Markoos 10:17 - Kuumeet Sinɔ Tɔɔnuk Ad Majaŋeeroŋk

¹⁷ Saaɓa Yeese tukeeɗ ŋaarink, nɛɓa reerki iɗit om son lak sɛɛnik, nɛ ɛtɛ korontunɛ sɛɛne taamɛkɛ, nɛ kɔɔniy sɛɛn kɛ, "Iin rɔɔriytan sinɛ mentank, ɗɛyɛta a ijaaga jikon nɔkoy laŋiiɗa wɛɛŋa sigɛkoy nokoy nɔkoyk?"

Markoos 10:17 Iomraidhean Croise

Maatiyoos 17:14

Saaɓa mɛlɛrkiɗ son lak joop sigɛ ɓɔɔkaakik, nɛɓa iɗit omaay kus son lak Yeeseek. Nɛ ɛtɛ korontunɛ sɛɛne taamɛkɛ.

Maatiyoos 25:34

"Saakoyk tonukoy suumi nɛɛkɛ joopa sigaaga atu ɗiɗikakɛ gɛɛnɛkik kɛ, 'Iinak sigɛɓa kɔnu geeti Baabɛɛk, in kusɛɛ, nɔ moonɛɛ burɛ sinɛɓa kɔna ragadɛɛ a tukiɗi saaɓa riiɓeeɗɛɛ ɗook.

Maatiyoos 28:8

Ŋaararɓa jartiyatɔk sigɛ saadi pii nɛɛkɛ a gorgorŋ a tuɓur a yaaka sinɔ obiiŋɔŋk. Nɛɓa reerir nɛ kaar tonur nomtaanaka gɛɛnaak.

Markoos 1:40

Kusɓa iɗit omaay sinɔ goru dɔɔɓɔyk son lak Yeeseek nɛ ɛtɛ korontunɛ sɛɛne taamɛkɛ, nɛ kalɛyi kɛ, "Ɔkɔn ɗɛyin, oolun a ebɔduntuŋ."

Markoos 10:18

Nɛɓa Yeese tongeeɗ kɛ, "Kɔɔniyinte any sinɔ mentanŋɔŋk agut jikon? Mentan Waakoyo sinɛ omoŋɔŋk dakɛɗa.

Markoos 12:14

Nɛɓa wideetargeeɗ ɛɛk nɛ tonurgeeɗ kɛ, "Rɔɔriytaano, ɗegerii kɛ iin eekerkan. Kɛɛ any sinɔ ijaagin a ɓuriiɗin a lagiɗin keenyk. Mermenin joop baŋɛ a koɓi omoŋ. Rɔɔriyaaɗin gopan Waakoyotoŋk eekeerɛ. Anɛ ɗɛyɛ a koyɛɛ gibiri Keesaara Roomukuŋ? Maŋk ki ɗɛyɛ? Koyɗiikiiŋ? Maŋk kat koyɗiikii?"

Markoos 9:25

Dɛnɛɓa Yeese joop a kurak a reerirkiŋ, nɛɓa lamɛ wɛɛŋa sigɛ somkaanakik kɛ, "Iinak wɛɛŋa sigi kir tonɗiitik a kir tiiɗitik," tona kɔna kɛ, "In ŋaarkɛ toomoy sineene a katkoy murarkɔ nɔ guugunyargiɗɔ kɛkar."

Lukaas 10:25

Ɓeny omalte ŋaarɓa iɗit om sinɔ ɗeger higi Muuseek kɛnɔ paari Yeesee nɛɓa tongeeɗ kɛ, "Rɔɔriytaano, nɔkoy laŋiiɗa wɛɛŋa sigɛkoy nɔkoy nɔkoyk ara jikon?"

Yowanis 3:2

Nɛɓa kus kaalt son lak Yeeseek nɛ tongeeɗ kɛ, "Rɔɔriytaano, ɗegerii kɛ iin rɔɔriytan sinɔkan kus sooy lak Waakoyok. Agut sinɔ kɛɛ iɗit sinɔ ijaag sɔɔriyɛ sigikɔ sɛɛg ijaagink ɔkɔn moko sɛɛn a Waakoyo."

