Markoos 13:10 - Kuumeet Sinɔ Tɔɔnuk Ad Majaŋeeroŋk

¹⁰ Ɗɛyɛ jeemɛ a waasɛ Pɛɛni sini Ɓɛlkɛɛstank ɗoo baŋɛ.

Markoos 13:10 Iomraidhean Croise

Maatiyoos 12:41

Waawuy sinaanɛkoy pirdiyoŋk joop Nɛnɛweek ŋaararkikoy raŋana a joop eme sinik nɛ pɛrɛdɛr sɛɛneŋ, weeriikɓa tikiyɛɛkɛ Waakoyota laaganyɔɔn Yoonaasikiŋ. Ɓɛɛlɛ seedi iɗit sinɔ kaalɛ Yoonaasik.

Maatiyoos 24:14

Waasɛɛkoy Pɛɛni sini Ɓɛlkɛɛstank burɛ Waakoyotoŋkuk ɗoo baŋɛ, kɛnɔkoy dakɛ a misikiri joopa ɗookoŋk baŋɛ, nɛkoy ɓaane saadi mɛlki pedtan nɛɛk.

Markoos 16:15

Tonuɓa sɛɛga kɛ, "In kɛɛɗɛ ɗoo baŋɛ, nɔ kɛɛɗɛ waasɛ Pɛɛni sini Bɛlkɛɛstank joopa baŋɛ.

Roome 1:8

Ɔɗɔɔkɛ pɔɔsa Waakoyo naak agut iinak baŋɛ goy Yeese Kereseek, agut sinɔ tiyɛɛkɔ ŋaadiyɛ goŋk ɗoo baŋɛ.

Roome 10:18

Yakana kɔɔniyaaka kɛ kirɓa weenta? Tiyɛrɓa eekeerɛ oko sinɛ toniiɗ Wargatɛ Waakoyotoŋk kɛ, "Tiyɛɛɓa koŋgoy nɛŋk ɗoo baŋɛ, mɛlɛɓa any sinɛ tonurk kɛntɛya ɗookoŋk."

Roome 15:19

Ɛɓɔrɛ mera ɛɛk agut sinɔkan ariɗ joop sigɔ moko Ayuuduk a tiiɗi Waakoyota Wɛɛŋakɛ sigɔɔgɛ Geetitaanakik sɔɔriyɛɛkɛ sigɔɔgɛ boobɛrŋɔk a olaatɛ sigɔɔgɛ reemɗi ɓayɛɛk, ant sineene waasakan pɛɛni sinɔ ɓɛlkɛɛstank Kereseek a weeweriika sinɔɔnɛ Yorsaleemuk mɛlɛɛɗa Ilwaarikoona.

Kolasiis 1:23

Nɔ ɓɛɛlɛɛɗ oko sinikik saa beeɗirɗɔ a nomɛrɗɔ ŋaadiyɛ goŋk sigɔ ɛtɛr nyon sinɔɔnɛ ɓaŋkawuŋɔŋk, a kiir wideeɗ ɛɛk ŋaadiyɛɛkɛ sigaagɛ kookorarik Pɛɛnii sinɔɔnɛ Ɓɛlkɛɛstank. Nɛ ege sini Pɛɛni sinɔ Ɓɛlkɛɛstank sinɛɓa tiyɛɛrik ɛɓa waasɛɛ olaata sigaaga atu ɗook raŋk, eet ɓɔrɛ Paawuloos sinɛkɔ daka a laaŋoyenk Pɛɛniya sineena Ɓɛlkɛɛstank.

Kolasiis 1:6

Mɛlɛɛrɓa sini son lak iinakik tuki nɛɛkɛ a tukiɗi saaɓa tiyɛrɗɔ kɛ ɗɔm Pɛɛni sinɛ Ɓɛlkɛɛstank kɛ ege wookan Waakoyotoŋk eekeerk nɛ gaɓɛ taamɛ ɛ ɓɔlɔɔrɛ ɗook raŋk, oko sinɛ gaɓɛɛɗ taamɛ ɛ ɓɔlɔɔrɛɗ iinakɛ kɔɔrk.

Dɛnɛɛ Pɛrka Yowanisik 14:6

Nɛkan mermenaaka nɛ dɛna wosɛytan Waakoyotoŋk om, sinɔ pire sinɔɔnɛ kɔɔr walɛ taama nɛɛkik, a lak Pɛɛni sinɔ Ɓɛlkɛɛstank sinɛkoy nɔkoy nɔkoyk, a waasɛ joopa, a komoyeera, a atutunɛɛka, a tuukaanaka baŋɛ sigaaga beeɗir ɗook raŋk.