Markoos 13:22 - Kuumeet Sinɔ Tɔɔnuk Ad Majaŋeeroŋk

²² Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Markoos 13:22 Iomraidhean Croise

Maatiyoos 24:24

Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ, arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Maatiyoos 7:15

"In koorɛɛ ɛɛk joope pɛrkaakoŋk sigɔɔgɛ nyonkaanakik. Mɛlɛrki sɛɛk iinaka a gayi ɛɛkan gɛŋk a jiŋkuyɛ, ma takana gɛŋk ito tuwookak sigɔ ɗamiiŋɔŋk.

Markoos 13:21

Saakoyk ɔkɔnkoy kɔna tonu iɗit omaay kɛ, 'Isi Keresee seedi!', maŋk 'Ɔsɔ sooyk!', kat ŋaadɛɛ.

Markoos 13:23

In koorɛɛ ɛɛk, tonaɓa kɔna any baŋɛ jeemɛŋ.

Markoos 13:6

Mɛlɛrkikoy joop a ɓɔɔkaaŋ tiriyaakɛ gaanɛ kɛ, 'Eet Keresee!' Arirkoy joop a ɓɔɔkaaŋ a badɛrŋ.

Yowanis 4:48

Nɛɓa Yeese tongeeɗ kɛ, "Iinak ɔkɔn kiir taanta sɔɔriyɛ a ola sigɔ reemɗi ɓayɛkiŋ nɛ kiir ŋaadiɗiit."

Pɛɛyeen Timotiyoosuk 2:19

Yakana beeɗ nyon sinɔ ɓaŋkawuŋɔŋk Waakoyotoŋk sinɔkoy ki ɓeesiɗiitik sinɔ lak dikoyk sinɔ tonu Wargatɛ Waakoyotoŋk kɛ, "Ɗeger Suumii joop sigɔ gɛɛŋkiŋ," ɛɓɔrɛ "In yowɛɛɗirar tikiyɛɛkɛ joop sigɛ riyar tiriya Suumiyoŋk baŋɛ."

Omoŋ Yowanisik 2:18

Iinak tɔɔmɔk, wɔɔŋku ɔɔtɛ pedtan ɗookoŋk. Tiyɛɛrɓa sinɛɓa tonɛɛ kɛ, "Mɛlkikoy iɗit sinɔkoy ɓooyu Kereseekiŋ," ŋaararkikɔ sisɔ joop sigɔ ɓooyur Kereseek a ɓɔɔkaaŋ. Agut sini ɗegerii kɛ ege sini sayiti sinɛ pedtank.

Omoŋ Yowanisik 2:19

Ŋaartarɓa sɛɛk eteŋkɛ kɔɔr, mayakana mokoɓa sɛɛk jeemɛ tekaaneer gaŋk. Ɔkɔnɓa sɛɛk tekaaneer gaŋkiŋ, gunɓa ɓaŋkaawurar nɛ beeɗir a eteŋk agut omoŋ. Yakanaɓa pakatir ɛɛk eteŋkɛ kɛnɔ ɗegerɛɛ kɛ mokoɓa sɛɛg tekaaneer gaŋk.

Omoŋ Yowanisik 2:26

Taapɛɛra kɔna sini agut joop sigɔ kɔnu raaramarŋɔŋk.

Dɛnɛɛ Pɛrka Yowanisik 13:8

Ɛ koy ugumer joop sigɛ beeɗir ɗook raŋk baŋɛ keegunta nɛɛka. Ege sigi joop baŋɛ sigɛkan kɛɛ taapɛɛt tiriya gɛŋk Wargatɛya Wɛɛŋakoŋk Jiŋkuy sinɛɓa ŋɔɔlɛɛk a tukiɗi saaɓa riiɓeeɗɛɛ ɗook.

Dɛnɛɛ Pɛrka Yowanisik 17:8

Keegun sinɛkan dɛnink ɓɛɛlɛɓa jeemɛŋ, ma kɛɛ sisɔ ara, makoy ŋaark baŋiya utul sinɔɔnɛ kiidɛ sukuk nɛkoy kɛɛ badɛɛɗa. Joop ɗookoŋk sigɛɓa kɛɛ taapɛɛt tiriya gɛŋk wargatɛya wɛɛŋakoŋk a tukiɗiik saaɓa riiɓeeɗɛɛ ɗook, nɛkoy reemɗi ɓayɛtun gɛŋk saakoy dɛnɛrɗi keegun nɛɛkik, agut sinɔɓa ɓɛɛlɛɛɗ jeemɛ ma kɛɛ sisɔ makoy mɛlki ɔɗɔɔkaaŋɔŋk.