Markoos 1:24 - Kuumeet Sinɔ Tɔɔnuk Ad Majaŋeeroŋk

²⁴ nɛɓa sɛŋk ooyɛ kɛ, "Iin Yeese Naajireetik, ooɗun tin agut jikon? Kusunkɔ kɛnɔ tin sɔɔkun? Ɗegerii kɛ Iin Geetitan Waakoyotoŋk."

Markoos 1:24 Iomraidhean Croise

Maatiyoos 2:23

Nɛ saaɓa mɛlɛɛɗ saanak, nɛɓa tuke beeɗit katamɛɛ Naajireetik. Nɔ ɓɛɛlɛɛɗ sinik dusanɛɛ sinɛɓa tonɛɛ pɛrkaakɛ kɛ, "Riyɛɛkoy kɛ iɗit Naajireetik."

Maatiyoos 8:29

Nɛɓa sɛɛk ooyɛr kɛ, "Iin Tɔɔn Waakoyotoŋk, ooɗun tin agut jikon? A in ki gayɛ ɔɔtɛ nɛɛkɛ kusunkɔ seena kɛnɔ tin goopun a ɓaŋkawuŋ?"

Markoos 1:23

Saaɓak godeey nɛŋk tolɛɛɗoŋk Ayuuduk, lakɛɓa iɗit sinɔ lak wɛɛŋa sigɔ somkaanakik,

Markoos 1:25

Nɛɓa Yeese lamɛ sɛɛg kɛ, "In dakɛɛ kɛ many, in ŋaarɛ ete sineene!"

Markoos 10:47

Nɛ saaɓa tiyɛɛɗi a ɗoyu Yeesee Naajreetik, nɛɓa ooyɛ kɛ, "Iin Tɔɔn Daawitik, maariytik!"

Markoos 14:67

Nɛɓa dɛnɛ Petros a ɗiiɗir maɗ nɛ mermen nɛ tongeeɗ kɛ, "Iin kɔɓɔrɛ a Yeesee kɔ Naajreetik."

Markoos 16:6

Yakanaɓa iɗit sinɛ tonu sɛɛga kɛ, "Kɛɛ any kat ŋaatɛ. Ɗɛyɛɛr Yeese kɔ Naajireetik sinɛkɔ laalawɛɛk, kɛɛ seedi ŋaarkikɔŋ in dɛnɛɛ saan kɔ riiɓeeɗɛɛk.

Markoos 5:7

Nɛɓa ooyɛ a ɗooruŋ a tongeeɗ kɛ, "Iin Yeesee, Tɔɔn Waakoyo sinɛ Obi Jɛtik, ooɗunti agut jikon? Kalɛyaani tiriyaakɛ Waakoyotoŋk, adarat katreeti laaŋoyin."

Lukaas 1:35

Nɛɓa jumurgeeɗ wosɛytan nɛɛkɛ kɛ, "Mɛlɛrkikɔɔna Wɛɛŋa sigɔ Geetitaanakik, dokukɔɔne ɓaŋkawuka Waakoyo sinɛ Obiik. Agut sini ege tɔn sinɛkɔɔ ɓartink geetitan, riyɛ kɔɔ kɛ Tɔɔn Waakoyotoŋk.

Lukaas 24:19

Nɛɓa sɛŋk tonu sɛɛga kɛ, "Jikon any sinɛkɔ ɓɛɛlɛk?" Nɛɓa sɛɛk jumurargeeɗ kɛ, "Any sinɛkɔ ijaagɛɛ Yeesee Naajreetik raŋk. Sɛɛnkan sɛŋk iɗit pɛrkaakoŋk sinɔkan ɓaŋkaawur pɛɛnii a ijaag Waakoyote a joope baŋɛ taamɛkɛk.

Lukaas 4:34

"Iin Yeesee Naajireetik, ɗɛyin jikon sooy lak eteŋkik? Kusunkɔ kɛnɔ tin sɔɔkun? Ɗegera kɛ iin wooɗuŋ. Iin Tɔɔn Waakoyotoŋk sinɛ Geetitank."

Lukaas 8:28

Saaɓa dɛnɛɛɗ Yeeseek, nɛɓa ooyɛ nɛ ɗiiri sɛɛne taamɛkɛ, nɛ tongeeɗ a ɗooruŋ kɛ, "Iin Yeesee, Tɔɔn Waakoyo sinɛ Obi Jɛtik, ooɗunti agut jikon? Katti ooɗun."

Lukaas 8:37

Joop ɗoo Gerasenoonuk baŋɛ agut sinɔɓa ɓuriiɗi jɛtik, nɛɓa kalɛyir Yeesee kɛnɔ ŋaar saadi, nɛɓa sɛŋk teeŋɛ emɗa nɛ ŋaarŋ.

Yowanis 6:69

Ŋaadii seekiŋ, ɗegerii kɛ iin Tɔɔn Waakoyotoŋk sinɔ Geetitank."

Ijaag Wosɛytaanakoŋk 2:27

Kiirinti toŋoɗ sioola takana. Kiirin toŋoɗ geetitan nook kɛnɔ dakɛɛr utula retoŋk kɛnɔ mojɛɗ.

Ijaag Wosɛytaanakoŋk 24:5

Ɗegerii kɛ iɗit sini dakɛ tina a gori sinɔ ŋɛɛwɛnŋɔŋk, boŋku ɗaakan joopa Ayuuduk sigaaga ɓɛɛlɛr ɗook raŋk baŋɛk. Sɛɛn ɔɗɔwen ponya joop Naajreetik sigaaga latu ŋaadiyɛ sigɔɓa kɛɛ pɛgɛdɛɛtik.

Ijaag Wosɛytaanakoŋk 3:14

Kalɛyiirkan sɔɔk kɛnɔ kɔna ŋɔɗurɛ iɗit sinɔ ɓokokot joopuk, ma toniir kɛ kii ɗɛyɛ iɗit sinɔ Geetitank ɛ Mentan taamɛkɛ Waakoyotoŋkuk.

Ijaag Wosɛytaanakoŋk 4:27

"Eekeerɛ Herodis, a Pentenawi Pilatoos tolɗiɓa a joop sigɔ moko Ayuuduk, a joop Israeelik katamɛɛ sineene Yorsaleemuk, nɛ ŋaarar raŋana koɓiiɗ sinɔɔnɛ ŋɛɛwɛnŋɔŋk, ijaagente nookɛ Yeesee sinaanɛ geetitank sinaanɛkan ɗonyunk.

Yaykoob 2:19

Iin ŋaadin kɛ lakɛ Waakoyo a omoŋ. Nɛ mentan siniŋ, ŋaadir aasi ɓɔrɛ setana siniŋ, nɛ piiɗer a ɓuriiŋ.

Omoŋ Yowanisik 2:20

Yakana iinak ɗonyɛkan kɔnu Kerese Wɛɛŋakɛ sigɔɔgɛ Geetitaanakik, nɛ ɗegerari eekeer gɛɛŋk iinak baŋɛ.

Dɛnɛɛ Pɛrka Yowanisik 3:7

"Taapar wargatɛ wosɛytaana Waakoyotoŋk gode Sambatɛyoŋk sinaana ar Piladɛlpiyakeek, Ege sini pɛɛni iɗit sinɛ geetitan ɛ eekerkank, ɛ lak kulpiyɛ Daawitik. Sinɛkɔ tayɛ sɛŋkik nɛ kɛɛ iɗit sinɔ koruk, ɛ sinɛkɔ koruk sɛŋkik nɛ kɛɛ iɗit sinɔ tayɛk.