Markoos 10:1 - Kuumeet Sinɔ Tɔɔnuk Ad Majaŋeeroŋk

¹ Ŋaarɓa Yeese saadi nɛ kɛɛ ɗooka Yuudaak a ɗɛɛgasɔ Yordanoosuk. Nɛɓa tolɗiitar joop a ɓɔɔkaaŋ son lak sɛɛnik kɛkar, nɛ rɔɔriy sɛɛg oko sinɛkan goorɛk.

Markoos 10:1 Iomraidhean Croise

Maatiyoos 26:55

Saaɓak tonuɓa Yeese joopa sigaaga kɛ, "Kurakɔ a aarɛɛ a gumboyik kɛnɔtu gaamiir a ito gaamɛɛ iɗit sinɔ sɔɔkɛ ɓɛɛlɛtik? Ma kanti kiir gaamit saakan rɔririyiɗa ɓɛɛnyɔwɛ gɛɛŋk baŋɛ Godeey sinaanɛ Geetitank.

Maatiyoos 4:23

Weeweriiɓa Yeese sinɔɔnɛ Gɛlilaak baŋɛ, a rɔririyi sinɔɔnɛ godeyi gɛŋk tolɛɛɗoŋk Ayuuduk, a waawas Pɛɛni sinɔ Ɓɛlkɛɛstank agut burɛ Waakoyotoŋkuk, a ebɔdɛ joop sigɛ ɓɔɔkaak sigɛɓa sɛɛg gaamur goriɗak sigɔ ɓɛɛlɛr kundiyaakɛk.

Markoos 1:21

Mɛlɛrɓa Yeese a nomtaanak gɛɛŋk Kipirnahooma, nɛɓa Yeese guuguny godeya tolɛɛɗoŋk Ayuuduk sisa, Waawuy Sambatɛyoŋk Ayuuduk, nɛ tuke rɔɔriyɔn.

Markoos 10:2

Wideetarɓa ɛɛk joop Paarisik son lak sɛɛnik, nɛɓa ɗɛyɛr paariita nɛ kɔɔniyar kɛ, "Pɛgɛdɛɛɓa higii kɛnɔ pakakati iɗit a jarti nɛɛkiŋ?"

Markoos 12:35

Saaɓa Yeese rɔɔriyaaɗ Godeey sinaanɛ Geetitank, nɛɓa kɔɔniya kɛ, "Rɔɔriytaanak higi Muuseek tonur kɛ, 'Ege Keresee tɔɔn Daawitik,' agut jikon?

Markoos 14:49

Ma kanti kiir gaamit saakan rɔririyiɗa ɓɛɛnyɔwɛɛkɛ gɛɛnɛ baŋɛ Godeey sinaanɛ Geetitank, mayakana nɔ ɓɛɛlɛɛɗ sinik kɛnɔ dusanɛɛ sinɛɓa taapɛɛ Wargatɛɛ Waakoyotoŋkuk."

Markoos 2:13

Ŋaarɓa Yeese kɛkar gɔrɔwa sinɔɔna obiiŋɔŋk Gɛlilaak kɛntɛya. Nɛɓa tolɗi joop sigɛ ɓɔɔkaak, nɛ wideetar ɛɛk son lak sɛɛnik. Nɛɓa Yeese rɔɔriy sɛɛgiŋ.

Markoos 4:2

Nɛɓa rɔɔriy sɛɛg olaatɛ sigɔɔgɛ ɓɔɔkaaŋɔŋk rɔmɛɛɗakɛ. Tonuɓa sɛɛga kɛ,

Markoos 6:2

Waawuy Sambatɛyoŋk tukeɓa rɔɔriyɔn godeey tolɛɛɗoŋk Ayuuduk. Geleewɛrgeeɗɓa joop a ɓɔɔkaaŋ nɛɓa reemɗi ɓayɛtun gɛŋk. Nɛɓa tonurgeeɗ kɛ, "Laŋki iɗit sini ola sigi baŋɛ eet? Gagiɗɛɛɓa ɗegerɔn ɛɛkoŋk kɛ jikon? Ijaag sɔɔriyɛ sigi ariit ɛk?

Markoos 6:34

Saaɓa Yeese worworiikiɗ emɗ nɛɛkɛkik nɛɓa dɛnɛ joop a ɓɔɔkaaŋ a ito jiŋkuyɛ sigɔ kɛɛ sɛɛge irtank, nɛɓa sanɗigeeɗiŋ. Nɛɓa rɔɔriy sɛɛg olaatɛ sigɔɔgɛ ɓɔɔkaaŋɔŋk.

Markoos 6:6

Reemɗiɓa ɓayɛ nɛɛkɛ agut sinɔ kirɗi ŋaaditik. Nɛɓa weeweri Yeese sinɔɔnɛ mɛndɛr nɛɛk baŋɛk a rɔririyiiŋ.

Yowanis 10:40

Ekaŋɛɓa Yordanoos kɛkar nɛ mɛlɛ saanaɓa sɛɛn aadiiɗ Yowanis sinɛ a'aadiik tuki nɛɛkɛkik, nɛɓa beeɗ saadi.

Yowanis 11:7

Saadi baŋiya tonuɓa nomtaanaka gɛɛna kɛ, "Koy muurii ɗooka Yuudaak."

Yowanis 18:20

Nɛɓa Yeese tongeeɗ kɛ, "Tonɗiikaakan joopa ɗookoŋk a mɛlɛŋ, rɔɔriyaakaakan ɓɛɛnyɔwɛ gɛɛŋk baŋɛ saadikan tolɗiiɗ joop Ayuuduk godeey tolɛɛɗoŋk Ayuuduk maŋk Godeey sinaanɛ Geetitank. Kɛɛ any sinɔkan tona dugeeɗik.