Markoos 13:9 - Kuumeet Sinɔ Tɔɔnuk Ad Majaŋeeroŋk

⁹ "In koorɛɛ ɛɛk. Gaɓɛrkoy kɔnu joop pirdiya. Ɗiŋerkoy kɔnu sinɔɔnɛ godeyi tolɛɛɗoŋk Ayuuduk. Ɛtɛɛrkoy pirdiya taamɛkɛ ɗumaag ɗookak a suumiyɛɛkoŋk agut eet kɛnɔkoy dakɛɛr a misikiriyɛ.

Markoos 13:9 Iomraidhean Croise

Maatiyoos 5:22

Yakana saak tona kɔna kɛ, ɔkɔn goopun masookoy sɔkɔn diilɛɛ kɔɔnu higiya. Ɔkɔn nyɔɔnun iɗit kɛ, 'Iin badtanŋ' guugunyunkɔɔ pirdiya joop sigɔ gaɓɛr woorank. Ɔkɔn nyɔɔnakin kɛ, 'Iin gaagɛŋ' koorɛni pirdi maɗ siiooluk.

Markoos 1:44

"Kooru ɛɛk a kat lakɛ iɗit sinɔ tonguɗun any sinik, mayakana mak nɔ kɛɛɗin yaaŋin ɛɛk nook tapaɗa ŋaadiyɛɛkoŋk, kɛnɔkoy dakɛ a misikiri joopa baŋɛ, mak nɔ kɛɗin widikin uduuŋeet sinɛɓa tonu Muuse agut bɔdɛ nookuk."

Markoos 13:5

Nɛɓa Yeese jumur sɛɛga kɛ, "In koorɛɛ ɛɛk kɛnɔ mokoy kɔnu ari iɗit omaay a badɛɛriŋ.

Markoos 13:8

Ŋaararkoy joop joope raŋk a maŋgisti maŋgistii raŋk nɛ kaararŋ. Lakɛkoy ŋaawu a yike ɗookoŋk nyonitaakɛ sigɔɔgɛ ɓɛɛlɛr kundiyaakɛk. Ege sini baŋɛ rakatɛ tuktan nɛɛk sinɔ ito suusuwi amɗ ɓartɛɛtoŋk.

Markoos 6:11

Ɔkɔn lakɛ nyon omalte iɗit sinɔ kɔnu ki boŋiiɗ maŋk ki kɔna geleewɛɛtkiŋ, nɛ in tɛntɛŋɛɛrɛ duudur sinɛ latukari derakɛk saa ŋaararkiɗɔ saadik. Dakɛkoy sɛɛga sini a misikiri rɔɔrɔkɔɔnoŋk."

Lukaas 9:5

Kɛygun wooɗ ɔkɔn kɔnu ki boŋiiɗiŋ, nɛ in tɛntɛŋɛɛrɛ duudur sinɛ latukari derakɛk saa ŋaararkiɗɔ saadik. Dakɛkoy sɛɛga sini a misikiri.

Yowanis 15:20

In koɓukɛɛ any sinɛkan kɔna tona kɛ, 'Ijaagen ki kaalɛt suumi nɛɛkik.' Ɔkɔnkanti epaayarŋ, nɛkɔɔ ɓɔrɛ kɔnu epaayarŋ. Ɔkɔnkan koorɛr pɛɛni naakiŋ, nɛkɔɔ ɓɔrɛ koorɛr pɛɛni noŋkuŋ.

Yowanis 16:2

Boŋurkukoy kɔnu godeyikɛ tolɛɛɗoŋk Ayuuduk walasa nɛ kɔnu ɔɔyɛrŋ. Oko sinɛk mɛlkikoy ɔɔtɛ sinɔ joop sigɛ kɔnu ɓokootark baŋɛ arirɗi ɛɛk a ito joop sigɔ ijaagɗi Waakoyotaak.

