Markoos 10:33 - Kuumeet Sinɔ Tɔɔnuk Ad Majaŋeeroŋk

³³ Tonuɓa sɛɛga kɛ, "Ŋaarii sisɔ Yorsaleema. Gaɓɛɛkɔɔ Tɔɔn Etoŋk ɔɗɔweera tapa ŋaadiyɛɛkoŋk a rɔɔriytaanaka higi Muuseek. Nɛkɔɔ sɛɛk pɛrɛdɛrɗi rer, gaɓɛɛkɔɔ ɓɔrɛ joopa sigaaga moko Ayuuduk.

Markoos 10:33 Iomraidhean Croise

Maatiyoos 16:21

A tukiɗi saaɓak tukeɓa Yeese toniiɗa nomtaanaka gɛɛna kɛ, "Ɗɛyɛta a kɛɛɗa Yorsaleema nɛkɔɔ laŋkaa rakatɛ sinɔ obiiŋɔŋk gutarɛyɛɛkɛ, a ɔɗɔweerɛ tapa ŋaadiyɛɛkoŋk, a rɔɔriytaanakɛ higi Muuseek, nɛkɔɔtu ɓokotur nɛkɔɔ ŋaarka ret walasa ɗoŋikɛ sigɔɔgɛ jiitik."

Maatiyoos 26:66

Gayi kɔna a jikon?" Nɛɓa sɛɛk jumurar kɛ, "Tikiɗiikɔŋ, nɛ dɔɔs a rɛrŋ."

Maatiyoos 27:2

Saadi baŋiya korkoɗarɓa Yeesee nɛ diiler nɛ kaar gaɓɛr Pilatoosa sinaana ɗumaat ɗookak.

Markoos 14:64

Tiyɛɛrkɔ saa nyɔɔnɗu Waakoyokuŋ. Gayi kɔna a jikon?" Nɛɓa tonur sɛɛg baŋɛ kɛ, "Dɔɔs a rɛrŋ!"

Markoos 15:1

Romiɗ gibi ɔɗɔweer tapa ŋaadiyɛɛkoŋk, a gutarɛyɛ, a rɔɔriytaanak higi Muuseek, a joop sigɔ gaɓɛr woorank baŋɛ lalaŋiiɓa agut omoŋ nɛ waasiɗiiŋ. Nɛɓa korkoɗar Yeese nɛ diiler nɛ kaar gaɓɛr Pilatoosa sinaana ɗumaat ɗookak.

Markoos 8:31

Tukeɓa Yeese rɔɔriyɔɔna nomtaanak gɛɛŋk kɛ Ɗɛyɛ Tɔɔna Etoŋk a laŋk rakatɛ sinɔ obiiŋɔŋk ɛ daraayɛɛ gutarɛyɛɛkɛ, a ɔɗɔweerɛ tapa ŋaadiyɛɛkoŋk, a rɔɔriytaanakɛ higi Muuseek, ɛkɔɔ ɓokotur nɛkɔɔ ŋaarki ret walsa ɗoŋikɛ sigɔɔgɛ jiitik baŋiyaaŋ.

Markoos 9:12

Nɛɓa sɛŋk jumur sɛɛga kɛ, "Eekeerɛ, mɛlkikoy ɔɗɔɔkɛ Eliyaas nɛkoy isiise any baŋɛ. Yakana taapɛɛɓa Wargatɛɛ Waakoyotoŋk kɛ laŋkikoy Tɔn Etoŋk rakatɛ ɛkoy daraayɛɛ ɛk?

Markoos 9:31

Ɗɛyɛɓa Yeese rɔɔriyɔɔna nomtaanak gɛɛŋk, nɛɓa tonu sɛɛga kɛ, "Gaɓɛɛkɔɔ Tɔɔn Etoŋk ariita joopoŋk. Nɛkɔɔ sɛɛk ɓokoturŋ, mayakana saakɔɔ ɓokotiiɗɛɛk baŋiya, ŋaarkikɔɔ ɗoŋikɛ sigɔɔgɛ jiitik."

Lukaas 23:21

Yakanaɓa sɛɛk ooyɛr kɛ, "Laalawuk! Laalawuk!"

Lukaas 9:22

Ɛɓa tonu sɛɛga kɛ, "Ɗɛyɛ Tɔɔna Etoŋk a laŋk rakatɛ sinɔ obiiŋɔŋk ɛ daraayɛɛ gutarɛyɛɛkɛ, a ɔɗɔweerɛ tapa ŋaadiyɛɛkoŋk, a rɔɔriytaanakɛ higi Muuseek, ɛkɔɔ ɓokotɛɛ nɛkɔɔ ŋaarki ret walasa ɗoŋikɛ sigɔɔgɛ jiitik.

Yowanis 18:28

Saadi baŋiya diilerɓa Yeesee woy Kɛyaapaak keera suumi Roomuk. Egeɓa ɔɔtɛ nɛɛkɛ kolɛ. Agut sinɔɓa ɗɛyɛɛɗɛɛ a ɗamar joop Ayuuduk jiŋkuy Ba'aal Ɗoyiɗoŋk, nɛɓa kir guugunyɔn keera sinaana suumiyoŋk kɛnɔ kat dakɛr a somkaanak.

Yowanis 18:32

Nɔ ɓɛɛlɛɛɗ sinik kɛnɔ dusanɛɛ pɛɛni sinɛɓa tonu Yeese kɛ rɛrkɔɔ rer sinɔ ɓɛɛlɛ ɛkik.

Yowanis 19:11

Nɛɓa Yeese tongeeɗ kɛ, "Ɔkɔn kanna Waakoyot ki gaamit ɓaŋkawukaaŋ, gunne kɛɛ ɓaŋkawuka eete raŋk ara. Agut sini iɗit sinɛ kɔtu gaɓɛ iinak lak tikiyɛ sigɔ kaalɛrŋɔŋk.

Ijaag Wosɛytaanakoŋk 13:27

Yakana joop sigɛɓa beeɗir Yorsaleemek a ɔɗɔweer gɛŋk kirɓa ɗegerɔɔn kɛ ege Yeesee ebɔdtan. Nɛɓa sɛɛga ki mɛlɛ wargatɛ Pɛrkaakoŋk sinɛɓa ambabɛɛ wawuykɛ Sambatɛyɛɛkoŋk Ayuuduk nɛɓa pɛrɛdɛrɗi kɛnɔ dusanɛɛ pɛɛni joop Pɛrkaakoŋkuk.

Ijaag Wosɛytaanakoŋk 20:22

"Maɓɔrɛ sisɔ tonurkɔta Wɛɛŋa sigɔ Geetitaanakik, kɛnɔ kɛɛɗa Yorsaleema a kaa ɗegerɔɔn kɛ laŋkaakɔɔ jikon saakɔɔ mɛlɛɛɗa saanak,

Yaykoob 5:6

Pɛrɛdɛɛrɓa sɔɔk ete sinaanɛ mentanŋɔŋk, nɛɓa ɓokotiiriŋ, nɛɓa Sɛŋk ki kɔnu ɓooyɛ.