Markoos 10:52 - Kuumeet Sinɔ Tɔɔnuk Ad Majaŋeeroŋk

⁵² Nɛɓa Yeese tongeeɗ kɛ, "Ŋaarik. Ebɔdɛrkɔnu ŋaadiyɛ goonɛŋ." Nɛɓa iɗit sinɛ dɛnɗi sisa, nɛ nomɛ Yeesee gopɛ nɛɛkɛk.

Markoos 10:52 Iomraidhean Croise

Maatiyoos 11:5

Dɛnɗi motak, ŋawiiter nyɔŋtaanak, bɔdɛr joop sigɔ gorur dɔɔɓɔyk, tiiɗi joop sigɔɓa kir tiiɗitik, ŋaararki joop sigɔɓa rɛrarŋɔŋk ret walasa, waasɛɛ Pɛɛni sinɔ Ɓɛlkɛɛstank sankaanaka.

Maatiyoos 12:22

Saadi baŋiya diilerkiɓa joop iɗit sinɔɓa gaamur wɛɛŋa sigɔ somkaanakik sinɔ mot ɛ ki tonɗiitik son lak Yeeseek. Nɛɓa sɛŋk ebɔdɛŋ, nɛɓa iɗit sinɛ tonɗi ɛ dɛnɗi.

Maatiyoos 15:28

Saaɓak tongeeɗɓa Yeese kɛ, "Iin jarti sini, ɓɔɔka ŋaadiyɛ goonɛŋ. Inna ɓɛɛlɛ oko sinɛkɔ ɗɛyɛɗink." Nɛɓa tɔn nɛɛkɛ bɔdɛ a tukiɗi ɔɔtɛ sinaanɛ.

Maatiyoos 21:14

Nɛɓa widikɛɛ motak a joop sigɔ kamarŋɔŋk son lak Yeeseek Godeey sinaanɛ Geetitank tak, nɛɓa ebɔdɛ sɛɛgiŋ.

Maatiyoos 8:3

Nɛɓa Yeese keri ari nɛɛk nɛ ɗaaɗapɛ, nɛ tongeeɗ kɛ, "Ɗɛyaaŋ, bɔduk." Nɛɓa iɗit sinɛ bɔduku dɔɔɓɔy nɛɛkɛ sisa.

Maatiyoos 9:22

Nɛɓa Yeese kolɛɛnyɛ nɛ dɛnɛ, nɛ tongeeɗ kɛ, "Iin, tɔɔn naak, ebɔdɛr kɔnu ŋaadiyɛ goonɛŋ." Nɛɓa jarti sinɛ bɔdɛ sisa.

Markoos 1:31

Nɛɓa Yeese widiki ɛɛk son lak sɛɛnik kɛnɔ kɔnyɛɗ, nɛ gaamu ari nɛɛk nɛ ɓɔŋgɔɔrɛŋ. Nɛɓa sɛɛn ŋɔr moɗɛ sinɛ ɛɛkoŋk sisa, nɛ ŋaar raŋana nɛ wɔɔrɛ sɛɛgiŋ.

Markoos 5:34

Nɛɓa sɛŋk tongeeɗ kɛ, "Iin tɔɔn naak, ebɔdɛr kɔnu ŋaadiyɛ goonɛŋ. Ŋaari digoya. Bɔdu rakatɛɛ nookɛk."

Markoos 8:25

Nɛɓa Yeese riiɓe ari nɛɛk kɛkar ete sinaanɛ taamɛkɛ. Nɛɓa iɗit sinɛ dɛnɗi sisa, bɔdukuɓa a dɛnɛ ola baŋɛ kɛ ɗɔm.

Lukaas 7:50

Nɛɓa sɛŋk tonu jartiya sinaana kɛ, "Ebɔdɛr kɔnu ŋaadiyɛ goonɛŋ. Ŋaari digoya."

Lukaas 9:48

Nɛ tonu sɛɛga kɛ, "Iɗit sinɔ boŋu tɔɔn sini tiriyaakɛ gaanɛkik, boŋu Eet. Iɗit sinɔ boŋu Eetik, boŋu Waakoyo sinɛ kanti wosɛykik. Iɗit sinɛ bala iinakɛ baŋɛk kaalɗi sɛɛn joope baŋɛ."

Yowanis 9:32

Inɓa kɛɛ weenta sinɔ kɛ lakɛ iɗit sinɔkɔ ɓuuke taamɛ iɗit sinɔɓa ɓartɛɛ a motuk a tukiɗi saaɓa riiɓeeɗɛɛ ɗook.

Yowanis 9:39

Nɛɓa Yeese tonu kɛ, "Kusaakan pirdiya ɗooka sineena kɛnɔ joop sigɛ kir dɛnɗiitik dɛnɗi, ma kɛnɔ motarar joop sigɛ dɛnɗiik."

Ijaag Wosɛytaanakoŋk 26:18

Arakɔɔnu kɛnɔ ɓuukun taamɛ gɛŋk, nɔ boŋkun sɛɛg nyuugur pɛɗɛrkaata kɛnɔ jumurkun sɛɛg ariit setanik son lak Waakoyok. Nɛkɔɔ sɛɛk laŋir tɔŋɔɗ tikiyɛɛkoŋk, nɛkoy laŋir nyon joope sigaagɛkan daamɛɛk kɔɔr agut ŋaadiyɛ eeteek.'