Lukaas 7:2 - Kuumeet Sinɔ Tɔɔnuk Ad Majaŋeeroŋk

² Lakɛɓa saadi iɗit Roomuk sinɔ ɔɗɔwen amaasiniyɛ sigɔ ɗibɛk nɛɓa goru ijaagen nɛɛk sinɛ poruk jɛt a ito rɛrŋ.

Lukaas 7:2 Iomraidhean Croise

Maatiyoos 27:54

Ɔɗɔwen amaasiniyɛ sigɛ ɗibɛk sɛɛn a joop sigɛɓa koorɛr Yeeseek saaɓa dɛnɛrɗi yike sinɛ ɗookoŋk a ola ɔgɔɔk nɛɓa ɓuri jɛt nɛ tonur kɛ, "Egek ɔrɔ sini Tɔɔn Waakoyotoŋk eekeerɛ!"

Lukaas 23:47

Ɔɗɔwen sinɛ amaasiniyɛɛkoŋk saaɓa dɛnɛɛɗ any sinik, nɛɓa pɔɔsɛ Waakoyo kɛ, "Iɗit sini mentankɔ taamɛkɛ Waakoyotoŋk eekeerɛ."

Lukaas 7:1

Tonuɓa Yeese any sini baŋɛ joope sigaagɛ ɓɔɔkaak taamɛkɛ nɛ ruume nɛ ŋaar Kipirnahooma.

Lukaas 7:3

Nɛ saaɓa tiyɛɛɗ ɔɔtɛ Yeeseek, nɛɓa wosɛygeeɗ gutarɛyɛ Ayuuduk a omoŋ omoŋ kɛnɔ kaar kalɛyir nɔ kus ebɔdɛ ijaagen nɛɛk.

Lukaas 8:42

agut sinɔɓa goriɗ tɔɔn nɛɛk sinɔ omoŋ sinɔ peetik a ito rɛrŋɔŋk. Egeɓa tɔn sinɛ emeyi gɛɛnɛ aarin a pɛɛy. Saaɓa Yeese arkiɗ ɛnyɛk a sɛɛn agut omoŋ, nɛɓa tolɗi joop a ɓɔɔkaaŋ sɛɛne tookɛɛta.

Ijaag Wosɛytaanakoŋk 10:1

Lakɛɓa iɗit om Keesaariyaake sinɔ riyɛ kɛ Kornelewoosuk. Sɛɛnɓa ɔɗɔwen amaasiniyɛ sigɔ ɗibɛk, pony amaasiniyɛɛkoŋk sinɔɔnɛ riyɛ kɛ Pony Itaaliyaak.

Ijaag Wosɛytaanakoŋk 10:7

Saaɓa ŋaarɗi wosɛytan sinɛkan tongeeɗ any sinik, nɛɓa riyiri Kornelewoos ijaageerɛ gɛɛnɛk a pɛɛy, a amaasiniyɛɛkɛ sigaagɛ atu sɛɛnek sinɔ ŋaadɛɛŋɔŋk a omoŋ.

Ijaag Wosɛytaanakoŋk 22:26

Nɛɓa ɔɗɔwen sinɛ amaasiniyɛ sigɔ ɗibɛk tiyɛ any sini, nɛɓa kɛɛ son lak ɔɗɔwen amaasiniyɛ sigɔ kumɛk nɛ tongeeɗ kɛ, "Ege sini iɗit Roomuk kin rɔɔɗɛt."

Ijaag Wosɛytaanakoŋk 23:17

Nɛɓa Paawuloos riyiri ɔɗɔwen amaasiniyɛ sigɔ ɗiɓɛk om nɛ tongeeɗ kɛ, "Widar tɔɔn sini son lak ɔɗɔwen amaasiniyɛ sigɔ kumɛk lakɛ any sinɔ kɛɛ tongeeɗŋɔŋk."

Ijaag Wosɛytaanakoŋk 27:1

Saaɓa ruumeeɗii kɛ ŋaariikɔɔ emɗ Itaaliyaak, nɛɓa gaɓɛɛ Paawuloos a korkortaanak ɔgɔ ɔɗɔwenta amaasiniyɛ sigɔ ɗibɛk sinɔɔna riyɛ kɛ Yuliyosuk, ar sɛŋk pony amaasiniyɛɛkoŋk suumii Roomuk.

Ijaag Wosɛytaanakoŋk 27:3

Nɛɓa alɛ nɛɛkɛ mɛlii Sidoonaa, nɛɓa mentan ɓayɛ Yuliyosuk Paawuloosaaŋ. Nɛɓa pɛgɛdgeeɗ nɔ lɛɛwɛ piraakak gɛɛŋk kɛnɔ kɔnyɛr sɛɛn oko sinɛ ɗɛygeeɗik.

Ijaag Wosɛytaanakoŋk 27:43

Yakana ɔɗɔwen amaasiniyɛ sigɔ ɗibɛk kiɓa boŋiiɗ koɓi nɛŋk, agut sinɔɓa ɗɛyɛɛɗ Paawuloos a bɔdɛŋɔŋk. Nɛɓa tonu kɛnɔ tetemarki joop sigɛ oolɛr teleyk emɗ nɛɛkɛ gɔrɔwa sinaana obiiŋɔŋk jeemɛ kɛnɔ ŋaarar walasa,

Kolasiis 3:22

Iinak laaŋoyeer, in tiiɗikɛɛ suumiyɛɛka goŋk ɗookoŋk ant baŋɛ, moko tiiɗikari kɛnɔ dɛnɛr joop nɔ yaa sɛɛga, ma tiiɗikari a ɓureer Suumi Yeesee ɓayaay sinɔɔnɛ ɓɛɛl kɛ ɗɔmk.