Yowanis 5:39

"Mermenari sɔɔk Wargatɛɛ Waakoyotoŋk a koɓiir kɛ laŋiirkoy sɛɛge wɛɛŋa sigɛkoy nɔkoy nɔkoyk, ma Wargatɛɛ Waakoyotoŋk sigɛ waasɛr ɔɔtɛ naakik.

Yowanis 6:40

Ɗɛyan Baabɛɛk iɗit sinɔ dɛnɛ Tɔɔn nɛɛk nɔ ŋaadiɗi sɛɛnek baŋɛ kɛnɔkoy laŋi wɛɛŋa sigɛkoy nɔkoyk nɔkoyk. Boŋkaakoy saak sɛɛn ɓeny sinaanɛkoy pediyaakiŋ."

Ijaag Wosɛytaanakoŋk 16:30

Nɛɓa boŋku sɛɛg walasa nɛ kɔɔniy sɛɛg kɛ, "Iinak suumiyɛ gaaŋk, ɗɛyɛta a ara jikon nɔkoy bɔdɛɛɗaak?"

Ijaag Wosɛytaanakoŋk 2:37

Saaɓa joop gɛɛnɛ tiyɛrɗi sinik, nɛɓa ɓeesɛ sɛɛg ɓayɛtun jɛt. Nɛ tonur Petrosa a wosɛytaanaka sigaaga ɔgɔɔk kɛ, "Iinak manyaakak eteŋka, anɛ ijaagii jikon?"

Ijaag Wosɛytaanakoŋk 20:32

"Sisɔ gaɓaakankɔnu a adarat Waakoyota a pɛɛniya wookan nɛɛkik sinɔ ari kɔnu a ɛtɛɛriŋɔŋk, ɛ oolɛ akɔna gaɓɛ any sinɛɓa ŋɔɗɛɛk geetitaanakɛ kɔɔruk.

Ijaag Wosɛytaanakoŋk 9:6

Ŋaari raŋana sisɔ nɔ kɛɛɗin katamɛya, kɛɛɗɛ kɔɔna tonɛɛ sooy any sinɛna ɗɛyɛ a ijaaginŋɔŋk."

Roome 2:7

Gaɓɛkoy sɛɛga bɔdɛ sinɛkoy nɔkoy nɔkoyk joopa sigaaga ɛtɛr a ɓaŋkawuŋɔŋk ijaaga any sinɔ mentanŋɔŋk ɛ ɗɛyɛr eemɛyɔn, a pɔɔsiyɛ, a any sinɔkoy ki badɛɛk,

Roome 6:23

Gati tikiyɛɛkoŋk rer, ma tigi Waakoyotoŋk wɛɛŋa sigɛkoy nɔkoy nɔkoyk goy Suumi naŋk Yeeseek.

Epesoon 1:18

Ɗanɗamaaka kɛnɔ ɓuukiɗi kalbiyɛ goŋk ɛ kɛnɔ ɗegerari kɛ riygiɗɛɛkan kɔnu ŋaadiyɛ sigɛ kookoriik kɛ jikonak ɛ kɛnɔ ɗegerari kɛ obi geet sinɛkoy gaɓɛ Waakoyot joopa gɛɛnaakik a ɛtɛ ɛk.

Tiito 3:7

Nɔkan ariiɗ sinik kɛnɔ mentankii taamɛkɛ Waakoyotoŋk wookaan nɛɛkɛk, kɛnɔkoy moonii wɛɛŋa sigɛkoy nɔkoy nɔkoyk sigɛ kookorii sɛɛg ŋaadiyɛɛkɛk.

Ibirawiyaan 1:14

A moko ege wɛɛŋa Waakoyotoŋk ijaageer sigɔɓa wosɛykɛɛ sɛɛg kɛnɔ kɔnyɛr ɛ koorɛr joop sigɛkoy bɔdɛrk?

Omoŋ Petrosuk 1:4

arikan tin kɛnɔkoy laŋii any sinɛɓa tina riiɓkun Waakoyot darik sinɛkoy ki badɛɛk ɛkoy ki sɔɔkiɗiitik a kiiki bɔlɔŋurɔŋk.

Omoŋ Yowanisik 2:25

Ŋaadiyɛ sigɛɓa tina gaɓɛr wɛɛŋa sigɛkoy nɔkoy nɔkoyk.