Markoos 11:23 - Kuumeet Sinɔ Tɔɔnuk Ad Majaŋeeroŋk

²³ Eekeer tona kɔnaaŋ. Kɛygun wooɗ oolɛ a tonu kurkuma sineena kɛ, 'Ŋaari seedi nɔ orun ɛɛk gɔrɔwa sinɔɔna obiiŋɔŋk.' Nɛ ɔkɔn ŋaadi ɛ kiiɗɛ koɓiɗak a pɛɛy ɓayaayi nɛɛkɛkiŋ ijaaggeeɗkɔɔ Waakoyotuŋ.

Markoos 11:23 Iomraidhean Croise

Maatiyoos 14:13

Saaɓa Yeese tiyɛɛɗ rer Yowanisik, nɛɓa teeŋɛ emɗa nɛ ŋaar soona ɓɛɛlɛ mowank a sɛɛn mowan. Nɛɓa joop sigɛ ɓɔɔkaak tiyɛr sini, nɛ ŋaararki katamɛɛkɛ sigɔɔgɛ ɓɔɔkaaŋɔŋk nɛ nomɛrɗi derɛ.

Maatiyoos 17:20

Nɛɓa sɛɛga Yeese tonu kɛ, "Eekeer tona kɔnaaŋ, agut sinɔ tekerkiɗ ŋaadiyɛ goŋkuk, ɔkɔn latukari ŋaadiyɛ sigɔ ito taama saanoykuŋ, ɛ toniir kurkuma sineena kɛ, 'Ŋaari seedi nɔ kɛɛɗin soonaŋ,' nɛ kɛɛŋ. Oolɛɛr any baŋɛ."

Maatiyoos 21:21

Nɛɓa Yeese tonu sɛɛga kɛ, "Eekeer tona kɔnaaŋ, ɔkɔn latukari ŋaadiyɛ ɛ kɔne kɛɛ koɓiɗak a pɛɛyiŋ, nɛ moko any sinɛkɔ ijaagiɗɛ kɛɛt sini bɛlɛɛsik dakɛɗa, ɔkɔn toniir kurkuma sineena kɛ, 'Ŋaari seedi nɔ orun ɛɛk gɔrɔwa sinɔɔna obiiŋɔŋk,' nɛ aasi kɔna gayɛŋ.

Lukaas 17:6

Nɛɓa Suumii tonu sɛɛga kɛ, "Ɔkɔn latukari ŋaadiyɛ sigɔ ito saanoykuŋ ɛ toniir aabɛyta sineena kɛ, 'Monta seedi nɔ ɛtin goroo sinoonɛ obiiŋɔŋk.' Nɛkɔna tiiɗiŋ."

Yowanis 14:13

Any sinɛ kalɛyiir tiriyaakɛ gaanɛkik baŋɛ ijaagaakɔɔ kɔnaŋ kɛnɔ eemɛyɛɛ Baabɛɛ eete Toomoy nɛɛkɛɛk.

Yowanis 15:7

Ɔkɔn beeɗiir eeteeŋ ɛ pɛɛni naakɛ beeɗ iinakɛɛŋ, any sinɛ kalɛyiirik baŋɛ laŋiirkɔɔŋ.

Omoŋ Korontoosuk 13:2

Ɔkɔn laka tigi toni pɛrkaakoŋk ɛ ɔkɔnta mɛlɛ any sinɔ dugaaŋɔŋkuŋ, ɛ ɔkɔn ɓɔrɛ laka ɗegerɔn baŋɛŋ, ɛ laka ŋaadiyɛ sigɔ kɔɓɛr kurkum nyon omalte nyona omaltaaŋɔŋkuŋ, ma ɔkɔnte kɛɛ mɛyin, nɛ ɓɛɛla kanysɛya.