Markoos 14:21 - Kuumeet Sinɔ Tɔɔnuk Ad Majaŋeeroŋk

²¹ Rɛrkɔɔ Tɔn Etoŋk oko sinɛɓa taapɛɛɗɛɛ Wargatɛɛ Waakoyotoŋk agut sɛɛnik. Mayakana durikɔɔ eta sinaanakɔɔ gaɓɛ Tɔɔn Etoŋkuk. Iɗit sinɛ dɔɔs a gunɓa kɛɛ ɓartɛɛt.

Markoos 14:21 Iomraidhean Croise

Maatiyoos 26:54

Nɛ ɔkɔn ɓɛɛlɛ oko sinikiŋ, nɛ dusanɛɛ pɛɛni sinɛɓa taapɛɛ Wargatɛɛ Waakoyotoŋk kɛ laŋkikoy rakatɛk ɛk?"

Maatiyoos 26:56

Mayakana nɔ ɓɛɛlɛɛɗ sini baŋɛk kɛnɔ dusanɛɛ sinɛɓa waasɛr joop pɛrkaakoŋk Wargatɛɛ Waakoyotoŋk." Saaɓak ŋɔɗarɓa nomtaanak gɛɛnɛ baŋɛ nɛ gonarŋ.

Markoos 14:20

Nɛɓa Yeese tonu sɛɛga kɛ, "Iinakɛ sigeege aarin a pɛɛyk om, sɛɛn sinɛ gaɓii ari lɔkɔya takana a eet agut omoŋɔŋk.

Markoos 14:22

Saaɓa ɗaɗamiiɗik, nɛɓa Yeese ɓɔŋgɔɔrɛ kiiwu nɛɛk nɛ geeti, nɛ ŋapati nɛ gaɓɛ nomtaanaka gɛɛna nɛ tonu sɛɛga kɛ, "Iyook. Ege sini buusɛ naak."

Markoos 14:49

Ma kanti kiir gaamit saakan rɔririyiɗa ɓɛɛnyɔwɛɛkɛ gɛɛnɛ baŋɛ Godeey sinaanɛ Geetitank, mayakana nɔ ɓɛɛlɛɛɗ sinik kɛnɔ dusanɛɛ sinɛɓa taapɛɛ Wargatɛɛ Waakoyotoŋkuk."

Lukaas 22:22

Tɔɔn Etoŋk oko sinɛɓa toniiɗɛ jeemɛk ŋaarkɔɔ reta, mayakana duri kɔɔ eta sinaanakɔɔ gaɓɛ sɛɛnik."

Lukaas 24:44

Nɛɓa sɛŋk tonu sɛɛga kɛ, "Saakan eet a iinakik pɛɛni naak sinɛkan kɔna tona kɛ any sinɛɓa taapɛɛ Higii Muuseek, a Pɛrkaakɛɛk, a Iiliyakɛɛk ɗɛyɛ a dusanɛɛŋɔŋk. Sɛɛn sini."

Yowanis 19:28

Saadi baŋiya ɗegerɓa Yeese kɛ dusanɛɛkɔ any baŋɛ, nɛɓa tonu kɛ, "Laka paar," kɛnɔ dusanɛɛ pɛɛni sinɛɓa taapɛɛ Wargatɛɛ Waakoyotoŋkuk.

Ijaag Wosɛytaanakoŋk 1:25

yaaŋ tina iɗit sinɛkɔɔ boŋu nyon Yuudaak sinɛkɔ ŋɔr ijaag nɛɛk wosɛyɛɛtoŋk saakɔ ŋaarɗi nyona nɛɛkaakik."

Ijaag Wosɛytaanakoŋk 2:23

Gaɓɛɛɓa Yeesee ariita noŋk koɓiiɗ Waakoyotoŋk sinaanɛɓa ɗeeŋk, a ɗegerɔɔn nɛɛkɛ, nɛɓa laalawari ariit joop sigɔ ŋɛɛwɛŋɔŋk nɛ ɓokotiiriŋ.

Ijaag Wosɛytaanakoŋk 4:27

"Eekeerɛ Herodis, a Pentenawi Pilatoos tolɗiɓa a joop sigɔ moko Ayuuduk, a joop Israeelik katamɛɛ sineene Yorsaleemuk, nɛ ŋaarar raŋana koɓiiɗ sinɔɔnɛ ŋɛɛwɛnŋɔŋk, ijaagente nookɛ Yeesee sinaanɛ geetitank sinaanɛkan ɗonyunk.