Markoos 10:22 - Kuumeet Sinɔ Tɔɔnuk Ad Majaŋeeroŋk

²² Saaɓa iɗit sinɛ tiyɛɗ any sinik, nɛɓa sanɗi jɛt, nɛɓa ŋaar, ma ŋadiŋ agut sinɔɓa lakiɗ wori a obiiŋɔŋk.

Markoos 10:22 Iomraidhean Croise

Maatiyoos 13:22

Wɛykon sinɛkan soowɛɛ ɓɛynikɛ kɔɔruk gayi a iɗit sinɔ tiyɛ pɛɛni nɛɛk ɔɔtɛya sinɔɔna balaaŋɔŋkuk. Mayakana koɓiiɗ ɗoo sinik a pori woriyoŋk, nɛ ɓakɛyɗi nɛ guuguny ɓayaaya nɛɛkak, nɛ gaamiir pɛɛni nɛɛk ɗooka nɛ dakɛ a ki gaamit taamɛ.

Maatiyoos 19:22

Yakana saaɓa iɗit sinɛ tiyɛɛɗ any sinik, nɛɓa ŋaar ma ŋadiŋ agut sinɔɓa lakiɗ wori a obiiŋɔŋk.

Maatiyoos 27:3

Saaɓa ɗegerɗi Yuuda sinɛɓa gaɓɛ Yeeseek kɛ pɛrɛdɛɛɗɛkɔɔŋɔŋk nɛɓa koɓi kɛ moko liki any sinɛkɔ ijaagaak, nɛɓa jumur biriyatɔk sigɛ ruumer iɗit a aarink ɔɗɔweera tapa ŋaadiyɛɛkoŋk a gutarɛyɛɛka.

Markoos 10:21

Nɛɓa mermen Yeese nɛ poruŋ nɛ tongeeɗ kɛ, "Ŋayɗiikanne any a omoŋ. Mak nɔ kɛɛɗin ɓalɗiikin ant sinaanɛ lakink baŋɛ nɔ gaɓun wori nɛɛk sankaanaka. Laŋinkoy wori sinɔɓa tolɛɛŋɔŋk dari. Nɛ saadi baŋiya kusunte nomkun."

Markoos 10:23

Nɛɓa Yeese kolɛɛnyɛ nɛ mermena nɛ tonu nomtaanaka gɛɛna kɛ, "Morɛ ɓaŋkawu guugunyɔn Burɛya Waakoyotoŋk joopa sigɔɔga latu worikiŋ."

Markoos 6:20

Agut sinɔ dɛnɛɓa Herodis Yowanis a iɗit sinɔ mentan taamɛkɛ Waakoyotoŋk ɛ geetitank, nɛɓa ɓureŋ a koorɛŋ. Saaɓa Herodis tiyɛɗ waasiyɛ Yowanisik, nɛɓa gelewugeeɗ yaakat. Yakanaɓa waasiyɛ gɛɛnɛ ooɗɛr sɛɛniŋ jɛt.

Markoos 6:26

Nɛɓa tapaɗ sinɛ reemɗi ɓayɛ nɛɛkɛ jɛt agut any sini, yakana agut sinɔɓa kuumɗiiɗ joope sigaagɛɓa wɔɔrɛɛk taamɛkɛk, kiɓa oolɛ a ɓaar ant sinaanɛɓa kalɛyikiŋ.

Lukaas 12:15

Nɛɓa tonu sɛɛga Yeese kɛ, "In koorɛ ɛɛk! In koorɛ ɛɛk noŋk goltetikent baŋɛ. Moko iɗit beeɗ yaakat ma laŋi wori sinɔ obiiŋɔŋk dakɛɗa."

Lukaas 18:23

Yakana saaɓa iɗit sinɛ tiyɛɗ sinik, nɛɓa sanɗi jɛt agut sinɔɓa lakiɗ wori a obiiŋɔŋk.

Pɛɛyeen Korontoosuk 7:10

San sinɔ ɓɛɛlɛ oko ɗɛyan Waakoyotoŋk ɗɔku bɔdɛ sinɔ weerikiɗɛɛ tikiyɛɛkɛ Waakoyota a kiidɛ ŋadik, mayakana san ɗookoŋk ɗɔku rer.

Epesoon 5:5

In ɗegerɛɛ kɛ iɗit sinɔ ibiɗiiŋɔŋk a sinɔ ijaag somakɔɔk maŋk ɓukurka amɗoŋk sinɔ ito ugumɛɛ raŋaawotakaak kiiɗɛ koy nyon burɛɛ Waakoyotoŋk.

Pɛɛyeen Timotiyoosuk 4:10

Pakatikɔte ɛɛk Deemaas makɔ poru any ɗoo sinik, nɛkɔ ŋaar Tɛsɛlonkeya, makɔ ŋaar Kerkis Gɛlatiyaa, maɓɔrɛ ŋaar Tiito Dilmatiyaa.