Markoos 13:27 - Kuumeet Sinɔ Tɔɔnuk Ad Majaŋeeroŋk

²⁷ Wosɛykikoy wosɛytaanak gɛɛŋk, nɛkoy tolɛr joop sigɛɓa daamɛɛ sɛɛg sɛɛnak gɔɔteerɛ sigeege aŋank a tukiɗi kɛntɛɛ ɗookoŋk nɔ mɛlɛɛɗa kɛntɛya dariyoŋk.

Markoos 13:27 Iomraidhean Croise

Maatiyoos 12:42

Waawuy sinaanɛkoy pirdiyoŋk suumi Saabaa ŋaararkikoy raŋana a joop eme sinik nɛ pɛrɛdɛr sɛɛneŋ, agut sinɔ kusɓa kɛntɛɛ ɗookoŋk kɛnɔ tiyɛ ɗegerɔn ɛɛkoŋk Salamoonuk. Ɓɛɛlɛ seedi iɗit sinɔ kaalɛ Salamoonuk.

Maatiyoos 13:41

Wosɛykikoy Tɔn Etoŋk wosɛytaanak gɛɛŋk, nɛkoy sɛɛk boŋiitar joop sigɛ arir joop ɔgɔ a tikiɗiiŋɔŋk a joop sigɔ ijaagir ola sigɔ ŋɛɛwɛɛŋɔŋk baŋɛ burɛɛ nɛɛkɛ walasa.

Maatiyoos 13:49

Pedi ɗookoŋk ɓɛɛlɛkoy oko sinik. Mɛlɛrkikoy wosɛytaanak Waakoyotoŋk, nɛ pakatirki tikitaanak joope sigaagɛ mentaana taamɛkɛ Waakoyotoŋkuk.

Maatiyoos 24:22

Ɔkɔnkoy ɗoŋ sigɛ kir dinykaŋ, gunkoy kɛɛ iɗit sinɔ bɔdɛk. Yakanakoy dinyatuŋ ɗoŋi sigɛŋ agut joop sigɛɓa daam Waakoyotuk.

Maatiyoos 24:24

Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ, arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Maatiyoos 24:31

Sɛɛn wosɛykikoy wosɛytanaak gɛɛŋk a ɗooran luuri sinɔ obiiŋɔŋkuk, tolɛrkoy joop sigɛɓa daamɛɛ sɛɛgik gɔɔteerɛɛ sigaagɛ aŋank dari kɛntɛɛ goy omalte nɔ mɛlɛɛɗa kɛntɛya gɔɔta omalta.

Markoos 13:20

Ɔkɔnkoy Waakoyot ki ariiɗ ɗoŋi sigɛ a dinyatuŋ, gunkoy kɛɛ iɗit sinɔ bɔdɛk ara. Yakanakoy dinyatu ɗoŋi sigɛŋ agut joop sigɛɓa daamɛɛ sɛɛgik.

Markoos 13:22

Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Markoos 13:28

"In kɔna dakɛ rɔmɛ kɛɛt bɛlɛɛsik a rɔɔriyɔn. Saa beetiyerɗi rɛkɛnak gɛɛnɛkik ɛ ligimerɗi peeŋɔk gɛɛnɛkik, nɛ sisa ɗegerari kɛ wɔɔŋku baŋgi.

Lukaas 16:22

Nɛɓa iɗit sinɛ sankank rɛrŋ nɛ diiler wosɛytaana Waakoyotŋk kokoma Abrahamuk. Nɛ ɓɔrɛ iɗit sinɛ lak worik rɛrŋ nɛ kɔɔwɛɛŋ,

Lukaas 18:7

Joop Waakoyotoŋk sigɛ duriyer sɛɛna kaay a waawuyk ki sɛɛg tɔkɔny? Beeɗ Waakoyot kɛ many?

Yowanis 10:16

Laka jiŋkuyɛ ɔgɔ sigɔ moko atu keer sineenekiŋ. Nɛta ɗɛyɛ a ɓɔrɛ ɗɔka sɛɛgiŋ. Tiyɛr sɛɛk wɛɛŋa gaaŋkiŋ. Ɓɛɛlɛrkɔɔ a pony omoŋ, egekɔɔ koortan nɛŋk omoŋ.

Yowanis 11:52

Mokokoy rɛr agut joop sigɛ ɓɔɔkaak dakɛɗa, ma kɛnɔ ɓɔrɛ tolɛ tɔɔmɔk Waakoyotoŋk sigɛɓa kɛɛtiɗiik agut omoŋ.

Roome 8:33

Wooɗ sinɛ daariyɗi joopa sigɔɔgakan daam sɛɛg Waakoyotuk? Sɛɛn Waakoyo sinɛ ari sɛɛg a mentaana taamɛkɛ Gɛɛnɛkik.

Kolasiis 3:12

Iinak joop Waakoyotoŋk sigɔ geetitaanakik sigɛɓa kɔnu poru nɔɓa kɔnu daam ɛɛka nɛɛkaakik, agut sini in kadɛɛ sinɔ kɔna sanɗiiɗ joopk, a mentanka, a rikiteet ɛɛkoŋk, leemikeen, a ɓaŋkaawurɔɔn oolaanik.

Pɛɛyeen Tɛsɛlonkeek 2:1

Iinak manyaakak eeta sigɛ dooytaanakik, lakɛ any sinɔ kɔnu kalɛygiɗiiŋɔŋk, tonii kɔna agut mɛlɛ Suumi naŋk Yeeseek, ɛ agut sinɛkoy tolɗiitarkiɗii son lak sɛɛnik nɛkoy lalaŋiiɗik.

Pɛɛyeen Timotiyoosuk 2:10

Agut sini ɓaŋkaawura ant baŋɛ agut joop sigɛɓa daam sɛɛg Waakoyotuk kɛnɔ laŋir bɔdɛ a eemɛyɔɔn sinɛkoy nɔkoy nɔkoyk sinɔ laŋɛɛ goy Yeese Kereseek.

Omoŋ Petrosuk 1:2

Daamɓa kɔnu Baabɛ Waakoyot jeemɛ koɓiiɗ nɛɛkɛ sinaanɛɓa gaamuk, iinak sigɛɓa kɔna wasanɛɛ yɛrom Nɛɛk kɛnɔ tiiɗikari Yeese Kereseyaak sigɛɓa kɔnu geetɛɛ Wɛɛŋakɛ sigɔɔgɛ Geetitaanakik kɛnɔ kɔnu ŋaɗɛɛk. In kɔna obulur wookaan a bɔdɛ.