Markoos 14:41 - Kuumeet Sinɔ Tɔɔnuk Ad Majaŋeeroŋk

⁴¹ Mɛlkiɓa gut jiiteen nɛɛk son lak sɛɛgik nɛ tonu sɛɛga kɛ, "In ɗegagarari a in imiminyari kɛkar? Wɔɔŋku ɔɔtɛ nɛɛkɛkiŋ. Gaɓɛɛkɔɔ Tɔɔn Etoŋk ariita tikitaanakoŋk.

Markoos 14:41 Iomraidhean Croise

Maatiyoos 26:2

"Ɗegerari kɛ ɗoŋikɛ sigɔɔgɛ pɛɛy baŋiya Ba'aalkɔɔ Ɗoyiɗoŋk, gaɓɛɛkɔɔ Tɔɔn Etoŋk kɛnɔ laalawɛɛ."

Markoos 14:10

Nomtaanakɛ sigaagɛ aarin a pɛɛyk om, Askorotu Yuudaa kɛɛɓa son lak ɔɗɔweer tapa ŋaadiyɛɛkoŋkuk kɛnɔ gaɓɛ Yeesee.

Markoos 14:18

Saaɓa atukuɗ ɗamatik, nɛɓa Yeese tonu sɛɛga kɛ, "Eekeer tona kɔnaaŋ, iinakɛ sigeege ɗamikii sisɔ seedik gaɓɛkɔɔtu iɗit omaayiŋ."

Markoos 14:35

Wideɓa sɛɛge ɛɛk a yowɛɛɗ a balaaŋ, nɛ supke tepeen nɛɛkɛ ɗoo nɛ ɗanɗama kɛnɔ ɔkɔn gayɛŋ kɛnɔgun ɗoyiɗ ɔɔtɛ sinɛ rakatɛyoŋk.

Markoos 14:40

Saaɓa weeriikiɗ kɛkar son lak nomtaanak gɛɛŋkik latuɓa ɗoŋ taamɛkɛ nɛɓa laŋki sɛɛg ma ɗeegarariŋ. Nɛɓa kir ɗegerɔɔn kɛ tonurgeeɗ ɛk.

Markoos 14:42

In ŋaarɛɛ raŋana koy ŋaarii. Ɔsɔ iɗit sinɛkɔɔtu gaɓɛk wɔɔŋkuŋ."

Markoos 7:9

Tonuɓa sɛɛga Yeese kɛkar kɛ, "Ŋɔɗari sekiyɛ Waakoyotoŋk agut koorɛɛt barɛ noŋkuk.

Markoos 9:31

Ɗɛyɛɓa Yeese rɔɔriyɔɔna nomtaanak gɛɛŋk, nɛɓa tonu sɛɛga kɛ, "Gaɓɛɛkɔɔ Tɔɔn Etoŋk ariita joopoŋk. Nɛkɔɔ sɛɛk ɓokoturŋ, mayakana saakɔɔ ɓokotiiɗɛɛk baŋiya, ŋaarkikɔɔ ɗoŋikɛ sigɔɔgɛ jiitik."

Yowanis 12:23

Nɛɓa Yeese tonu sɛɛga kɛ, "Gayɛkɔ sayiti sinɔ eemɛyɗɛɛ Tɔɔn Etoŋkuŋ.

Yowanis 12:27

"Sisɔ sanɗi wɛɛŋa gaanɛŋ jɛt. Anɛ ɗanɗamaaka kɛ, 'Iin Baabɛɛ naak, koolutu sayitii sineeneŋ'? Yakana kat. Agut sinɔ kan kusuɗa agut sayiti sini rakatɛyoŋk.

Yowanis 17:1

Saaɓa Yeese toniiɗ sinik baŋiya, nɛɓa ɓɔŋgɔɔrɛ ɛɛk nɛ dɛnɗi dariya nɛ ɗanɗama kɛ, "Iin Baabɛɛ, gayɛkɔ ɔɔtɛ nɛɛkɛɛŋ. Kɛnɔnu eemɛy Tɔn nookɛ eemɛyi Tɔɔn nook,

Yowanis 7:30

Saaɓak ɗɛyɛrkɛɓa gaamita, yakana agut sinɔɓa kiiɗ gayɛɛ ɔɔtɛ nɛɛkɛkik nɛ kɛɛ iɗit sinɔɓa gaamɗiik.

Yowanis 8:20

Tonuɓa Yeese pɛɛni sini saaɓa rɔɔriyaaɗ Godeey sinaanɛ Geetitank, sanduke sinaanɛ gagaɓguɗɛɛ worik jɔkuk. Kɛɛ iɗit sinɔɓa gaamu sɛɛnik agut sinɔɓa kiiɗ ɔɔtɛ nɛɛkɛ gayɛɛk.

Ijaag Wosɛytaanakoŋk 7:52

Wooɗ sinɛɓa ɔrɛyak goŋk kir epaayɛk joope pɛrkaakoŋk kɔɔrk? Ɓokootarɓa sɛɛk joop sigɛɓa waasɛr mɛlɛɛ Iɗit sinɛ mentan taamɛkɛ Waakoyotoŋkuŋ, maɓɔrɛ sisɔ gaɓɛɛrkɔɔ Iɗit sini mentan taamɛkɛ Waakoyotoŋkuk nɛ ɓokotiiriŋ.