Markoos 10:30 - Kuumeet Sinɔ Tɔɔnuk Ad Majaŋeeroŋk

³⁰ eme sineene a epapay agut omoŋ godeyik, a manyaak, a manyaakak sigɛ peetakik a sigɛ moojakik, a ɛmɛsaakak, a tɔɔmɔk, a taawa nɛɛk laŋ sisɔ a suɗaktaanak ɗibɛ. Maɓɔrɛ ɗook sinaanɛkoy mɛlkik laŋkoy wɛɛŋa sigɛkoy nokoy nɔkoyk.

Markoos 10:30 Iomraidhean Croise

Maatiyoos 12:32

Iɗit sinɔ tonu any sinɔ ŋɛɛwɛnŋɔŋk Toomoy Etoŋk raŋk ŋɔɗurkuɗɛɛkoyŋ. Mayakana iɗit sinɔ tonu any sinɔ ŋɛɛwɛnŋɔŋk Wɛɛŋakɛ sigɔɔgɛ Geetitaanakik raŋk, kɛygun eme sineene kɛygun eme sinaanɛkoyk kir kiɗɛɛkoy toŋoɗ.

Maatiyoos 13:8

Ma wɛykɔk ɔgɔɔk ɗiirtar ɗooka sinɔɔna mentanŋɔŋk, nɛ gaɓɛr taamɛ a ɓɔɔkaaŋ, gaɓɛ omaay taamɛ a ɗibɛ ma omaay pɔlpɔlɛ joop jiitik ma omaay ruumer iɗit a aarin.

Maatiyoos 6:33

Iinak in jeemɛ ɗɛyɛ burɛ Waakoyotoŋk a any sinɔ mentan taamɛkɛ Gɛɛnɛkik, ola sigɛ ŋayɗiikik baŋɛ siipiɗikkɔɔ kɔnaŋ.

Lukaas 18:30

eme sineene boŋu a suɗaktaanak ɓɔɔkaaŋ, maɓɔrɛ eme sinaanɛkoy mɛlkik laŋkoy wɛɛŋa sigɛkoy nɔkoyk."

Yowanis 10:23

Weeweriiɓa Yeese Godeey sinaanɛ Geetitank, nyon Ŋawiitoŋk Salamoonuk.

Ijaag Wosɛytaanakoŋk 14:22

Nɛɓa rɔɔriyar ŋaadtaanak saadi kɛnɔ ɛtɛr ŋaadiyɛɛkɛ gɛŋk a ɓaŋkawuŋ, nɛɓa tonur sɛɛga kɛ, "Ɗɛyɛ tina a laŋkii rakatɛ sinɔ obiiŋɔŋk nɔkoy guugunyɗii burɛya Waakoyotoŋkuk."

Ijaag Wosɛytaanakoŋk 16:25

Nɛɓa Paawuloos a Siilaas pɔɔsɛr Waakoyo ɗanɗamɔɔn a iiliyakɛ kaalt kɔɔr. Nɛɓa geleewɛr sɛɛga korkortaanak sigɛ ɔgɔɔkuŋ.

Ijaag Wosɛytaanakoŋk 5:41

Nɛɓa ŋaararki wosɛytaana saadi ma yaa sɛɛgaŋ, agut sinɔkan ariiɗ Waakoyot a gayɛr nɔ daraayɛɛ sɛɛg agut tiriya Yeeseek.

Roome 5:3

Moko sineene dakɛɗa, yaaɓɔrɛ tina rakatɛɛ naŋkiŋ, agut sinɔ ɗegerii kɛ laŋɛɛ rakatɛɛ ɓaŋkaawurɔɔn oolaanik,

Roome 6:23

Gati tikiyɛɛkoŋk rer, ma tigi Waakoyotoŋk wɛɛŋa sigɛkoy nɔkoy nɔkoyk goy Suumi naŋk Yeeseek.

Pɛɛyeen Korontoosuk 6:10

Kɛygun sanɗikaayiŋ nɛ tina yaa ɓɛɛnyɔwɛ gɛɛŋk baŋɛ, a eteŋk giroykaanak nɛ arii joop a ɓɔɔkaaŋ a worikaanak, a tine kɛɛ any ara ma ege any baŋɛ naŋk.

