Lukaas 8:3 - Kuumeet Sinɔ Tɔɔnuk Ad Majaŋeeroŋk

³ Yohaana, jarti Kuujaak sinɔɓa ɔɗɔwen ijaageer gode Herodisik, Soosinaa, a jartiyatɔk ɔgɔ a ɓɔɔkaaŋ sigɔɓa ijajagi Yeeseya a nomtaanaka gɛɛnak wori nɛŋkik.

Lukaas 8:3 Iomraidhean Croise

Maatiyoos 14:1

Saaɓak Herodis sinɛɓa ɔɗɔwen ɗoo Gɛlilaak, tiyɛɓa ɔɔtɛ Yeeseek,

Maatiyoos 14:3

Agut sinɔ gaamuɓa Herodis Yowanis nɛ gaɓɛ godeya korkoɗɔɔnoŋk agut jarti manyaak Pilipoosuk Herodiyadaa.

Maatiyoos 14:6

Saaɓa Herodis eemɛyɗi waawuy nɛɛk ɓartɛɛtoŋkuk, nɛɓa tɔn sinɔ peetik Herodiyadaak duubiye nɛ ari sɛɛn a yaageeɗiŋ.

Maatiyoos 2:11

Nɛɓa guugunytar godeya, nɛ dɛnɛr sasalɛ nɛɛk sɛɛn a ɛmɛs Maariyam agut omoŋ. Nɛ ɛtɛr korontunɛ nɛ ugumergeeɗiŋ. Nɛ ɓuuker sandukak gɛŋk, nɛ boŋurku tigi worke, a any sinɔ uduŋɛɛŋɔŋk, a any sinɔ ŋaa yaagɛrk riyɛ kɛ kɛrbeek.

Maatiyoos 20:8

Saaɓa kɔjururkuɗuk, nɛɓa tonu ɗuma sinɛ taawa wɛynik eta sinaana ikomu ijaageer gɛɛŋkik kɛ, Tiri ijaageer baŋɛ a tukiɗi sigaagɛkan mɛlɛrki baŋiyaak, nɔ mɛlɛɛɗa sigaagakan mɛlɛrki tukik nɔ koyun sɛɛga wori nɛŋk.'

Maatiyoos 25:40

"Jumurkoy sɛɛga suumi nɛɛkɛ kɛ, 'Eekeer tona kɔnaaŋ, any sinɛɓa ijaagiir manyaakaka eeta sigeega balaatuŋɔŋk omaltaak itoɓa ijaagiir eeta.'

Maatiyoos 26:11

Sankaanak sɛɛg a iinak agut omoŋ ɓɛɛnyɔwɛ gɛɛŋk baŋɛ, makɔɔ kɛɛ eet a iinak agut omoŋ ɓɛɛnyɔwɛ gɛɛŋk baŋɛ.

Maatiyoos 27:55

Lakɛɓa saadi jartiyatɔk sigɔɓa mermemenik ayowɛɛɗŋɔŋk a ɓɔɔkaaŋ sɛɛg sigɛɓa nonomar Yeesee a kɔkɔnyar a tukiɗi Gɛlilaakeek.

Lukaas 24:10

Joop sigɛɓa tonur any sini nomtaanakaak Maariyam Mɛgdooluk, a Yohaana, a Maariyam, ɛmɛs Yaykooba, lakɛɓa ɓɔrɛ jartiyatɔk sigɔɓa sɛɛg a sɛɛg agut omoŋɔŋk.

Yowanis 12:6

Nɔɓa toniiɗ sinik mokoɓa sanɗigeeɗ sankaanak, ma agut sinɔɓa sɛɛn agaltik. Lolowiɓa kosɛ sinɛ woriyoŋk sɛɛn. Nɛɓa barɛ any sinɔ boŋku wori sinɛ gagaɓɛɛ saanak.

Ijaag Wosɛytaanakoŋk 13:1

Godeey Sambatɛyoŋk sinɔɔnɛ ar Ansokiyaakek, lakɛɓa joop pɛrkaakoŋk a rɔɔriytaanak. Joop sigi, Barnabaas, a Simion sinɛ kɔjuk, a Lukiyoos sinɛ iɗit ɗoo Kɛrenaak, a Minahee sinɛ ɔɗɔwen woriya Herodis sinɛɓa ikomu pakattan ɗoo aŋaneen nɛɛkik, a Saaool.

Pɛɛyeen Korontoosuk 8:9

Agut sinɔ ɗegerii wookan Suumi naŋk Yeese Kereseekiŋ, kɛygunɓa sɛŋk Sɛɛn worikan, nɛɓa sɛŋk dakɛ giroykan agut iinak, kɛnɔ dakɛɛr a worikaanak goy nɛɛkɛk.

Pilipisiyoos 4:22

Digoyɛɛtarnɔ kɔnu ŋaadtaana ɔgɔɔk kɛ ɗɔm sigɛ ijaagɗi woy suumi Roomuk.

Omoŋ Timotiyoosuk 5:10

ɛ in ɗegerɛɛ ant sinɔɔnɛ lowiiɗ tɔɔmɔk gɛɛŋk kɛ ɗɔmk, ɛ boŋiiɗ konank, ɛ aadiiɗ derak joop Waakoyotoŋk, ɛ kɔnyɛɛɗ joop sigɛ rakatkaanakik, a sinɔ ijaagiiɗ any sinɔ mentanŋɔŋk baŋɛk.