Markoos 1:11 - Kuumeet Sinɔ Tɔɔnuk Ad Majaŋeeroŋk

¹¹ Nɛɓa tiyɛɛ koŋgoy dari sinɔ tonu kɛ, "Iin Tɔɔn naak sinɛ poraak, yaataa iine."

Markoos 1:11 Iomraidhean Croise

Maatiyoos 12:18

"Ege sini ijaagen naak sinɛɓa daamaak, sɛɛn sinɛ pora ata yaa Sɛɛnek. Riiɓaakoy Wɛɛŋa gaaŋk sɛɛne raŋk, laaganykoy pirdi sinɔ likik joopa sigaaga moko joop Ayuuduk.

Maatiyoos 17:5

Saaɓa waasiɗiiɗi Petros sɛɛgak, nɛɓa sɛɛg miinye gumoy sinɔ ɗaawuŋɔŋk, nɛɓa gumoy nɛɛkɛ tak tiyɛɛ koŋgoy sinɔ ɗooru kɛ, "Tɔɔn naak sinɛta yaa sɛɛnek sinɛ poraak sɛɛn sini. In geleewɛɛ sɛɛna."

Maatiyoos 3:17

Nɛɓa tiyɛɛ koŋgoy dari sinɔ tonu kɛ, "Ege sini tɔɔn naak sinɛta yaa sɛɛnek sinɛ poraak."

Markoos 1:10

Saaɓa Yeese ŋaarkiɗ maawɛ gɛɛnɛkik, nɛɓa tayɗi dari nɛɓa dɛnɛ a kurak Wɛɛŋa sigɔ Geetitaanakik, a ito kulɓeer sɛɛna raŋana.

Markoos 9:7

Nɛɓa mɛlki gumoy nɛ miinye sɛɛgiŋ, nɛ gumoy nɛɛkɛ tak tiyɛɛ koŋgoy sinɔ ɗooru kɛ, "Tɔɔn Naak sinɛ poraak sɛɛn sini. In geleewɛɛ sɛɛna."

Lukaas 3:22

nɛɓa kurak Wɛɛŋa sigɔ Geetitaanakik a ito kulɓeer sɛɛna raŋana. Nɛɓa tiyɛɛ koŋgoy dari sinɔ tonu kɛ, "Iin Tɔɔn naak sinɛ poraak, yaataaŋ iine."

Lukaas 9:35

Nɛɓa tiyɛɛ koŋgoy gumoy nɛɛkɛ tak sinɔ ɗooru kɛ, "Tɔɔn naak sinɛkan daamaak sɛɛn sini, in geleewɛɛ sɛɛna."

Yowanis 1:34

Dɛnaakan ɓɔra siniŋ, nɛ waasa kɛ sɛɛn Tɔɔn Waakoyotoŋk."

Yowanis 3:16

Agut sinɔ Waakoyo poru ɗoo jɛt, gakiɓa Tɔɔn nɛɛk sinɔ omoŋɔŋk, kɛnɔ iɗit sinɔ ŋaadiɗi Toomoy nɛɛkɛkik baŋɛ kikoy badɛ makoy laŋi wɛɛŋa sigɛkoy nɔkoy nɔkoyk.

Yowanis 5:37

Baabɛɛ sinɛkanti wosɛykik ɔɗɔwa nɛɛka waasɛkan ɔɔtɛ naakiŋ. Kiirkan sɔɔk weenta koŋgoy nɛɛk adaktan kiirkan taanta taamɛ gɛɛŋk adaktan,

Yowanis 6:69

Ŋaadii seekiŋ, ɗegerii kɛ iin Tɔɔn Waakoyotoŋk sinɔ Geetitank."

Roome 1:4

nɛɓa yaaŋɛ Suumi naŋk Yeese Kerese ɓaŋkawukaat sinɔɔnɛ obiiŋɔŋk, kɛnɔ dakɛ a sɛɛn Tɔɔn Waakoyotoŋk ŋaarin ret nɛɛkɛ walasak, ɓaŋkawukaat Wɛɛŋakɛ gɛɛnɛk sigaagɛɓa geetɛɛk.

Kolasiis 1:13

Ariɓa tin a ŋaarkii ɓaŋkawukaat nyuuguroŋk, ɛɓa tin ari a guugunyii burɛya Tɔɔn nɛɛkik sinɛ poruk,