Pilipisiyoos 3:8

Sineene raŋk, ŋaada kɛ kɛɛ any sinɔ kaalɛ sinɛ ɗegerɗa Suumi naak Yeese Keresee, nɛ ikoma ola baŋɛ a bitak. Sanakan ola baŋɛ agut Sɛɛn. Ikoma ola baŋɛ a ito diirɛ sinɔ gaalirɛɛ godeeyk kɛnɔ laŋa Keresee.

Pɛɛyeen Tɛsɛlonkeek 2:16

Suumi naŋk, Yeese Keresee ɔɗɔwa nɛɛka, a Ɛpɛn eteŋka Waakoyo sinɛɓa tin poru wookaan nɛɛkɛkik, ɛɓa tina gaɓɛ gaananit sinɛkoy nɔkoy nɔkoyk, goy wookan nɛɛkik a ŋaadiyɛ sigɛ kookoriik sigɛ koy nokoy nokoyk sigɛ mentaanaŋɔŋk,

Omoŋ Timotiyoosuk 4:8

Agut sinɔ barɛ ɛɛkoŋk ɓaŋkaawurɔɔn taaroŋk tɛm tɔkɔny nɛɛkɛŋ, mayakana kɔnyɗi barɛ ɛɛkoŋk ugumeet Waakoyotak ant baŋɛ agut sinɔ lakiɗ wɛɛŋa ŋaadiyɛ sigɛ kookoriik eme sineene a eme saakoy mɛlkik.

Omoŋ Timotiyoosuk 6:6

Iɗit sinɔ lak koɓi sinɔ kɛ gayɛta sinɛ lakakiŋ, laŋi wori sinɔ obiiŋɔŋk saa ŋaadiiɗ Waakoyok.

Yaykoob 1:12

Geetitan iɗit sinɔ ɓaŋkaawur paariyɛɛkɛk agut sinɔ saakɔɔ paariɗɛ sɛɛnik baŋiya, nɛkoy boŋu dooroy eemɛyɔɔnoŋk wɛɛŋakoŋk sinɛkoy gaɓɛ Waakoyot joopa sigaaga poru sɛɛgik oko sinɛɓa kuumɗiiɗik.

Yaykoob 5:11

Joop sigɛ ɓaŋkaawurar oolaanik riyii sɛɛg kɛ geetitaanak. Tiyɛɛrɓa Iyob kɛ ɓaŋkaawurɓa oolaan ɛkiŋ, ɛɓa dɛnɛɛr any sinɔ mentanŋɔŋk sinɛɓa ijaaggeeɗ Waakoyot pediyaakiŋ. Nɛ ɗegerari sineene kɛ Waakoyo maariyɗi ɛ sanɗigeeɗ iɗiŋ.

Omoŋ Yowanisik 2:25

Ŋaadiyɛ sigɛɓa tina gaɓɛr wɛɛŋa sigɛkoy nɔkoy nɔkoyk.

Omoŋ Yowanisik 3:1

In dɛnɛɛko pori sinɛ tin poriiɗ Baabɛk, agut sinɔ tin riyɗɛɛ kɛ Tɔɔmɔk Waakoyotoŋk, nɛ eteŋk tɔɔmɔk Waakoyotoŋk eekeerɛ. Mayakana joop ɗookoŋk agut sinɔ kirɗi ɗegerɔɔn Waakoyok, nɛ ɓɔrɛ tin kir ɗegerɔɔn kɛ eteŋk tɔɔmɔk gɛɛŋk.

Dɛnɛɛ Pɛrka Yowanisik 2:9

Ɗegera rakatɛ a giroy nookkuŋ, mayakana iin worikan. Ɛ ɗegera kɛ sɔɔkɛrkan tiriya gooŋk joop sigɔ tonur kɛ sɛɛgnɔ joop Ayuuduk ma moko sɛɛg joop Ayuuduk, mayakana ege sigi joop sigɔ tolɛ setanik.

Dɛnɛɛ Pɛrka Yowanisik 3:18

Rɔɔriyaani kɛnɔ ɓalin worke sinɔ mentanŋɔŋk eete sinɔkan tamɛ maɗik, kɛnɔkɔɔ iin worikan. Ɛ ɓalin abii sinɔ tupeenyŋɔŋk nɔ kadin ɛɛka nookaak ɛ miinyin konaanikeen nook sinɛ keerɛɛk. Ɓali ɓɔrɛ korus nɔ gaɓun taamɛka goonaak kɛnɔkɔɔ dɛnɗiikin.