓa Maariyam Mɛgdooluk, a Maariyam sinɛ ɛmɛs Yaykooba sinaana tɛmk ɛ ɛmɛs Yosaak, a Sɛlomee.

Markoos 15:42

Agut sinɔɓa kɔjururkuɗŋɔŋk egeɓa ɔɔtɛ nɛɛkɛ ragad a isiis waawuya Sambatɛyoŋk Ayuuduk.

Markoos 15:47

Maariyam Mɛgdooluk, a Maariyam sinɛ ɛmɛs Yosaak mermementarɓa soon kɛ kɔɔwɛɛ Yeesee eetik.

Markoos 16:2

Ɓɛɛnyɔ Sambatɛyoŋk romiɗ gibi ɔɔtɛse mɛlkiɗ waawuyk kaarɓa saana lak pii nɛɛkik.

Markoos 16:8

Nɛɓa jartiyatɔk sigɛ ŋaararki pii nɛɛkɛ a ɓuri a piiɗerŋ nɛ gonarŋ, agut sinɔɓa ɓuriiɗŋɔŋk nɛ kɛɛ iɗit sinɔɓa tonurgeeɗ any sinɔ balaaŋɔŋkuk.

Lukaas 23:54

Egeɓa ɓɛɛnyɔ nɛɛkɛ sinɔ ragadiiɗɛɛ ɛɛk waawuya Sambatɛyoŋk Ayuuduk.

Lukaas 23:56

Nɛɓa weeri nɛ kaar ragadir reyaay a diikuy agut buusɛ nɛɛk. Nɛɓa imiinyer waawuy Sambatɛyoŋk Ayuuduk oko sinɛɓa sekɛɛɗɛɛ higii Muuseek.

Lukaas 24:1

Boŋurɓa jartiyatɔ sigɛɓak reyaay sinɛɓa ragadirk, nɛ kaar romiɗ kuleet waawuy Sambatɛyoŋk saana lak pii nɛɛkik.

Yowanis 19:25

Ɛtɛtɛɗarɓa laalawutant sinaanɛɓa Yeeseek jɔk ɛmɛs a manya ɛmɛsa, a Maariyam jarti Kɛlɛyoopaak, a Maariyam Mɛgdooluk.

Yowanis 19:31

Egeɓa sinɛ waawuy sinɔ Ragadiɗɛɛ ɛɛk waawuya Sambatɛyoŋk Ayuuduk. Kirɓa ɗɛyɛ ɔɗɔwer Ayuuduk a atu joop sigɛɓa laalawɛɛk buusɛyɛ gɛŋk laalawutant raŋk Ba'aale Ɗoyiɗoŋk waawuy Sambatɛyoŋkuŋ. Nɛɓa kalɛyir Pilatoos kɛnɔ ŋuuŋulɛɛ derak joop sigɛkan laalawɛɛ sɛɛgik, kɛnɔ sɛɛg woorkɛɛ laalawutant nɛɛkɛ.