Markoos 1:8 - Kuumeet Sinɔ Tɔɔnuk Ad Majaŋeeroŋk

⁸ Aada saak kɔnu maawɛ, mayakana sɛŋk aadikɔɔkɔnu Wɛɛŋakɛ sigɔɔgɛ Geetitaanakik."

Markoos 1:8 Iomraidhean Croise

Maatiyoos 3:11

"Aada saak kɔnu maawɛ nɔ weeriikɛɛ tikiyɛɛkɛ Waakoyota. Mayakana iɗit sinɛkɔɔ mɛlki eete baŋik aadikɔɔkɔnu Wɛɛŋakɛ sigɔɔgɛ Geetitaanakik a maɗ. Kaalɛ sɛŋk eet jɛt a aasi kaa oolɛ a ɓataka saamɛɛ gɛɛŋkiŋ.

Markoos 1:7

Waasɛɓa kɛ, "Mɛlkikɔɔ eete baŋi iɗit sinɔ kaalɛ eetik, kaa oolɛ a ruuɗa ɛɛk nɔ woora melti saamɛyɛ gɛɛŋkiŋ.

Markoos 1:9

Saaɓak ŋaarkiɓa Yeese katamɛɛ Naajreetik sinaanɛ ar ɗook Gɛlilaak, nɛɓa aadi Sɛɛn Yowanis Goroo Yordanoosuk.

Lukaas 3:16

Nɛɓa Yowanis jumur sɛɛga baŋɛ kɛ, "Aada saak kɔnu maawɛ, mayakana mɛlkikɔɔ iɗit sinɔ kaalɛ eetikiŋ kaa saak oolɛ a woora melti saamɛyɛ gɛɛŋkiŋ. Aadikɔɔ kɔnu sɛŋk Wɛɛŋakɛ sigɔɔgɛ Geetitaanakik a maɗ.

Yowanis 1:26

Nɛɓa Yowanis jumur sɛɛga kɛ, "Aada saak kɔnu maawɛ, mayakana iɗit sinɔ kiir ɗegerɔɔnuk ɛtɛ kɔne kɔɔr.

Yowanis 1:33

Kaaɓa ɓɔra ɗegerɔɔn mayakana iɗit sinɛkanti wosɛyki kɛnɔ aadiɗiika maawɛɛk tonukanta sɛŋk kɛ, 'Dɛninkɔɔ Wɛɛŋa sigɔ Geetitaanakik a kurak nɛ dokur ete omalte raŋk, nɛ iɗit sinɛ sɛɛn sinɛkɔɔ aadiɗi Wɛɛŋakɛ sigɔɔgɛ Geetitaanakik.'

Ijaag Wosɛytaanakoŋk 1:5

Aadikan kɔnu Yowanis maawɛ, mayakana iinak aadɛɛkɔɔ kɔnu Wɛɛŋakɛ sigɔɔgɛ Geetitaanakik ɗoŋikɛ sigɔɔgɛ tekeriŋɔŋk baŋiya."

Ijaag Wosɛytaanakoŋk 10:45

Joop Ayuuduk sigɔ ŋaadtaanakik sigɛɓa kurak a Petrosuk, saaɓa dɛnɛrɗi a gaɓɛ Waakoyot Wɛɛŋa sigɔ Geetitaanakik, joopa sigɔɔga moko Ayuuduk, nɛɓa reemɗi ɓayɛtun gɛŋkiŋ.

Ijaag Wosɛytaanakoŋk 2:17

Tonu Waakoyot kɛ, 'Wawuykɛ sigaagɛkoy pediyoŋk ɓɛɛlɛkoy oko sinik, gupatɛɛrakoy Wɛɛŋa gaaŋk joopa baŋɛ. Tɔɔmɔk goŋk sigɛ moojakik a sigɛ peetakik waasɛrkoy pɛrka, joop goŋk sigɔ atiinyiik dɛnɛrkoy pɛrkiyɛ, gutarɛyɛ goŋk pɛrkiɗiikoyŋ.

Ijaag Wosɛytaanakoŋk 2:4

Nɛɓa enyɛɛri Wɛɛŋakɛ sigɔɔgɛ Geetitaanakik sɛɛg baŋɛ, nɛɓa tuker a tonɗi atutunɛ ɔgɔɔkɛ oko sinɛɓa sɛɛga gaɓɛrɗi oolan nɛɛkik Wɛɛŋa sigɔ Geetitaanakik.

Omoŋ Korontoosuk 12:13

Kɛygun eteŋk joop Ayuuduk, Kɛygun eteŋk joop Giriikik, kɛygun eteŋk laaŋoyeer, kɛygun eteŋk joop sigɔ arkii yaakatik aadɛɛɓa tin Wɛɛŋakɛ sigɔɔgɛ Geetitaanakik kɛnɔ dakii a eteŋk ɛɛk omoŋ, ɛɓa utii eteŋk baŋɛ wɛɛŋa sigɔ omaanakŋɔŋk.