Ijaag Wosɛytaanakoŋk 21:11

Nɛɓa sɛŋk widiki tina ɛɛk nɛ boŋu teeɓɛ Paawuloosuk nɛ korkor arin gɛɛŋk a derak gɛɛŋk nɛ tonu kɛ, "Tonur Wɛɛŋa sigɔ Geetitaanakik kɛ, 'Korkoɗarkɔɔ joop Ayuuduk sigɛ atu Yorsaleemek ɗumaat teeɓɛya sineena oko sinik nɛkɔɔ gaɓɛr joopa sigaaga moko Ayuuduk.' "

Ijaag Wosɛytaanakoŋk 7:54

Saaɓa tiyɛrɗi joop sigɛ gaɓɛr woorank any sinik, nɛɓa ŋadirŋ jɛt a dɛɛta taamɛ gɛŋk.

Ijaag Wosɛytaanakoŋk 9:16

Yaaŋgiɗakɔɔ kɛ ɗɛygeeɗ a laŋk rakatɛ sinɔ ɛtɛ ɛkik agut sinɔ rɔɔriyɗi joop tiriyaakɛ gaanɛkik."

Pilipisiyoos 1:29

Gaɓɛɛkan kɔna wookan sini agut Keresee, nɔɓɔrɛ laŋirkɔ rakatɛ agut sɛɛniŋ. Ma moko kɛnɔ ŋaadiɗiikari sɛɛne dakɛɗa.

Pɛɛyeen Tɛsɛlonkeek 1:5

Yaaŋɛ sini sinɔ kɛ ɓɛɛlɛ pirdi Waakoyotoŋk kɛ ɗɔmk. Ɛɓɔrɛ iinak sigɛkan laŋirkɔ rakatɛ agut sɛɛnik oko sinik, gayɛɛrkɔɔ burɛya Waakoyotoŋkuŋ.

Pɛɛyeen Yowanisik 1:8

In koorɛɛ ɛɛk kɛnɔ mokoy kɔne badɛ any sinɛɓa ijaagiirik, ɛ kɛnɔkoy laŋiir gati any sinɛɓa ijaagɗigiɗɔɔk.

Dɛnɛɛ Pɛrka Yowanisik 1:9

Eet masookoy noŋk Yowanis, sinɛ eet kaastan rakatɛ nɛɛk a burɛ nɛɛk, a ɓaŋkaawurɔn oolaanik Yeese Kereseek a iinak agut omoŋ, arkaakan asuulɛɛ sinɔɔnɛkan riyɛ kɛ Pitmook agut Pɛɛni Waakoyotoŋk a waasiyɛ Yeeseek.

Dɛnɛɛ Pɛrka Yowanisik 2:10

Kat ɓurun rakatɛ sinɛkɔɔna mɛlkik. Dɛnko, gaɓɛkɔɔ kɔnu setan a omoŋ omoŋ godeya korkoɗɔɔnoŋk kɛnɔ kɔnu paariɗ, nɛkɔɔ laŋirkɔ rakatɛ a ɗoŋ aarin. In iin eekerkan kɛygunnu arkaayɛ a ito rɛɛrin, nɛkɔɔna gaɓa dooroy eemɛyɔɔnoŋk wɛɛŋakoŋk.

Dɛnɛɛ Pɛrka Yowanisik 2:13

Ɗegera kɛ arkin nyon sinɔɔnɛ arkiɗ barsum setanik. Kɛygun ɓɛlkɛ oko sinikiŋ, gaamunkan tiriya gaaŋk a ɓaŋkawuŋ, ɛkan kin kaadɛt ŋaadiyɛ sigɛ lakin eetek aasi ɓeny sinaanɛkan ɓɛɛlɛɛɗ Antipaas sinɛkan waawas eetik, a ŋaadɛɛŋɔŋk, sinɛkan ɓokotɛɛ iinakɛ kɔɔruk, nyon sinaanɛ beeɗiɗ setank.