Markoos 13:11 - Kuumeet Sinɔ Tɔɔnuk Ad Majaŋeeroŋk

¹¹ Saakoy kɔnu gaɓerɗi joop pirdiyak, kat ɓakɛyɗiikari agut any sinɛkɔɔ toniirik. In koy tonɛɛ any sinɛkoy kɔna gaɓɛ Waakoyotuk. Mokokoy tonɗiikari iinak, makoy tonɗi Wɛɛŋa sigɔ Geetitaanakik.

Markoos 13:11 Iomraidhean Croise

Maatiyoos 10:17

In koorɛɛ ɛɛk, agut sinɔ gaɓɛrkoy kɔnu joop pirdiya godeya pirdiyoŋk ɛkoy kɔnu ɗiŋer sinɔɔnɛ godeyi gɛŋk tolɛɛɗoŋk Ayuuduk.

Markoos 13:12

"Gaɓɛkoy iɗit manya reta, gaɓɛkoy iɗit tɔɔn nɛɛk reta. Kirkoy tɔɔmɔk tiiɗit ɛpɛnaakaka a ɛmɛsaakaka arirkoy a ɓokootɛ sɛɛgiŋ.

Markoos 13:9

"In koorɛɛ ɛɛk. Gaɓɛrkoy kɔnu joop pirdiya. Ɗiŋerkoy kɔnu sinɔɔnɛ godeyi tolɛɛɗoŋk Ayuuduk. Ɛtɛɛrkoy pirdiya taamɛkɛ ɗumaag ɗookak a suumiyɛɛkoŋk agut eet kɛnɔkoy dakɛɛr a misikiriyɛ.

Lukaas 21:12

"Mayakana a in ki gayɛ sini, gaagamarkoy kɔnu joopuŋ epapayarkoy kɔnuŋ. Gaɓɛrkoy kɔnu godeya tolɛɛɗoŋk Ayuuduk a godeya korkoɗɔɔnoŋk. Diilerkoy kɔnu son lak tapa a ɗumaag ɗookak agut tiriya gaaŋk.

Yowanis 3:27

Nɛɓa Yowanis jumur kɛ, "Kɛɛ iɗit sinɔ oolɛ a laŋi any omk ɔkɔn moko gageeɗ Waakoyo dariyoŋk."

Ijaag Wosɛytaanakoŋk 2:4

Nɛɓa enyɛɛri Wɛɛŋakɛ sigɔɔgɛ Geetitaanakik sɛɛg baŋɛ, nɛɓa tuker a tonɗi atutunɛ ɔgɔɔkɛ oko sinɛɓa sɛɛga gaɓɛrɗi oolan nɛɛkik Wɛɛŋa sigɔ Geetitaanakik.

Ijaag Wosɛytaanakoŋk 3:13

Waakoyo ɔrɛyak gaŋkik, Waakoyo Abrahamuk, a Isiyaakik, a Yaykoobuk, eemɛyɓa Tɔɔn nɛɛk Yeeseeŋ. Yakanakan sɔɔk gaɓɛɛr kɛnɔ ɓokotɛ, ɗɛykɛkan sɛŋk Pilatoos kɛnɔ gun ŋɔɗuruɗ nɛkan toniir taamɛkɛ Pilatoos kɛ, 'Kii ɗɛyɛɛ.'

Ijaag Wosɛytaanakoŋk 4:31

Saaɓa ɗanɗamaaɗik baŋiya, nɛɓa yikiɗi saanɓa atukuɗukuŋ. Nɛɓa enyɛɛri Wɛɛgakɛ sigɔɔgɛ Geetitaanakik sɛɛg baŋɛ, nɛɓa waasɛr pɛɛni Waakoyotoŋk a kir ɓuriit.

Ijaag Wosɛytaanakoŋk 6:10

Yakanaɓa kir oolɛ a sɔɔkɛr ɗegerɔn a Wɛɛŋa sigɛkan totoni Istipaanoosekiŋ.

Ijaag Wosɛytaanakoŋk 6:15

Saaɓak joop sigɛɓa atu saadi arkiɗ iɗit sinɛ gaɓɛ woorank baŋɛ, mermenarɓa Istipaanoos, nɛɓa dɛnɛr taamɛ gɛɛŋk a ito wosɛytan Waakoyotoŋk.

Ijaag Wosɛytaanakoŋk 7:55

Yakanaɓa sɛŋk Istipaanoos enyɛɛri Wɛɛŋa sigɔ Geetitaanakik, nɛɓa mermena dariya nɛ dɛnɛɛr eemɛyɔn Waakoyotoŋk, ɛɓa dɛnɛɛr Yeesee a ɛtɛtɛr Waakoyote ɗiɗikakɛ.

Omoŋ Korontoosuk 2:13

Agut sini rɔɔriyi joop sigɔ atu wɛɛŋakɛk ant wɛɛŋakoŋk pɛɛnii sinaanɛ tin rɔɔriyarɗ wɛɛŋakik, ma moko ɗegerɔɔn etoŋk.

Epesoon 3:5

Kɛɛɓa yaaŋɛɛt any sini dugaaŋɔŋk joopa sigaagaɓa atu emeyikɛ sigaagɛɓa jeemɛk. Mayakana yaaŋɛɛ sisɔ Wɛɛŋakɛ sigɔɔgɛ Geetitaanakik wosɛytaanaka a joopa pɛrkaakoŋk sigaaga geetitaanakik.

Yaykoob 1:5

Ɔkɔn lakɛ iinakɛ kɔɔr iɗit sinɔ bitakaaɗ ɗegerɔɔnkuŋ, in kalɛyi Waakoyo sinɛ gije joop baŋɛ yaakaat a ki worɛɛk gageeɗkɔɔŋ.

Omoŋ Petrosuk 1:12

Joop pɛrkaakoŋk sigi yaaŋɛɛkan sɛɛga kɛ ijaagɗigeeɗkan iinak, ma mokokan ɛkan gɛŋk. Nɛ sisɔ waasɛr kɔna Pɛɛni sinɔ Ɓɛlkɛɛstank ɓaŋkawukaat Wɛɛŋakɛ sigɔɔgɛ Geetitaanakik sigɔɔgɛkan wosɛykɛɛ rakaayk, a yaaŋɛr kɔna any sinɛ kɔna tonur joopk. Ɗɛyɛrkɛɓa aasi wosɛytaana a gun dɛnɛr any siniŋ.