3 Nɛɓa tonu sɛɛga kɛ, "Kat diilɛ gopɛ noŋk gumboy, kɛygun kosɛ, kɛygun ɗama, kɛygun wori, kɛygun abiyak.
Riykɓa Yeese nomtaanak sigɛ aarin a pɛɛyk son lak sɛɛnik nɛ wosɛyɛ sɛɛg a pɛɛy pɛɛy, gaɓɛɓa sɛɛga ɓaŋkawuka kɛnɔ ɔɔyɛr wɛɛŋa sigɔ somkaanakik.
Saadi baŋiya tonuɓa Yeese nomtaanaka gɛɛna kɛ, "Agut sini tona kɔnaaŋ, kat ɓakɛyɗiikɛɛ agut beeɗit noŋk kɛ, 'Ɗamiikɔɔ jikon?' maŋk kɛ, 'Kadiikɔɔ jikon?'
Ɔkɔn kadiɗi Waakoyot makasɛka ɗookoŋk sigeega dɛnɛɛ sɛɛg ɓeny sineene, makɔɔ alɛ orɛɛ sɛɛg maɗak oko sinikiŋ, anɛ iinak sigi kɔne bitak ŋaadiyɛkik! Ki kɔna kadiɗit a kaalɛŋ ɛk?
Saadi baŋiya kɔɔniyɓa sɛɛg Yeese kɛ, "Saakan kɔnu wosɛyɛɛɗa a kɔne kɛɛ kosɛ, a wooj, a saamɛyɛk, lakɛ any sinɔkan kɔne bitakɗiiŋɔŋkuŋ?" Nɛɓa sɛɛk jumurargeeɗ kɛ, "Kɛɛ any sinɔkan tine bitakɗiik."
Nɛɓa Yowanis jumur sɛɛga kɛ, "Iɗit sinɛ lak abiyak a pɛɛyk, in kaasiɗi eta sinaana kiiɗɛk. Maɓɔrɛ iɗit sinɛ lak ɗamak, in ijaag oko sinɛk."
Nɛɓa Leewi ijaag Yeeseya wɔɔr sinɔ obiiŋɔŋk nyaki nɛɛkɛk. Beeɗirɓa joop sigɔ yayawar worik a ɓɔɔkaaŋ a joop ɔgɔ a sɛɛn agut omoŋ nyon ɗamatoŋk.
Saakɔɔ guugunyarɗɔ godeya omaltaak, in beeɗɛɛ saadi nɔkɔɔ ŋaararkiɗɔɔ katamɛɛ saak.
Iɗit sinɔ amaasinik ɗɛygeeɗ a sɛɛn ragadtan kɛnɔ ari ɔɗɔwen nɛɛk beyaak a yaageeɗiŋ, ma ki gaalaat ant sinɔɔnɛ moko ijaag amaasiniyoŋkuk.